السلام عليكم ورحمة الله وبركاته
مشاركة متواضعة آمل أن تجد لها موطئ قدم على سطح كوكب الذائقة ...!
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هاجرت والقلب خلا عندكم نصه = والمشكله غار منه اللي معي باقي
لو يضرب السيف حبل الود ما قصه = حبله لا سلكي وموجة بثه أشواقي
الشوق ما له أثر فالارض وانقصه = ما تبين جرتْه غير بقلب مشتاقي
يمشي بلا رجول والعشّاق تختصه = باسرارها.وتفتح الـْهْ ابواب الاعماقي
ميثاق الاحباب يوجد فقره بنصه = تقول بإحساس واسلوب الهوا الراقي
من ارضعته المحبه فرحه وغصه = يصير اخو امن الرضاع الـ/كل عشّاقي
محرم.لا وجهٍ تغطى ولا اغتطت قصه = داخل قلوبٍ فضاها بحلمها ضاقي
وانا حَوَالي حَوَال وقصتي قصه = الحب ضاقت ملفاته من اوراقي
بدايته غلطة الشاطر بآخر حصه = كبوة حصان.ومشاريهي على ساقي
ونهايته نص قلبٍ فاقدٍ نصه = وحلمٍ ذبحه الظما في حضرة الساقي
كذا مثل خاتمٍ باق الزمن فصه = الحظ متعلقٍ في نفثة الراقي[/poem]
وسلامتكم
عبدالله بن عايض بن رده

المشاركة الأصلية كتبت بواسطة ناصر تراحيب (المشاركة 1249053) عبدالله الفهري حضور رائع بقافيه رائعه ونص جميل تحياتي لك

المشاركة الأصلية كتبت بواسطة حسين الغنامي (المشاركة 1249140) عبدالله الفهري صح لسانك مدد

المشاركة الأصلية كتبت بواسطة سلطان العطاوي (المشاركة 1249183) عبد الله الفهري صح لسانك مدد وافيه من وافي لاعدم ولا خلا

المشاركة الأصلية كتبت بواسطة نايف المقاطي (المشاركة 1249194) عبدالله الفهري صح لسانك وسلمت غيمار

المشاركة الأصلية كتبت بواسطة بدر ناصر العجمي (المشاركة 1249292) وعليكم السلام ورحمة الله وبركاته الفهري الله لا يلجمك يا شيخ نص جميل وقاف محبوك صح الله لسانك يا شيخ ولا هنت بانتظار جديدك