// موطنك قلبي //
مساكم // صباحكم خير بالبدايه حبيت اعتذر على الغياب واجدد توآصلي معكم بقصيده اتمنى لها القبول: . . ياهاجسي وشفيك يالله عسى خير طال الغياب وصاحبك نشف ريقه ْْْ تعال وسط الصدر وثر التعابير وعالج جروح في خفوقي عميقه ْْْ ياغايتي لغبت مابه معاذير الورد وشهو لــ تلاشى رحيقه ْْْ معيار حبك فاق كل المعايير واصبحت قصه في فواه الخليقه ْْْ من غبت ادور من يسوق التباشير من شان يجلا هم قلبي وضيقه ْْْ موطنك قلبي وانت تفرق عن الغير مدام لك . . . وسطه. . صروح عريقه ْْْ اخذه وعلق فيه لو حات تحذير موقع خطر. . . قربه يسبب حريقه ْْْ بالحيل اعزتس ياصدوف المقادير , , كنتي سبب بأحلى علاقه وثيقه ْْْ ياملهمتني ليت للوصل تبرير شفق وابي شوفك وادور طريقه ْْْ والله لو يوفي عن الشوق تعبير يمديك من مبطي عرفت الحقيقه ْْْ قد قالها المنعور نسل المعايير ((عطني من اوقات الدقايق دقيقه)) ْْْ ترى فراقك من كبار المخاسير . . يطيح سهم القلب ويفقد بريقه ْْْ |
نواف ناصر
أهلا بحضورك وصح لسانك معانقة رائعه بروعة عودتك لاخلا ولا عدم |
مساء الخيرات قد قالها المنعور نسل المناعير عطني من اوقات الدقايق دقيقه ترى فراقك من كبار المخاسير يطيح سهم القلب ويفقد بريقه قصيدة عذبه استمتعت بقراءتها صح الله لسانك ولا هنت يا نسل المناعير بانتظار جديدك . |
نواف ناصر
لاهنت وحياك ربي ابدعت وامتعت تحياتي |
والله لو يوفي عن الشوق تعبير
يمديك من مبطي عرفت الحقيقه ْْْ قد قالها المنعور نسل المعايير ((عطني من اوقات الدقايق دقيقه)) ْْْ ترى فراقك من كبار المخاسير . . يطيح سهم القلب ويفقد بريقه الله الله يابو ناصــر .. عز الله العزيز أنها فوق المستوى ويعلم الله اني قريتها كذا مره من حلاوتها وتسلسل ابيوتها شاعر علم وانتعلم منك لله درك وكفى |
نواف منور وجودك
صح الله السانك تقبل مروري |
اقتباس:
يامرحبابك يالعطاوي وصح بدنك . . شاكر لك مرورك لاهنت ودمت |
نواف
لله درررك تحيتي لك |
اقتباس:
حياك الله نورت القصيده بحضورك لا خلا ولا عدم من توآجدك |
،
نواف صح الله لساانكـ، ,, وبيض الله وجهكـ، تـح ـياتي لكـ، |
يا سلاااام يا نواف
جزاله وابداع لله درك وصح لسانك مدد ودي وتقديري |
احسنت يا شاعرنا
وانت شعرك فارق عن الغير صح لسانك وعلا شانك تحياتي |
..
صح لسانك مدد ابيات رائعه .. حضورك في هذا المتصفح مميز جدا كل الشكر لك تحياتي .. |
الله الله
يابو ناصر اثره نايشك الهوى صح لسانك صح لسانك |
صح لسانك يانواف
ولا هنت على القصيده اللي تقطر منها العذوووبه على هذا المتصفح تحيتي لك |
ياسلام سلم ترى فراقك من كبار المخاسير . . يطيح سهم القلب ويفقد بريقه صح لسانك قصيده رائعه ومعاني فيها عذوبه وجزاله ابدعت لك فائق الاحترام والتقدير تحياتي |
صح لسانك
قصيدة رائعه تشفع غيابك وحمدلله على السلامه |
الله الله
جزلة من شاعر جزل سررت لحضورك .. والله لا يضرك على تلك المشاعر تحياااااااتي .. |
اقتباس:
يامرحبا هلا اخوي محمد شرفتني بتوآجدك لاهنت على مرورك |
اقتباس:
اخوي عايض اسعدني مرورك على القصيده لا خلا ولاعدم من توآجدك واشكرك على كلامك الطيب ولا هنت ودمت يابو مبارك |
مساء الخير
ولاهنت رائع وقصيده رائعه صح السانك |
اقتباس:
صح بدنك والله لا يهينك على توآجدك . . لا خلا ولا عدم |
| جميع الأوقات بتوقيت GMT +3. الساعة الآن 05:57 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية