غنم شيباني ...!
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

هذا السؤال ؛ اللي بوجه إنساني = يا سائله ؛ يا ما معي ناقشته
كنّك تفتش من ورى جدراني = لأيّ عيبٍ قد سبق لي طشته
يا سائلي مقصدك ما يخفاني = حتى لوّ إنّك بالسمو ؛ زركشته
تبغي إلى صادفت من يشناني = خذته على حجرك وبي ؛ وشوشته
مستورة ؛ لوّ الزمان أقصاني = من مجلس اعيانه ؛ على محوّشته
ما قد قسم لي ؛ من نصيبٍ جاني = عندي يقين مالعرب ؛ حايشته
محدن يعيش العمر عمر ثاني = واللي ماهو يحسب علي ؛ طنّشته
أهم شيء ؛ اعيش بين اقراني = إنسان ؛ مازيف الرؤى خربشته
واضح وإنسانيتي عنواني = صادق معا نفسي على ماعشته
لوّ ؛ اتعشا من لحم ذرعاني = ألذّ من زادٍ هله ؛ ما خشته
يا خي ؛ أنا من قبل لا تقراني = ما أنت ؛ أوّل من بغا وأدهشته
ولد البدو ؛ في عزته متفاني = حتى لو ظروف الزمن مبّلشته
إلاّ ضعيف طاح ؛ بيد الدّاني = تضعضع لنفسه جبن ؛ وادوشته
خير لي اسرح في غنم ؛ شيباني = ولا ورى شيخا أمسّح ؛ بشته
هذا سؤالك كل ما فاجاني = لقاني اشعوف النخل ؛ واحنشته

[/poem]

لوّ ؛ اتعشا مـن لحـم ذرعانـي
ألذّ مـن زادٍ هلـه ؛ مـا خشتـه


ياسلام على هذا البيت




خير لي اسرح في غنم ؛ شيبانـي
ولا ورى شيخا أمسّـح ؛ بشتـه



ههههههههههه أكيد شيبانك أولى


ياسلام على الأنتقاء الرائع



محمد السالم


صح لسااااانك حتى ترضى

محمد


اللي يميزك قلت لها قبل اسلووووبك


انت فكررر


ماقد قسم لي ؛ من نصيبٍ جاني
عندي يقين مالعـرب ؛ حايشتـه


ياسسسسسسسسسلام



لوّ ؛ اتعشا مـن لحـم ذرعانـي
ألذّ مـن زادٍ هلـه ؛ مـا خشتـه



لله درك يامحمد ابيات فوق التعليق



صح الله فكرك يافكر

محمد انت شاعر غير

ونهجك غير

صح لسااانك

وهنا واحد من المعجبين

تحيتي لك

الله الله

صح لسانك يا محمد ولك المحبه والتقدير ياغالي

تحيتي واحترامي ومتابعتي

اخوك