سوق البليله
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من هجوسٍ في ضميري كنها همال ناوي = ناويٍ له ثلث ساعه وادرج في الارض سيله
سيله اللي من عنوقه ماتنحيه النحاوي = فاض من وادي تديور في محانيه التريله
ماتوقف في السدود وماتلوى في الملاوي = يوم زبد ثم ربد شق في البيداء سبيله
اتقدم بالقصيده شاعر ماني بهاوي = شاعر عند اللوازم يندبه شيخ القبيله
في المديح وفي القديح وفي المشاكل والدعاوي = في مداقيل الصفوف وفي الحقوق وفي الفضيله
شاعر من قيف باللحمر بعيدين النهاوي = قيفنا اللي مانكسر له بيرق والله وكيله
بيرق يحميه صف سطوته سطوة نداوي = لانهض كل الطيور تخاف من صكات ويله
ماترضٌخه الظروف ولا السيوف ولا القناوي =ولا الجيوش ولا العروش بقوة ولا بحيله
لين جانا حكم من حكمه على النهج السماوي = بن سعود اللي حكم والدين الاسلامي دليله
امتثلنا له ولعياله ولا فيها فتاوي = دام زاد العز عز فلا نبي حي بديله
واجتمع شمل القبايل لا حروب ولا مساوي = تحت راية بن سعود وشجرة الدين الظليله
فالثنا والشكر لله يوم عود الجور ذاوي = ماتولانا رجاجيل ضمايرهم عليله
دامنا في دار خير وسالمين من البلاوي = التسلي بالقصيد من الرفاهيه الاصيله
هات ياهاجوس هات ولا تقزيك الحكاوي = ودي ارسل خط والجوال هو افضل وسيله
ياسلام الله سلام يسبقه كادي وجاوي = عد نسناس الهبوب وعد ودان المخيله
ياصل ابو مازن اللي ماتقاصيه الهقاوي = شاعر واعتبره من اهل الموازين الثقيله
صاحب العقل الفطين وصاحب الكف السخاوي = من ليوث في الملاقا ضدهم ياعزتي له
يافهد والعلم ماهو قصة بإسناد راوي = لد عينك في شداد مستوي عدله وميله
انت وسط السوق وبضاعتك في ظهر العراوي = كل سوق فيه بوق وكل تاجر له عميله
اختلط سوق البليله مع محلات القهاوي = وأصبح البن اليماني ريحته ريحة بليله
والمحرج مكرفونه بينهم صارخ وداوي = عشت يالبن اليماني والحسا عاشت نخيله
انهضم حق العريب وعقبوه أهل العزاوي = تحت تاثير الاثير ولاجل تحفيز الفصيله
أنت في الددسن تحسب لو جمعنا كم يساوي = ظني انك ياولد بتموت قتل وقتل غيله
زرقة بين الكتوف وطعنة فوق الكلاوي = نسفة الغتره تنسف بالخفا عشرية شيله
ماتشوف اللي يشاف ومازوى ناظرك زاوي = قلي انه ماحصل واقول هذي مستحيله
وانا من ذا السوق واللي فيه متكدر وناوي = ارتفع بالذوق عن هيله وعن كيال هيله
رحت يالوقت السليم وجيت ياضيف المداوي = كل مضمونك رخيص وكل غاياتك رذيله
ذا جواب له سوال وجاك رايً به شكاوي = شارح فيه العلوم المستدقه والجليله
وانت مامون الضمير وتارد العد الرهاوي = شف وش اللي يستوي لك يازميلي واستوي له[/poem]


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من هجوس الشاعر اللي فالمواقف مايراوي = مايغير فـ السلوم ولاتجي منه الهزيله
ماشذب عرض الاوادم مايجامل بالهداوي = ماتغير من صدوف الوقت ممساه ومقيله
ياهجوسي ياهجوسي حققي بعض المناوي = في ميادين القتال يفوز خيال الكحيله
ياحمري سلمت ثم رد السلام الك العطاوي = من بدا بالطيب يلقى شكره ويعطى جزيله
لاقصدت عتيبه الهيلا مزبنة الجلاوي = لايهمك طلبة اللي ثار دمه في قتيله
مرحبا يامرحبا من بعد جريت الحداوي = يازميل عقب مده توه يعين زميله
صوت عجران السبيعي جاوبه صوت الفراوي = الفعل يلقى نقيضه والجزا يلقى مثيله
يابو نوت السقم طال ولا نفع فيه التداوي = والنفوس من المرض صارت ضمايرها عليله
بعد مامات الخلاوي ودنا نلقى خلاوي = ياهل السوق القديم اللي بضايعهم قليله
ضكت البيداء هذا وبال وهاذاه شاوي = والمقفي عزتي له والمواجه ياخبيله
اقرب الامثال عندك شف جبل خزاز خاوي = فكر بعقلك تعرف الزرع وتميز حصيله
كم سكن بالضلع عاوي كم سكن بالضلع صاوي = يامنقدة الهروج وياجماهير الف ليله
الحقيقه في قلوب البعض لا ماهيب تاوي = والوهم لابد من صحوة رجاجيل تزيله
لاتغرك يازميلي شمسة البشت الحساوي = مصنعه في تالي الايام داخل خنشليله
عاقل الديره على وضح النقاء خاوي وغاوي = واطيب الموجود صدوا مابغوا درب الفشيله
لو بغيت تعدل الميله ترى مانته بقاوي = لو تجي مثل المداوي زود الحمى مليله
عشت يالقلب السعيد ومت يالقلب الشقاوي = والنعم صارت مثل مفهومنا له ياحليله
اعترف لك صرت من ماشاهده مالي رجاوي = مايشد النفس يم الجمع براقٍ تخيله
صرت في تال الزمن ودي بمجلاسي خلاوي = لا رفيقٍ مع رفيقه لا خليلٍ مع خليله
حت لو الكبد يكويها من الاحداث كاوي = اتصبر بس ما ذوق الصرابه والحثيله
كم رامي لا رمى يرمي مثل رمي الفداوي = مير من صاب الضريبه غير من قش النثيله
هذي الزبده وخل اللي يطوون المطاوي = من قراها من حلاها ماكتبها حنظليله[/poem]

صوت وصدى كايفه ،
استمتعت بها ،
صحّت ألسنتكُم

:

وعليكم السلام ورحمة الله وبركاته
أخي الكريم فهد صوت رائع وصدى لايختلف عنه صح الله لسانك ولسان الشاعر عبدالله ..
دمت بكل الخيـر ..

الله الله الله


مرحبا يافهد وصحت السنتكم

درتيّن والله لايهينك على ايرادها :)


تقبل ودي وتقديري

رحت يالوقت السليم وجيت ياضيف المـداوي
كل مضمونك رخيص وكل غاياتـك رذيلـه

ياسلام


اعترف لك صرت من ماشاهده مالي رجـاوي
مايشـد النفـس يـم الجمـع بـراقٍ تخيـلـه
صرت في تال الزمن ودي بمجلاسي خـلاوي
لا رفيقٍ مـع رفيقـه لا خليـلٍ مـع خليلـه


لله دركم ابدعتم

صحت السنتكم

ولاهنتم

احترااامي

و
ج
د

لي عودة بأذن الله تعالى :)

وعليكم السلام ورحمة الله وبركاته

صح الله لسانك ولسان العسبل ولا هنت يا فهد

بيض الله وجيهكم

ابدعتوا ولعبتوا على الوتر الحساس !


إعجابي وتحياتي


اخوكم