هاتريك
ما ترد السلام ..... ولا ترد الكلام غارقة فـــ ايش مدري .. بس هي غارقة مالها فـــ السهر عادة , وعيت تنام ليلة السبت .. هذي ليلةٍ فارقة ليت من هو سرقها تحت جنح الظلام طفلةٍ من ترفها نااااااعمة حااااااارقة من سرقها تعداه العتب والملام هو سرقها وهي فــــ الواقع الـــ سارقة يمكن تروح به لـــ آخر حدود الغمام ويمكن يطيح بين دبي والشارقة ما تحلل حلال ولا تحرّم حرام عندها فـــ التجافي قدرة خارقة ما ترد السلام ولا ترد الكلام ويمكن تكون في حلو الكرى غارقة ............. يا صبر الأرض ومن عليها .. عليها وشلون إلى هالحين ماحدٍ خطفها كلٍ تقول عيونه انه يبيها واللي عرفها .. ذنبه انه عرفها يحبها , واكثر بعد .. يشتهيها لو انها حبة عنب .. قد قطفها لكنها مهرة وصعبة يجيها ولا كل خيالٍ يبيها عسفها التوت والرمان والورد فيها متوزعة في جسمها من ترفها لو ابتديها ما قدرت انتهيها ناقف انا والشعر في منتصفها ( هي خاربة ) لكن .. علي وعليها بتعرف بكره ليه زايد خطفها ! -------- غصنها المورق تميّله الهبايب شيب عيني كل ما هبّت ! ومالت شيخة الزينات منها الحال ذايب صالت فـــ قلبي بــ مفردها وجالت تحسب ان القلب مرتع للحبايب وقصتي معها على التلويع طالت يوم مرت جنبي بــ شقر الذوايب كل خصلة مع خطاويها استطالت كنت حاضر يوم مرت .. صرت غايب كنها دمعة على خدي وسالت نااااعمة مثل ابتسامات القرايب موجعة مثل المصايب لا توالت عاد وان هبّت على الغصن الهبايب شوفوا انتم عاد لا هبّت , ومالت |
،
المبدع / زايد من سرقها تعداه العتب والملام هو سرقها وهي فــــ الواقع الـــ سارقة الله الله بيت بـحسب إطلاعي وقراءتي لم تسبق عليه ، كلٍ تقول عيونه انه يبيها واللي عرفها .. ذنبه انه عرفها الله الله الله ، عاد وان هبّت على الغصن الهبايب شوفوا انتم عاد لا هبّت , ومالت صح الله لسااانكــ، يامبدع .. وبيض الله وجهكـ، تـح ـياتي لكـ |
ياسلام سلم قصائد جميله ومعاني فيها عذوبه وجزاله ابدعت في صياغتها لك فائق الاحترام والتقدير تحياتي |
ياسلام سلم صح لسانك قصائد جميله ومعاني فيها عذوبه وجزاله ابدعت في صياغتها لك فائق الاحترام والتقدير تحياتي |
مالها فـــ السهر عادة , وعيت تنام ليلة السبت .. هذي ليلةٍ فارقة ليت منهو سرقها تحت جنح الظلام طفلةٍ من ترفها نااااااعمة حااااااارقة التوت والرمان والورد فيها متوزعة في جسمها من ترفها لو ابتديها ما قدرتانتهيها ناقف انا والشعر في منتصفها تحسب ان القلب مرتع للحبايب وقصتي معها على التلويع طالت يوم مرت جنبيبــ شقر الذوايب كل خصلة مع خطاويها استطالت |
ناعمة مثل ابتسامات القرايب موجعة مثل المصايب لا تتالت عاد وإن هبّت على الغصن الهبايب شوفوا أنتم عاد لا هبت ومالت يا سلاااام المبدع/ زايد الرويس صح لساااانك على هذه الثلاثية الرائعة التي ولّدتها رغبة قوية (ومشروعة) في الخطف/التّملك ! فأنتجت لنا كل هذا الصدق والإبداع والعذوبة تحياتي لك |
من سرقها تعداه العتب والملام
هو سرقها وهي فــــ الواقع الـــ سارقة . . يا صبر الأرض ومن عليها .. عليها وشلون إلى هالحين ماحدٍ خطفها . . نااااعمة مثل ابتسامات القرايب موجعة مثل المصايب لا توالت زايد الرويس ومعزوفات مبدع لله درك / بس اسرق ولا تخطف :) دمت بخير |
الرويس صح الله لسانك ثلاث مرات ولا هنت :) |
[align=right]يا سلامي عليك يازايد الرويس
مقطووعات جميله صح لسانك مدد ولا هنت تحيتي..![/align] |
زايد
ما ترد السلام ولا ترد الكلام ويمكن تكون في حلو الكرى غارقة ابدعت بتلك الدرر صح لسانك عدد أحرفها |
| جميع الأوقات بتوقيت GMT +3. الساعة الآن 09:35 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية