كفيت يادرب(ن)مشيته ووفيت
 

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كفيت يادرب(ن) مشيته ووفيت=ماعاد لي في مشيك اليوم حاجه
ومشكور لو انك علينا تغليت=مدري ظروف الوقت مدري مزاجه
وعادي لو انك للمراجل تعنيت=وصبرت صبر ايوب في كل حاجه
داويت جرح ومابعد قد تدوايت=وحتى الجروح أبطت وقامت تواجه
ماكل حب(ن)مثل روميو وجولييت=وليلى وقيس ومن مشى في نهاجه
قصه وطراها معي سابق الصيت=مضمونها والناس تعرف خراجه
ودام أجمل الابداع مرهون في بيت=شعري دوا طب القلوب وعلاجه
حسبي على اللي لازهمته وناديت=اسمع صدى صوتي يرد ولجاجه
وان كان انا سلمت قلبي وداريت=شوف الزمن وش لون جاك احتجاجه
عشرين عام وبالقصايد تغنيت=عمري ودام الشعر زايد نتاجه
بتشوف شاعر كثر ما انته تمنيت=تذكر غلاه وضحكته وابتهاجه

[/poem]

رامي العتيبي


صح لسانك

وعلى شانك

قصيده رااائعه

تشرفت بمصافحتها

تحيتي لك

اهلا بك في مرقاب الجميع


وصح لسانك ولا عدمنا حضورك


تقبل ودي وتقديري يارامي :)

وانت بعد ياخوي رامي وفيت وكفيت

صح لسانك ولاهنت

رامي العتيبي


صح لسانك

وعلى شانك

قصيده رااائعه

عبدالله المرشدي
هلابك
وصح بدنك

نواف
صح بدنك
لاهنت

بتشوف شاعر كثر ما انتـه تمنيـت
تذكر غـلاه وضحكتـه وابتهاجـه


الله الله الله


صح لسااااانك يا رامي ابدااااااااع يا شيخ لله درط



تحيتي ,,,,