تــزعــل و اراضــيك
كل عشر ايام ياقسم المواهب لك من كديميس و اشعاره قصيدة للتواصل مع المواهب :) [poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياهيـه عـد القوافـي دوم نـضّـاح=و سحايبه مردمـه طـول الزمانـي أما يسوق الرعد لمـزون (ن) لقـاح=وبروقهـا تخطـف أبصـار العيانـي مسيلها من حقـل لعيـون الاسيـاح=و مسيلها مـن سنـام ليـا عمانـي و من المدينة و جـده سيـل فيّـاح=حدور و يقـال فـي الصمـان بانـي السيل مالـه قيـود ولا لـه سنـاح=و في غب سيله خزامـى و اقحوانـي و على نواوير عشبـه طيـر صـدّاح=يطرب لك ليا طربت وجـاب اغانـي و إن كان جاء للمشاعر دور الافصاح=اكتـب مشاعـر ولا ينطـق لسانـي و اقول لك كل بادي وقت يـا صـاح=لا تطـوي القيـد و تمِـن الحسانـي اسرفت في بالمـودة وانـت مرتـاح=تلعب طرب ما طـواك اللـي طوانـي و انـت بدلالـك تعانـد كـل سفـاح=قاضي و جلاد , طبعك طبـع أنانـي تزعل و اراضيك و تقول الحطب طاح=و تزعل بلا اسباب, و تقول انت جاني و طير الهوى في الشراك مكتف جناح=يا كثر ما لـك شكـى ممـا يعانـي لا ترهقـه بالغـلا و تصيـر ذبّـاح=للـي غـلاك امتلـك منـه المحانـي دام الفكر صار له مسرى و مسـراح=في عالمك يـوم قـدم لـك ضمانـي لا تسجن الروح , وقت تعوم الارواح=و عين السهر ترقب سهيـل اليمانـي متى ؟ وعلى الله قيود السجن تنـزاح=وترزم رعود القصيـد ب/مهرجانـي مع الزعل والعتـب تنهـار الافـراح=و مع الفرح كل قاف(ن) ما عصانـي [/poem] , ,, , |
ياسلام
ياسلام هذا من حظ المواهب :) وعساه دوم نضاح صح لسانك الف حضور جزل ورااائع كالعاده لاهنت احترااامي و ج د |
كديميس
مرحباااا بك كل يوم ماهو كل عشره :) صح الله لسانك |
العشره ايام واجد شوي :)
مرحبا ياكديميس .. صح لسأنك على هالابيات الرايعه .. مير ترا العشره ايام واجد شوي :) تحياتي لك |
،
ياسلااام , كديميس لو كل يوم نقرالك قصيدة ماملينا , لأن قصيدك له طابع غير صح الله لسانك عدد حروفها يامبدع ،، تح ـياتي لك |
هذا وعد وبشاره :)
واذا ما وفيت انتظرني في الفنون :) صح لسانك يامبدع مدد تقديري |
كديميس..
نص مفعم يالجمال والعذوبه وبصراحه انت شاعر جمييييييييييل صح السانك ياقرم |
:
تزعل و اراضيك و تقول الحطب طاح .............. و تزعل بلا اسباب, و تقول انت جاني و طير الهوى في الشراك مكتف جناح ................ يا كثر ما لـك شكـى ممـا يعانـي لا ترهقـه بالغـلا و تصيـر ذبّـاح ............... للـي غـلاك امتلـك منـه المحاني دام الفكر صار له مسرى و مسـراح .............. في عالمك يـوم قـدم لـك ضمانـي لا تسجن الروح , وقت تعوم الارواح ............. و عين السهر ترقب سهيـل اليمانـي أخي الكريم كديميس صح الله لسانك ولاهنت على تميز الأبيات .. دمت بكل الخيـر .. |
الله الله ع الإبدآع والجزآله وفي إنتظآر قصيده { كل 10 أيآم } وتقبل مروري يآ مُبـدع !
|
كل عشر ( بيغثنا ) :) لا بالله كل يوم هات قصيده وحنا متابعين ونشفق على قصيدك وعلومك الغانمه الله لا يلجمك وصح الله لسانك ولا هنت بالتوفيق ،،، |
كديميس آلسيحآني سلمت صح آلله لسآنك مليون ولآ هنت كل آلشكر |
اقتباس:
وعتلاشانك ياكديميس ابدعت لاهنت تحيتي وتقديري |
ياسلام سلم لا ترهقـه بالغـلا و تصيـر ذبّـاح للي غـلاك امتلـك منـه المحانـي دام الفكر صار له مسرى و مسـراح في عالمك يـوم قـدم لـك ضمانـي صح لسانك قصيده جميله ومعاني فيعا عذوبه ابدعت ياشاعر ومتابعين لجديدك لك فائق الاحترام والتقدير تحياتي |
.
. . . مــــع الــزعــل والـعـتــب تـنـهــار الافـــــراح ...................و مـع الفـرح كـل قـاف(ن) مـا عصـانـي ابيات جميله بتفاصيلها صح لسانك يابو منصورررررر حضور مميز وشاعر جزل |
اقتباس:
هلا بك ومرحبا صح كلك ولا هنتي يشرفني مرورك العطر دمتي بخير , |
يا سلام عليك
قصيده ابحرت في بحر الابداع صح لسانك يا مبدع ولا هنت |
مع الزعل والعتـب تنهـار الافـراح
و مع الفرح كل قاف(ن) ما عصانـي الله الله صح السانك ولاهنت |
صح لسانك شاعرنا وتسلم على هـ المعلقه العذبه طال عمرك هطول مستمر وأبدااع غير.. تقديري لك’,, |
.
. لا ترهقـه بالغـلا و تصيـر ذبّـاح للـي غـلاك امتلـك منـه المحانـي لا ترهقـه بالغـلا و تصيـر ذبّـاح للـي غـلاك امتلـك منـه المحانـي :) صح لسانك يابو منصور ، وصباحك شعر ياشعر . . |
أرحب يا ابو منصور
صح لسانك مدد ومرحبا الف بالشعر وراعيه |
اقتباس:
فهد بن عبدان هلابك ومرحبا المرحب باقي يا فهد :) صح كلك ولا هنت يشرفني مرورك الغالي دمت بخير تحياتي لك |
اقتباس:
محمد بن عون هلابك ومرحبا بيت طرى على لسان شاعر :) و المده الله اعلم بها صح كلك ولا هنت يشرفني مرورك الغالي دمت بخير تحياتي لك |
| جميع الأوقات بتوقيت GMT +3. الساعة الآن 11:26 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية