$ ... فضفضة وجدااني ... $
 

بسم الله الرحمن الرحيم..







[poem=font="Arial,4,darkred,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
تدري وش الي يحيُر فالغرام..؟..الغرام..!=وانك تعدى حدود الوصل لين الجفى
وتدري وش الي يسهر عين عقب المنام=انك تشوف الوفى بعد الجفى قد (غفى)
[/poem]






..

..







[poem=font="Arial,4,darkred,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ليا مني زويت الرجل فالمسرى ودربي طال=تذكرت الهنوف الي على مسراي..تحديني
هذيك الي ليامن الزمن شد العزم واحتال=تناديني..! واحس ان الزمن ماهو بقاويني
هنوفٍ من حلاها لامشت بين البشر تختال=تقول ان الحسن فيها نطق..منهو يحاليني..!
في بالي يوم تسألني .. عن اخباري وانا مهتال=جوابي كان بلساني .. ولكن قالته عيني
الا ياليت تسمع كيف حزني جرُ له موال=مواويل الحزن في غيابها عيت تخليني
تغيب..ولاتغيب الا غصب ..وغيابها غربال=والا يالعنبو جد الغصب كانه معنيني
ليا طال الغياب..! اقول ناسي..مالها مدهال=ولكن الصحيح اني نسيت الي منسيني
وانا ياكيف ابنسى دام غيث الذاكره همال..؟=على قلبي تسيل سيول تثمر في شاريني
وكيف انسى .. وطيفه ينقل الي في ضميره قال=يقول(الحب فيني لكن الايام تعصيني)
وانا والله لااحبه دام راسي باقيٍ لازال=ولاني ناسي العشره ولاظنه بناسيني [/poem]






..

..











[poem=font="Arabic Transparent,5,darkred,bold,italic" bkcolor="transparent" bkimage="" border="none,4,gray" type=1 line=1 align=center use=sp num="0,black""]
عزايه في غياب الفرح .. شوفك ياهوى بالي=ليا من قلتلك (وينك..؟) وقلتي (يالغلا قبالك)[/poem]








..

..









[poem=font="Simplified Arabic,4,darkred,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
على خبر العيون الي تنادي للمنام ليال=وقفت بقافية شعري وقمت اغني لحوني
وعلى خيبت هقاوي من هقا بأن الرجال جبال=تنقيت المعاني يوم هاضت بعده شجوني
اغني يارفيقي والرفيق ان مال وقتي مال=صحيح انه رفيقي..! فالرخى بلقاه مضموني
قسم بالله ماينسى خويه فالوغى رجال..!=والا ياكم ربعٍ وقت نكباتي تناسوني
وياليته تناسآ بس..!لكنه مشى يختال=عليه الله تباهى بانه الي سبب طعوني
الا يالله تلهمني سعة صدري وطول البال=واسامح من حسبته للعيون ..اقرب من جفوني[/poem]






..

..







[poem=font="Times New Roman,5,darkred,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
صباح الخير.. يانبع الغلا من خاطرٍ ضميان=صباحٍ يمحي الليل العتيم ولوعة شجونه
صباح الخير .. ياخير الصباح ..وراحت التعبان=تولًم جاتلك شحنات من عامين مشحونه
قبل عامين مالي في ديار اهل الهوى عنوان=ولكن من لقيتك شفت روحي فيك مفتونه
زمانٍ فات من دونك كما ضحكه بدون اسنان=ضحكها شايبٍ مغبون غبنه كسر سنونه
لك الله ماحييت العمر قبلك لو يقال انسان..!=مجرد جسم وعظامٍ وعقلٍ قرب جنونه
تعال..احرق جميع الي مضى في صفحة الحرمان=وفرج عن عيونٍ في دروب التيه مسجونه
تعال..اكتب على بيت الحزن معزول للنسيان=ونفتح للفرح باب الغلا ونعمر حصونه
تعال امسح دموعي مع دموعك والغلا لاهان=وننبش فرحةٍ صارت من الصكات مدفونه
انا الي لو يخون الكون كله بالوفى ماخان=وانا الي لو يزيد الحمل فوقه تركز متونه
الا ياذووق .. وش يسوى الكلام بروعة الكتمان=صحيح.. اصدق كلام الرجل.. بان بنظرة عيونه[/poem]






..

[poem=font="Simplified Arabic,4,darkred,bold,italic" bkcolor="transparent" bkimage="" border="none,6,white" type=3 line=1 align=right use=sp num="0,black""]
الشوق يكبر مع مرور الوقت ليت مايبين=في عيني وتحكي دموعي للعذول حكايته
اشتاق وتكن الضلوع العوج جرحٍ بي دفين=واسج رجلي في طريقٍ ماعرفته نهايته
الشوق .. سجن .. وقلبي الي في متاهاته سجين=والي ظلم قلبي بسجنه ماعترف بكفايته
لا ياوجودي وجد من لاشان وقته مايزين=راحت حياته ماقدر ياصل مشارف غايته
ووجد منهو في سنينه ماعرف طعم السنين=وصل النهايه قبل لايعرف وصوف بدايته
ياكيف ..! اصبح في فرح وامسي بليلي حزين.؟=هذا الكلام الي كتبته .. ثم عجزت قرايته ..![/poem]










..

..








[poem=font="Simplified Arabic,4,darkred,bold,italic" bkcolor="transparent" bkimage="" border="none,4,gray" type=2 line=1 align=left use=ex num="0,black""]
امسيت مع هاجسي والنوم جافيني=كم طرق قلبت قيفانه وغنيته
جالس وهمي من الضيقه يقهويني=مغصوب ماهو بمن كيفي تقهويته
الهم خيُم وطول السهر سابيني=والليل من طول سهر العين خاويته
كم حمل شلته عن الاصحاب بيديني=وكم جرح من طعنة الاصحاب ضميته
وكم راح وقتي بدون حساب بسنيني=وكم ضاعت الهقوه برجال عزيته ..!
راحت عساها ليا من رحت تفديني=بيرق وفات الوفى للوقت رزيته
محروم.؟ عادي .. ردي الحظ طاويني=مكسور .؟ فدوه عساها لمن تمنيته
الخوف يامن عليه الشوق زاويني=لاراح منهو على هالكون بديته ..[/poem]










..

..









[poem=font="MS Dialog,4,darkred,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
مشتاق لك والشوق بين بعيني=من شاف عيني يدري بقصة الشوق
ياشوق شوقي وين دارك وويني=رحت وعجزت اردها دمعة الموق
ان كان قصدك في غيابك غبيني..؟=يالغالي ارجع ..! قبلك الخير مسبوق
[/poem]








..

..





[poem=font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ابسألك..وشهو حصل من خطايا..؟=لجل القسى يجتال ويزود النوح ..!
دامك ملكتي يالغلا فالحنايا=نبض الخفوق وجاري الدم والروح..
ماجاك مني..غير..(كلي)..هدايا=واقصى مدى للصدق في عالم البوح..
جيتك جريح القلب راجي دوايا=حاولت اخبي لكن الجرح مفضوح..ًَ!
اخلصت في حبك ..وصدك.. جزايا..؟=شوف الوفى بعد الجفى مات مذبووح..
يامنتهى رحمة زماني معايا=جيتك وانا مالي على القرب مصلوح..
غير ارتوي واروي عروقٍ ضمايا=من لهفة اشواقي لها صرت مشفوح..
يامنوة الخاطر وعذب السجايا=ويابلسم جروح الذي منك مجروح..
عندك خبر في غيبتك وش جدايا..؟=مغير ارتب ذكرياتك على اللوح..
وش عاد باقي ..!تستلذ بجفايا=ماشفتني اجاوب الورق بالنووح..
قل مابدالك ..للجروح العرايا..=دام المشاعر دمها منك مسفوح..[/poem]




..