منتديات المرقاب الأدبية - قصيدة جديدة بنمط قديم

مساء الخير على الجميع

المعذره على التأخير اشغال ماتخلص حاب اقدم لكم هذي القصيدة وعساها تحوز على رضاكم

((اغنم زمانك))

اقول ابن هندي وبن هندي محمد
ابيات من بدع الهجوس اجزال

وهو ضاريً في بدع الابيات والشعر
ولاهوب من يبدع بيوت اهزال

بيوتً يصففها كما الماس والذهب
ومن طيبها تذهل عقول ارجال

يصوغ الجزاله والمعاني مرتبه
ولو كان ماجات الطروق اطوال

ولاهي غريبة بدع الامثال والحكم
من قبله الشايب حكيم امثال

فيا رب ترحم شايبه ونت من غفر
للعبد ياللي عالمً بالحال

ومن بعد ماصاغ القوافي تسمعو
في قول ابن هندي ليامن قال

وتسمعو في ابيات شعره وقوله
قولً صريحً ماعليه اجدال

وخذو النصايح والنصايح تفيدكم
من واحدً طيب كريم اخصال

شاعر وعايم في البحور العميقه
ويقطع من اوساع البحور اميال

من طيب فكره يعزم اجزل بيوته
والبيت ضيفه والفكر مدهال

ويقول في نصحه كلامً موثّق
وهو واثقً بعد الرحيل اتقال

اترك ضعيف النفس وبعد من الردى
وترك طريقً يهلك الجهال

وتبع طريق الحق والنور يسعدك
وغنم طريقه والليال اعجال

كم واحدً ضيّع طريقه ومسلكه
وقفى ولاله بالرجوع مجال

راحت به الدنيا كفى الله شرها
وقفت به الدنيا بسود اليال

ولاكن ليت الناس تدرك وتتعض
في وقتنا دام الحياه زوال

حياتً قصيره ويضى الاعمار قاصره
ولابد في كل الحياه اتزال

فيا نفس توبي من فعايلك توبي
ولاترجعي رجعه لشين افعال

ومدام الرجل مايعرف السر والخفى
فلابد يجهز في قدوم ارحال

ولو ان الرجل يدرك مصيره ومرجعه
ماكان راح الوقت دون اعمال

فيا رب ترحمنا بيوم القيامه
في يوم كلً ينظر الاهوال

يومً تشيب الروس من هول منظره
ومن زود به هولً تشيب اطفال

يومً كثير الخلق كنهم سكارى
وقلوبهم خضّت كما الزلزال

يومً به الا حزان والخوف والفزع
والهم لامن صار كبر اجبال

يكثر به الحسرات واللوم والندم
ولاعاد ينفعبه كثير المال

فيه الشجاع ادموع عينه تساقطت
وفيه القوي يضعف ولايحتال

وفيه البطل يرجع كما حال منهزم
ويضعف به اللي بالحروب ابطال

يومً عظيمً يرهب النفس شوفه
يخلع وبه كل العقول اهبال

وعسى الله يغفرلي ويغفر ذنوبنا
في يوم به تعرض جميع اعمال

ونا اتمنا رحمت الله ورتجي
وقول ياجعل العيون اتنال

في شوفة الجنه وشوفة حبيبنا
المصطفى اللي له كثير افضال

وهذا وصل الله على سيد الملا
اعداد ماهلت مزون اخيال