الحل المشكلة ..!
 

[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا صديق الامس لي كبد وتعاف = وبين ضلعيني نبض قلبٍ عقول!
لو لزمت الصمت .. نبذاً للخلاف= عارف إن السالفة يمكن تطول!
الخطا بيّن .. ولكن ما يشاف= والعذر مقبول .. لو ما له قبول!
والتشابه بيننا فـ / الاختلاف = لو لنا نفس المشاعر والميول!
قبل تذنب .. كانت عيوني نظاف = وبعد ذنبك .. صارت بحاجة ( غسول ) !
‎​اغسل عيوني بصدقك ، لا تخاف = ما اسمع الواشي .. ولا هرج العذول
الخطا نفسه مهو فـ / الاقتراف= الخطا : تنكر خطاك ولا تقول !
لا فطنت لغلطتك .. حط اعتراف = انت غالي ، والجفا صعب الحصول!
معتماتك بيض .. وثقالك خفاف = وحَسْنتك تبقى .. وزلاتك تزول!
والهقاوي فيك ما تِلْحق خلاف = والاماني منك ما تعرف ذبول !
وانت خابرني لو سنيني عجاف= ما تعب متني من ثقال الحمول!
لو شكى الوادي همومه للضفاف = ما شكيت الهم للي ما يطول!
وانت طايل فـ / العيون وفـ / الشغاف = والبشر بيني وبينك ما تحول!
والمشاكل ما هي نهاية مطاف = يمكن تخلّف أثر .. لكن خجول!
لا لقينا الحل كان الائتلاف = لكن ان بعض المشاكل فـ / الحلول!![/poem]

،
محمد السبيعي
من الأسماء اللي أحرص على متابعة حصاد فكره الناضج ، قصيدة لا يأتي بها الا متمكن وذو باع طويل

لــــو لــزمــت الـصـمــت .. نــبــذاً لـلــخــلاف
عـــــارف إن الـسـالــفــة يــمــكــن تـــطـــول!
الـخــطــا بـــيّـــن .. ولـــكـــن مــــــا يـــشـــاف
والـعــذر مـقـبـول .. لـــو مــــا لــــه قــبــول!
والــتـــشـــابـــه بـــيـــنـــنـــا فـ/ الاخــــــتــــــلاف
لـــــو لــنـــا نــفـــس الـمـشـاعــر والـمــيــول!

هذي والله المشكلة
صح لسانك ، وبيض الله وجهك .


تح ـياتي لك

,

نقول حجز


:)

معتماتـك بيـض .. وثقالـك خفـاف
وحَسْنتـك تبقـى .. وزلاتـك تـزول!
والهقـاوي فيـك مـا تِلْحـق خـلاف
والامانـي منـك مـا تعـرف ذبـول !
وانـت خابرنـي لـو سنينـي عجـاف
ما تعب متنـي مـن ثقـال الحمـول!

الله الله الله الله
محمد السبيعي
شاعر متمكن صح لسانك
ابدعت بلاشك بيض الله وجهك
تقبل اعجابي ومتابعتي
تحياتي

لا لقينـا الـحـل كــان الائـتـلاف
لكن ان بعض المشاكل فـ/ الحلـول!!


صح لسانك ولا هنت يامحمد

صح لسانك قصيدة جزله