مكافآت الجنادرية !!
على الرغم من مرور ما يقارب ثلاثة أشهر على اختتام فعاليات الجنادرية إلا أنني مازلت أنتظر صرف المكافأة التي وعدنا بها .. فكانت هذه الأبيات قال الوطن : أرض ومدى ما له حدود قلت الوطن : نخلة على حد سيفين ! قال الوطن : مستقبل و" تركة " جدود قلت الوطن : من أول جدودنا " دين " قال الوطن : لو تبتعد عنه .. موجود قلت الوطن : حنا بوسطه بعيدين قال الوطن : لا شحت أيامك يجود قلت الوطن : ما شح .. شحّت به سنين قال الوطن : ما له على الكلمة قيود قلت الوطن : وفلوسنا يا وطن وين قال الوطن .. قلت الوطن : باب موصود من يفتحه ويديننا ... مالها ... يدين !! قال الوطن : لازم عن حدوده تذود قلت الوطن : تنهب من أرضه ملايين عمر الوطن ما كان ثكنات وجنود إلا إذا أهله بوسطه مساجين بـــ اسم المناصب تصرف وتمنع بنود وتضيع فيه حقوق ناسٍ مساكين الناس تسأل والإجابات بـــ برود في جنادرية هـــ السنة ننتظر لين يمر عام ,,, وينولد فيه مولود والله وأعلم ,, كاننا فيه حيين مكافآتٍ ننتظرها بلا فود طيب بنشكي .. بس نشكي على مين ؟ |
زايد الرويس
مالك الا الصبر الله يعينك صح لسااااااااااانك قصيدة جميلة ومعبرة |
الله
الله صح لسانك يا زايد طيب بنشكي .. بس نشكي على مين ؟ اشتك على الامير متعب و الحذيه وانا اخوووووووك كل الود |
معوض خير
صح لسانك ولا هنت |
زايد الرويس
صح لسانك ومعوض خير تحياتي |
زايد الشعر هنا شوي زايد
ياحبني لك ولشعرك |
الله يزينها يا زايد
وصح لسانك |
ياسلام ياسلام
صح لسانك يبو محمد مبدع في جميع اتجاهاتك لاتنسانا من المكافأت :vb_awink: |
ياسلااااااااااااااااااااااااااااااااام عليك
والله لله درك عزالله انك ابدعت الله يبيض وجهك تقبل المروري المتواضع تحيات اخوك / مشاري النثري |
صح لسانك يالشاعر
مبدع وتستحق المكافاه والقصيده اكبر دليل ابيات فالصميم( جرأه +قوه+حقيقه= قصيده مكتمله) بكل بساطه شكرراا سعد بن عاصي |
بس نشكي على مين ؟
\\ ال ف صح لسانك |
| جميع الأوقات بتوقيت GMT +3. الساعة الآن 02:56 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية