قصيدة في حفلة الهناشله من الموازين حتفاءاً بخوالهم السمره من عتيبة
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام تقدير ومعزه وتبجيل = من صادق حساس المشاعر نقوله سلام ٍ نسوقه لروس الرياجيل = للي ليا قلنا سلام اوقفوله خنين عطره كنها خنة الهيل = في دله بالزعفران معمولة عن عزوتي مايبرد العزم والحيل = والشيخ ابن زيد ونوادر فعوله والشعر وشعوري بصدري هماليل = يلوح براقة وتمطر ثعو له من صبح ومزو نه تكاثف محاميل = والعصر قبل خد الارض بهطوله وابطو على الحال وصل وتعاليل = لين الظلام ارخا عليهم سدوله وودع مواصلها مع موادع الليل = والصبح تضحك ضحك عذرا خجوله الشعر شربة مثل شرب الفناجيل = اشرب فناجيلة واروض خيوله وانما نظمت السبع والجدي وسهيل = ونظمت مرجانة وصفيت لوله وش هوله اصوغ الجمل فالتماثيل = وش هوله اقف قدمكم ويش هوله للجزل جزل وللمواقف حلاحيل = وللسيف حد وللمعارك بطوله وللحر ماكر في علو المنازيل = والرجل تعرف نيته من قبوله يامطير حمران النواظر هل الخيل = يوم المنايا مقيدة ومعقوله هناشله والعلم جمله وتفصيل = مضالهم فالوقت صوله وجوله ليا ختلط عج الرمك والمفاتيل = وردوا على حوض المنايا زحوله وترا العواني والرجال المشاكيل = منا ومنكم والعدول معدوله واجب علينا ما نكف المواصيل = الله أمرنا بالوصال ورسوله أجدادنا يوم القسا والغرابيل = العانية رغم الظروف او صلوله هذاك مثل عماش وعماش حلحيل = وعماش لاجا طارئه نعموله علماً عليه مثبتين الدواليل = ورد خواله فالقسا يوم جوله تعاونوا على حياة البهاذيل = وياما فزع معهم وياما افزعوله وربعي خواله فعلهم يعدل الميل = لا صاح صياح الضحى واعتزوله ربعي هل الردات ذباحة الحيل = عزاً صعد لين الرجال اشهدوله بحراً تلاطم غبته بالاساطيل = زمانهم لو انحنى مانحنوله بيدينهم تلقى السيوف المصاقيل = وفي روسهم تلقى السطر والبطولة وبوجيهم تلقى الفرح بالمقابيل = وبصدرهم تلقى السعه والرجوله وختامها دعوه معزه وتبجيل = واللي يقول القول يحما فعوله عزيمةٍ من راس ماهي مراسيل = وليا دعاكم خالكم تمموله [/poem] القصيده صوتي [youtube]http://www.youtube.com/watch?v=6zl10ke76Ds&feature=player_embedded[/youtube] |
هلا يا ابو سعيد
مرحبا ألف وصح لسانك مدد والله ولاهنت |
بيدينهم تلقـى السيـوف المصاقيـل
وفي روسهم تلقى السطر والبطولـة وبوجيهم تلقـى الفـرح بالمقابيـل وبصدرهم تلقى السعـه والرجولـه الله الله الله ابداع ابداع صح السانك ولاهنت تقبل مروري |
ماشاء الله ياسلام سلام بحـراً تلاطـم غبتـه بالاساطيـل زمانهـم لـو انحنـى مانحنـولـه بيدينهم تلقـى السيـوف المصاقيـل وفي روسهم تلقى السطر والبطولـة وبوجيهم تلقـى الفـرح بالمقابيـل وبصدرهم تلقى السعـه والرجولـه صح لسانك قصيده وافيه ومعاني فيها جزاله وعذوبه ابدعت في كتابتها بالشكل الرائع لك فائق الاحترام والتقدير تحياتي |
قصيدة جزلة يا خالد ونعم بالخوال وبنيخيهم حضرت فجملت تقبلي ودي وتقديري ،، |
ارحب ياسلطان
مشكور على هذا الحضور |
اقتباس:
صالح لا عدمتك يالذيب |
والـشـعـر وشـعــوري بــصــدري هـمـالـيـل
يــــلــــوح بــــراقــــة وتــمـــطـــر ثــــعـــــو لـــــــــه مـن صبـح ومـزو نـه تكاثـف محاميـل والـعـصـر قــبــل خــــد الارض بـهـطـولـه وابـطـو عـلــى الـحــال وصـــل وتعـالـيـل لــيـــن الــظـــلام ارخـــــا عـلـيـهــم ســدولـــه وودع مـواصـلـهــا مـــــع مــــــوادع الــلــيــل والصبح تضحك ضحك عذرا خجوله الله الله يابو راكان ابداع غير مستغرب على احساس الكلمه شاعر فوق الوصف وقصيدة شامخه |
اقتباس:
الاروع مرورك يامحمد |
.
مبدع وين ما وجهت ياخالد صح السانك على هالشااامخة تحيااااااااااتي . |
| جميع الأوقات بتوقيت GMT +3. الساعة الآن 01:24 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية