مرثية الشاعر الكبير مشاري النثري أداء/محمد النخيش
 

بسم الله الرحمن الرحيم

تشرفت بشيلة مرثية الشاعر الكبير مشاري النثري أمل أن تحوز لو ربع من ارضائكم


[media]http://dl069.zshare.net/stream/66803d6ee426e308a7f1b6941ee84423/1276723597/77304866/meshari.mp3[/media]


[poem=font="Simplified Arabic,5,black,normal,normal" bkcolor="transparent" bkimage="" border="none,4,black" type=2 line=0 align=center use=ex num="0,black""]
صباح الربوع اسود من الليل بآبوجلال=ولاهو صباحِ ٍ مثل ماهم يشوفونه
بعد ماشرقة شمسه خسف في سماه هلال=وقامت تهامى مزنة الدمع من دونه
عليه السلام ورحمة الله وطيب الفال=وغفران ٍ يغسله من الذنب ويصونه
انا ماحسب ٍ النجم أله فالثرى منزال=يالين اكشفو قبره وجونا يشيلونه
ألد النظر واقول في خاطري ياعيال=على الهون تكفون اركدو لاتحسونه
هذا اللي بتوديعه تزعزع كيان رجال=وهذا اللي عليه الدمع ماكفّت مزونه
غرير ٍ يادوبه حط غتره وحط عقال=ومارس هوياته وشغّل تليفونه
بعد موته قلبي لقرب المقابر مال=ويالف حكايا الموت للي يواسونه
اثر قسمي أمع الناس حزن ٍ يهد الحال=لكن ماعرفته لين قاموا يوارونه
من العزله انسى الناس لين انظر الازوال=ومن سكاتي انسى الحكي لين يتحاكونه
اسرّح مع السجات وابكي على الاطلال=وتكسرني عيون ٍ من الحزن مشحونه
وأدور رثا الشعار من ماضي الاجيال=وابى اللي يهيضني على الدمع بلحونه
واجي مدرسته الصبح ويسلني سلال=لاشفت اخوياه اللي يخاوونه ابدونه
واجي للمجالس ودي اسلى على فنجال=واسج بمجالي مع مرادنن ماياعوونه
ادوّر طهر شكله مع زحمة الاشكال=وادوّر على صوته مع من يحالونه
اليامن حكيت يصير فــ بداية الاقوال=ولامن سكت ابغى المخاليق يطرونه
منول يقابلني وفي معظم الاحوال=وهالحين طيفن دوب الاضلع يضمونه
منول ليالينا تعاقب على منوال=وهالحين صارة كلها ليال مقرونه
لادكت هواجيس ن بصدري وليلي طال=وقام الدجى يعرض حياته على هونه
اجيله كسير النفس من غربتي رحال=وواقف على اطيب تربة ن ضمت كفونه
وتنساقبي حمى ن من الوجد والغربال=وانا كيف ماتعب واغلب الروح مدفونه
هنا .. كني اناجيه وسأل عن الاحوال=اقول انت وشلونك ومنزلك وشلونه
واخذ وقت مفجوع ن من سكاته ومهتال=ولولا سكاته قلت وشلون يبكونه
ماهي عادته يسفه اخوانه على اية حال=ولاهيب عاده يسفه اللي يحاكونه
وقف بينّا خمسة شبور وثلاث اقفال=لكن النجوم اقرب على اللي يناجونه
واعوّد وانا مكسور خاطر وحالي حال=اصارع هموم الوجد وآكابد طعونه
عنه ماعزلني قبر باكفان ولا رمال=ولايقدرون الناس عني يعزلونه
لانه بريضان الحشا حي لايزال=اشوفه واشوف اصحابه اللي يخاوونه
حفظته ضلوع ٍ تآلفه بالمقام العال=عروشه على قلبي والاضلاع يحمونه
الانسان ناقص بس ( مشعل ) بدون جدال=طلع نقصه بعمره وكامل بمضمونه
فجعنا الدهر بفراقه اللي ماجاء فالبال=وحمّل متون اخوه مالايطيقونه
عن اغفاية الاعيان الي خمس ست اليال=وانا اللي ماياجد غير ماترمش جفونه
اليا جيت ابآخذ لي غفايه على استعجال=صفق سيرها دمع ٍ عيوني يهادونه
وقام يحدر حتى سواد النواظر سال=وحوّل على خدي سواد ٍ على لونه
لكن العظيم اللي تعالا قدر وجلال=على كوكب الارض انتحرى مدد عونه
ياربي تعلي منزله وانته المتعال=وتجاوز عن ذنوب ٍ حملها على متونه
بما يضمره من حب ألك ولـ محمد وآل=محمد واصحابه ومن يتبعونه
وما ينطقه من دعوه تحارب الاضلال=ومايحفظ من آيات هديك بمكنونه
وتظله بظلك يوم مال المسئ ظلال=وتجبر عزا نفوس ٍ من الفقد محزونه
انا .. تحت شمس الضيقه اطوي سراب الال=ادوّر ربيع الفرحه اللي يقولونه
ماخفف بفقده عن خفوقي من الانكال=ياكود المقام اللي رفع عرشه ركونه
سمو سيدي لاعدّ فعله مع الافعال=لبس ثوب ٍ من العز ضافية ٍ ردونه
تنازل عن الجاني بعد دري بالجوال=على اول خبر موته ومرهم يفكونه
وقالو نبي تامين قال اكفله بالمال=و(فرّح) من (أدمى قلبه)و(حزّن عيونه)
وهي ساعة ٍ من شدها تخلف الرجال=طغى الطيب في صدره على باقي ظنونه
وتجمّل مع المطران في ساعة الاهوال=جميل ٍ من عتيبه وهم يستحقونه
فئذٍ المهادي قد ضرب اروع الامثال=أنا ابوي فعله فالجزيره يعدونه[/poem]

لله درركمــ

شعر واداء ولحن

مع انني عشت الالم والفقد بها القصيده ومع هاللحن الا انكم اطربتونا

عساها اخر الاحزان

الله يرحمه ويسكنه الجنه

قصيدة أدمت القلب يا محمد وصوت
ولحن محزن
أحساسك بجميع ابيات القصيده جعلنا نعايشها معك بيت بيت


أحسن الله عزاء اخونا مشاري وعظم أجره
وسلمت ولاهنت يا محمد على هالاداء .



..

الله الله الله

عز الله تزعز كياني مع هالمرثيه والاداء المتقن


أي والله
عليه السـلام ورحمـة الله وطيـب الفـال
وغفـران ٍ يغسلـه مـن الذنـب ويصونـه

اللهم آمين

الله يرحم الفقيد الغالي علينا جميعا
صح لسان الشاعر الكبير / مشاري النثري
وبيض الله وجهك يا محمد النخيش على هذا الانشاد الرائع ،،

..

أبو رشيد الله لايهينك على مرورك الكريم

وأن شاء الله إنا نرتقي لذائقتكم دائما

دمت بود

والله وش نسوي ياعفاس

القصيده معجبتنا اشد الاعجاب مثل ماهي معجبتك

وعساها آخر الاحزان إن شاء الله

وماحبيت الا من حبك ياعفاس


والله لايهينك


ولاعدمت مرورك الكريم

مشخص السلمي

الله يجزاك خير ويرحم المتوفي

والله يسلمك من كل شر

ولاعدمت مرورك الكريم

دكتور سداح

الله يرحمه ويسكنه الجنه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ووجهك أبيض والرائع والله تواجدك معنا ومرورك الكريم

لاهنت لاهنت

اخوي الشاعر الرائع

والمبدع في ميادين النظم والمحاوره


محمد النخيش

رغم ان لي تحفّظ على كلمة ( الشاعر الكبير )

ولكن هذا تفضل ً منك


والله يبيض وجهك

والله اني اتشرف ان شاعر ومبدع بحجمك يشيل لي قصيده



انت بصوتك الشجي اضفت للقصيده جمال افضل مما كانت عليه

انا عاجز عن شكرك

لكن

جزاك الله عنا خير الجزاء


تحيات اخوك / مشاري النثري

،’
محمد النخيش

كلمات وصوت ولحن وأداء مدمي

الله يصح لسان الشاعر الكبير / مشاري النثري
وجعل صوتك ماينقطع يا / محمد .

تح ـياتي

مير مرحبا ملايين

ولاعدمت مرورك المشرف

والله لايهينك على كل حال

اولا غفر الله للفقيد واسكنه فسيح جناته ..
وبالنسبه للمقطع الصوتي ماقدرت اوصله ..او انه ماطلع عندي :)
والكلمات اكيد روعه لانها للمميز الرائع مشاري النثري ..

سلمت يامحمد وصحت السنتكم ..

اللهم آمين اللهم آمين


ولاهنت على مرورك العطر ياناصر

شفق السريع


اعجابك بالانشاد


يجعلني دائما اسعى لما هو اجمل من ذلك


والابداع تواجدك وحظورك في هذا المتصفح


الله لايهينك

أبو رفاعي

ووجهك أبيض وانت تستاهل العلوم الطيبه كلها


وهذا شي تستاهله انت وتستحقه ماجاء من فراغ


والشرف لي والله أني اشيل قصيدة شاعر مثلك


وحنا تحت الخدمه في أي وقت


ولاهنت على مرورك الكريم الله لايهينك

فهد الزعبي

الله لايهينك واكبر شرف لي انها نالت اعجابك


وجعلي والله ما افقدك مرورك العطر

شاعرنا الكبير مرزوق الروقي

بالنسبه للمقطع الصوتي اكيد ماعرفت تشغله زين

ولاهو سهل بالحيل

وعلى العموم الله لايهينك على مرورك العطر


تحياتي لك