ورود الشـــــــوق
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صباحكم000مساءكم خيــــــــــــــــر ارجو لهذه المتواضعه القبول سقى الله بدايات الهوى يوم كنت صبي=مع الفاتن اللي باجمل الوصف فتانه هنوفن على الضلع القصير كوتني كي=عليها ورود الشوق ضميا وذبلانه عطتني عن الحب الحقيقي نموذج حي=لكني صغير ونظرتي مالها خانه وبعد ماكبرت وصار عندي وضوح شوي=لقيت الحياه بضيقت الصدر مليانه تذكرت يوم تقول ويدينها بيدي=تراني على شوفتك وجله وشفقانه تخودر بنجلا" ناعسه ماتناعس غي=هذا لونها دايم على طول نعسانه شعرها اشقرن يغلب شقاره شعاع الضي=يغطي جسدها لو من اللبس عريانه وقررت اقابلها عساها على ماهي=واعالج جروحن باثرها الروح تعبانه سعيت ومشيت لوصلها شمس والا في=على شوفها نفسي من الوجد ولهانه وبعد ماتلاقينا وشافت عيوني مي=تغطت وقفت بنت الاجواد خجلانه وانا من صعوبة موقفي كان وضعي سي=عن البوح والتعبير الالفاظ خوانه وراحت وخلتني مسجم على ما في=تزايمني العبره والاخلاق خربانه تشد العبايه كنها مادرت عن شي=وتمشي رويد رويد ماهي بعجلانه تباها بجسمن مثل غصنن سقاه الري=غضيضن عروقه بازرق الجم رويانه تقول يتجزل يوم تمشي شوي شوي=لا لا مع علوه واسفله عرف وميانه عيوني تشاهدها وجرح الضماير ني=ورجلي على الخوه شفوقه وحيرانه عليها سلام الود من يوم كنت صبي=ليا الليله اللي بالهواجيس مليانه [/poem] |
حجز بمقام الإماره
سأعود |
صح الله السانك ولاهنت
ابيات جزله تقبل تحياتي |
عليها سلام الود من يوم كنت اصبي=====اليا الليله الي بالهواجيس مليانه
محيا السلات.... صح السانك حبكت شاعر فارق كل بيت أجمل من الثاني لله درك سجل متابعتي |
ياسلام سلم عيوني تشاهدها وجرح الضمايـر نـي ورجلي على الخـوه شفوقـه وحيرانـه صح لسانك قصيده رائعه ومعاني فيها عذوبه ابدعت لك فائق الاحترام والتقدير تحياتي |
[align=right]الله الله
محيا مرحبا بك وصح لسانك مدد على هذه الفاتنه ولا هنت ..![/align] |
الشاعر القدير/محيا السلات
الله الله صح لسانك وبيض الله وجهك عاطفيه عذبه مصاغه بتمكن واسلوب راقي ومشاعر متدفقه سلسه في تراكيبها تداعب الوجدان بصدق ودفْ مشاعرها. شكراً ان امتعتنا واعطيتنا صوره حيه عن معاناه سابقه اتقنت في رسم الصوره وانت شاعر متمكن ومبدع لاهنت تقبل أصدق الود |
محيا السلات
صح لسانك لين ترضى تقبل ودي |
صح السانك
أعذب الكلمات يالشاعر السلات وتقبل تحياتي |
مساء الخير
ولله درك يامحيا وقصيده جزله صح السانك |
ارحب والله يابو محمد
شاعر ومبدع ومتمكن صح صح صح لسانك مليون ولي عوده باذن لقراءة الابداع مره ثانيه وثالثه ورابعه تقديري لك . |
تشد العباية كنها ما درت عن شي
وتمشي شوي شوي ماهي بعجلانه ها ذي اللي ما لها علاج صح لسانك يا ابو محمد وما قصرت معجب صح لسانك يا ابو م |
شطح بي التخيل وانا انتقل من بيت الى بيت
ليتكون امامي مشاهد حيه لما حدث من خودرتها بالعيون وانت صبي لين اقفت وهي تمشي شوي شوي تخودر بنجلا" ناعسـه ماتناعـس غـي هذا لونها دايـم علـى طـول نعسانـه حرفنة وتمكن صح لسانك وفكرك يا محيا ودي وتقديري |
محيا السلات
الله الله الله ابدعت بكل صراحه حرفنه وتمكن واسلوب ووصف لايجيده الا المبدعين صح لسانك لين ترضى تقديري وتحياتي |
صباح الخيرات ابدعت وعيشتنا الصورة كامله الله يستر عليك قصيدة طيبه الله لا يلجمك وصح الله لسانك ولا هنت بانتظار جديدك . |
صح لسانك يامحمد
وحيااااااك الله قصيده راااائعة واللي مجملها ومحليها مشااااعرك فيهاااا تحيتي لك ولا تحرمنا جديدك |
سلطان العطــــــــاوي
شرفتني بمرورك واتحفتني بحضورك تحياتي |
صالح السبهان
لاهنت على مرورك شرفتني كل الود |
ابو محمد ..
مجرم شعر ولا فيك حيله .. صح لسانك ولاهنت كل الود ؛؛؛ |
ابو محمد
صح لسانك عدد حروفها والله قصيده تجبر الواحد كل مايدخل المرقاب يمرها وانا من صعوبة موقفي كان وضعي سي عن البـوح والتعبيـر الالفـاظ خوانـه وراحت وخلتني مسجم علـى مـا فـي تزايمنـي العبـره والاخـلاق خربانـه هذا والله العلم :) تقبل مروري واعجابي اخوك |
عطتني عن الحب الحقيقي نموذج حـي
لكني صغيـر ونظرتـي مالهـا خانـه وبعد ماكبرت وصار عندي وضوح شوي لقيت الحيـاه بضيقـت الصـدر مليانـه وهنا نموذج حي للابداع صح لسانك يا محيا |
[align=right]
جميله حد الثماله [/align]لله درك..وصح لسانك مليون تقديري .[]. |
| جميع الأوقات بتوقيت GMT +3. الساعة الآن 09:35 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية