دروب الياس
 

قصيدة من الارشيف وتمنا ان تحوز على رضاكم

((دروب الياس))

يضيق الكون في عيني ليامن هب لي نسناس
لنه يطري المحبوب والفرقى تعزيني

صرخ قلبي بنبضاته ويشكي من دروب الياس
وصوت اجروح قلبي اصرخت لالا تجافيني

هقيت اني قوي العزم لاكن مابقابي باس
على فرقاك نار الشوق تشعلبي وتشويني

حرام انك تخليني بعد حبً بلا مقياس
وحرام انت تنزّل دمعت الاحزان من عيني

انا ماعادلي رغبه على شوف العرب والناس
ولابه من يونسني ولابه من يواسيني

تحرث اجروح قلبي ونته اللي في يديك الفاس
وتجني همي المحصود من روضة بساتيني

عليك الله وكبر مابقى عندك بقايا احساس
نويت انك تعنيني ونا مقوى تعنيني

تجرعت السموم القاتله وتصبها بالكاس
ونا اللي كنت اقدم لك حياتي ورخص اسنيني

سهرت الليل وعيوني شقيه ماتذوق انعاس
تسهرني طيوفك مير ياوينك ونا ويني

انا استنشق هوى حبك وهو يجري مع الانفاس
وتقطع هالهوى من عقب ماهو جاريً فيني

تعال اليوم ياخلي وعيشني مع هالناس
تعال اليوم لاتقسى ترى الفرقى تعزيني

هقيت اني قوي العزم لاكن مابقابي باس
على فرقاك نار الشوق تشعلبي وتشويني

حرام انك تخليني بعد حبً بلا مقياس
وحرام انت تنزّل دمعت الاحزان من عيني

الله الله يالهواوي هيضتنا الله يهديك :)


صح لسانك مدد


سلام

مرحبابك يابن العم ومرورك يعطي الصفحه جماليه اكثر

وصح بدنك يالغالي


خالص الود

تحرث اجروح قلبي ونته اللي في يديك الفاس
...................وتجني همي المحصود من روضة بساتيني

اييييييييييه صح السانك

نقضت الجروح

تحياتي لك

.

.

.


محمد بن هندي الهاجري

الله الله الله

نص رائع

صح السانك ملاييييين على هذا النص العذب

ولله دررك

تحيتي لك

.
.
محمد بن هندي
الف صح لسانك على هذا الحضور الراقي
ابدعت واجدت ايها الرائع
.
.
.

هقيت اني قوي العزم لاكن مابقابي باس
على فرقاك نار الشوق تشعلبي وتشويني


لله درك يابن هندي

عاطفية غيررر وحضووور مميز

\

صح لسانك