( ما تعترف بالنت ) ..!
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جانـي يبشرنـي لقالـه وظيفـه = زانت حياته ورحلت ضيقة البـال
مايدري انه سل بالقلـب سيفـه = قطّع معاليقي ودم الفـرح سـال
ممّا دهاني صـرت كنّـي كفيفـه = صار النهاربعيني اسود من الشـال
قمت آتذكّر كل لحظـه عفيفـه = معاه \ وهروجٍ بهـا قيـلٍ وقـال
امـه ادّورلـه فـتـاةٍ نظيـفـه = ماتعتـرف بالنّـت والا بجـوال
إبعينها من تعتـرف بـه خفيفـه = ولاتمتلك من زينة العقـل مثقـال !
مامرّها لاهـوب وقتـي وصيفـه = ولاهلّت العبره على بحر واطلال !
ولا رقت رجـم الجبـال المنيفـه = ولا صوّتت والهم بالقلـب نـزّال !
ماتدري انه شـوق قلبـي وريفـه = معه مفاتيح السعـاده والاقفـال ؟
ياما قسم لي حـر مـاه ورغيفـه = وياما قسمت لخاطره كل الآمـال
آويت قلبه عـن شتـاه وخريفـه = وسْكنْته بروحي بعد كان رحـال
وش حيلتي اليا غشا العيـن طيفـه = لاصارت الدنيا متاهـات وظـلال
اليا تبيّـن كـذب وقتـي وزيفـه = قولو لها وش حيلة الحـظ لامـال ؟!
الله واكبر من فرح صـار جيفـه = تخاطفتْه هبوب وطيـور ورمـال !
حياتـه بكـل المعانـي كسيفـه = ودروبه من اوّل صعيبات وطوال !
والا خفوقي عذّب الروح حيفـه = لا اذن تسمع له ولا قلب مدهال
والوقت نب نمشي على كيف كيفه = وان مارضينا نشرب البحر والجال !

[/poem]

امـه ادّورلــه فـتـاةٍ نظيـفـه
ماتعتـرف بالنّـت والا بـجـوال

إبعينها مـن تعتـرف بـه خفيفـه
ولاتمتلك من زينة العقل مثقـال !


الله وأكبر

صح الله لسانش ولا هنتي يا وجد

وجد

صح السانك .. ومبدعه في كل حالأأأأأأتك


كـل الـشـكــر ,,,,,,,

صح لسانش ياوجد
والى الامام

وجد


شعرك يعجبني دائم


شهادة حق اقولها هنا .


أنتي مبدعه


صح لسانك


تحياتي

صدق الشعور يفرق فالقصيده دايم
صح لسانك

:

صباحك .. مسائك سعادة ورضااا
وجد الإبداع قاسم مشترك يجمع بين نصوصك الشعرية
إلا أن هذا النص مختلف تماماً وأراه الأجمل / صح الله لسانك ولاهنتِ ..
دمتِ بكل الحب ..

يا هلابك يا اخي بدر

صح بدنك

ويسلم راسك على هالتواصل العذب

كل الشكر لك

تقديري

وجد

صح لسانك على هالقصيده الجميله بحق


دمتي بخير .