الصدر ضايق يا ابو شاهر..
 

الى اخوي الغالي مستور الذويبي

اتمنى ان تجد صداها لديه...

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ابو شاهر نهار امس غنيت=و غنيت يا ابو شاهراليوم
و الى من بنيت البيت و البيت=يجي له من العاصوف مقسوم
كسر معصمي يراع و ازريت=تقول الشعر تايه و منجوم
و انا لو اولع عود كبريت=اشوف الطريق العام مزحوم
و يوم انّ صدري ضايق ٍ جيت=ابا اعطيك من تنهيتي اهموم
لأنك مقام الإسم و الصيت=و مزبان من لا يعرف اللوم
ذكرتك صباحي, بعد ما امسيت-=-احسّب طعون الفرس و الروم
و هالحين بين الحي و الميت=و ميزان وقفاتك على السوم
طويت الصحاري و السباريت=يسليني اسمك عن كرى النوم
ابا اسمـِـعْـك مني كانك اوحيت=و سجّل و ابا اعلمك بعلوم
على امواتنا ستة حوانيت=و لا فيه فـ/الظلاّم مظلوم
ولو مات وعل ٍ في شفا هيت=لقيت الدساتن عجها يْحوم
الاشباح تخدمها العفاريت=و الاجواد بين الفطر و الصوم
و ابو بشت يسبح مع آبو بشيت=و لا فيهم اللي يعرف يعوم
نصيت الكريم و طيب الصيت=و الاعذار تبطي ما لها سوم[/poem]

يا حلوك
وحلو قصيدك

صح لسانك لين ترضى
ونحتري ابو شاهر

الله يبو مهنا الله لله دررررك عز الله قصيدة من شاعر بحق واسندت لشاعر بحق وسانتظر رد ابو شاهر

شفق..


صح السانك وقصيده طيبه وجميله وملاحظة اخوي مشعان في محلها

لاهنت ياذيب

تمت لك العافيه يا الغالي :)

و صح بدنك و انا اخوك..

اما بصوتي هذي حكايه ثانيه..
ههههههههههههههه

على شانه ماهوب زين؟؟

هذا اللي الله عطانا .. وش اسوي..

:)

حضورك اسعدتني يا سيدي..

الحلا بتواجدك يا سلطان..

حضورك دائماً له مكانه خاصه في روحي..

تأكد ان اسمك ليس من الأساء العابره عندي و انا اخوك..

صح بدنك و بيض الله وجهك و انا اخوك..


تحياتي

صح بدنتس يا مخايل.. و لا هنتي..

تحياتي لتس..

الغالي الدكتور حمد العصيمي

حضورك يا ابو تركي ماهوب رخيص

و اسمك يرفع اسهم القصيده

و ردك سمى بي مرابع النجوم..


الف الف شكر و تقبل خالص التحايا..

و ابو شاهر صعب .. و انا ما اروم الا الصعب.. :)

و انت جايك الدور.. بس خلني اتفضوى لك زين :)

تحياتي و محبتي


اخوكم

:)

الغالي ابو ناصر

صح بدنك و انا اخوك في كل وقت :):)
و عند طابور الاركان :)

الف شكر على حضورك و متابعتك يا ابو ناصر..

و تقبل اصدق معاني الشكر و التقدير


اخوكم

مرحبا تراحيب المطر يا ابو محارب..

حضورك غالي يا ابو محارب.. و اسمك ثمين في تواجده على اي موضوع..

صح بدنك و انا اخوك لين ترضى و بيض الله وجهك..

و مشد القصيده يخبرك عنه ثاني بيت و ثالث بيت... :)



الف شكر على ملاحظتك و منك نتعلم يا ابو محارب... لكن القصيده معذوره .. :)

تحياتي و محبتي و انا اخوك...

يا مرحبا تراحيب المطر يا ابن مرداس..

حضور اسمك لوحده يا فارس مكسب و تواجدك اضافه للقصيده و شاعرها..

صح بدنك يا بعدهم و الف الف شكر..

تقبل صادق المحبه و التقدير و الإحترام و الإجلال


اخوكم

ارحب و الله ان ترحب يا ابن هندي..

حضورك يا محمد هو المكسب و هو النجاح للنص و شاعره..

و أنت و ابو محارب اساتذه و منكم نستفيد بلا شك..

لكن يبدو ان هناك خلل ٍ ما.. انما البيت الثاني و الثالث يعذرها من كل شئ.. :)


تحياتي و محبتي الخالده يا محمد ..


اخوكم و مغليكم

ياسلام عليك ياأبومهنا .. : )


مبدع في كل شي .. الله لايضرك ..


وصح السانك .. وبأنتظار ابو شاهر .. : )

ابومهنا

صح السانك يامبدع

جزله من راس جزل

في انتظار الصدى من ابوشاااهر

تحيتي لك

الله الله
الله

مبدع صح الله السانك

ودي وتقديري