ياااا لـ .. النصيب ..!!
،’ أسعد الله جميع أوقاتكم بكل خير ومحبة أبيات كيبورديه ، إقبلوها بتلقائيتها عد الزمن ياليل وأنا بـ أعده سنة أو أزود ما تداوت جروحي ،’ أسري على حد النظر يوم أمدّه سبّار برقٍ فالدواجي يلوحي ،’ واليوم مافيني لـ .. مسراك شدّه حرمت صمتي ، وإستحليت بوحي ،’ أعطيتك فراش ، ومنام ، ومخدّه وأعطيتني همي ، وحزني ، ونوحي ،’ أمسي بحلم آمالي المستبدّه وأصبح بواقع مايقدّر طموحي ،’ لو ما دعى الخافق رسول المودّه ما كان سقت إخطاي وأشقيت روحي ،’ ياوجد معلوقي .. ويا بيح سدّه ماعاد بي عرقٍ بدمه نضوحي ،’ عليك يامرهي بهجره وصدّه كريم هجر وفـ .. المواصل شحوحي ،’ كل الجروح بغيبتك مستجدّه لاطاب جرح / دلال الآخر تفوحي ،’ أقفيت وفوادي شفوفه تحدّه مرويه من حبّك غبوق وصبوحي ،’ ما أبعد نصيبي عن نصيبك ولدّه إلا السلوم / وما كتب لي بـ .. لوحي ،’ لكن قدر ونفوسنا مستعدّه وماعن مقادير الليالي نزوحي وسلامتكم ،’ |
واليوم مافيني لـ .. مسراك شدّه
حرمت صمتي ، وإستحليت بوحي ،’ أعطيتك فراش ، ومنام ، ومخدّه وأعطيتني همي ، وحزني ، ونوحي الله الله الله الله ياصباح الشعر يابو ابعاد ! ابداع من جميع النواحي ، ولاهو غريب عليك وصدقني احساسها ضارب ، الله يديم هالحضور المشرق يامبدعنا ! |
ماعليش بس نسيت اقول لك !
ماتلاحظ ان ابعاد وابداع نفس الحروف ؟! يابو ابداع :) |
،’
عفاس جعلني ما أعدم زولك ، صح الله بدنك وشكراً من القلب وجودك وحضورك شرف لي يابو محمد . |
فهد الزعبي
الله الله لله درك وصح السانك ملاييين على هذا النص الشامخ تقبل مروري |
اقتباس:
وكذلك جعاني = جعلني ههههههههههههههههه |
اما القصيدة موقف الحكي من دونها
ما تحتاج لتعليق كثر ما تحتاج القراءة مره ومره للاستمتاع الله لا يلجمك وصح الله لسانك ولا هنت |
عليك يامرهي بهجره وصدّه
كريم هجر وفـ .. المواصل شحوحي الله الله ابو ابداع << يحسب انها اسم :) والله انك مبدع يابو ابعاد صح لسانك مدد اي والله تقديري |
فهد آلزعبي آلله سلمت وص حلسآنك مليون و لآ هنت كل آلود |
أعطيتك فراش ، ومنام ، ومخدّه
وأعطيتني همي ، وحزني ، ونوحي خطآآآآآآك الحزن يا صديقي لله درك لله درك لله درك |
فهد الزعبي ,
مبدع ورائع وشهادتي فيك مجروحه يامبدع . صح لسانك وبيانك . مودتي لك . |
لو ما دعى الخافق رسول المودّه
ما كان سقت إخطاي وأشقيت روحي ابو ابعاااد لله درك ودر قصيدك مبطين منك ومن حضووورك وصافحتنا بهالدرررة ولا هو غريب عليك الابداااع اما المخده والفراااش غيرررررررررررر صح لسانك ياصديقي \ تحيتي لك |
أمسي بحلم آمالي المستبدّه وأصبح بواقع مايقدّر طموحي الله الله الله ابداع ×بداع صح الله السانك مليون يافهد لك ودي وتقديري |
فهد الزعبي صح لسانك
كتبت وابدعت ماشاء الله |
. حجز يـ ( ابو أبعاد ) ! لي عوده تليق بـ / هذي الشامخه ، |
ما أبعد نصيبي عن نصيبك ولدّه
إلا السلوم / وما كتب لي بـ .. لوحي صح لسانك ولا هنت |
صحّ صحّ صحّ لسانك ، رآآآآآآآآآآآآآآآآآيقه |
يا حلو الشعر يا ناس
يا حلو الشعر يا ناس يا حلو الشعر يا ناس يا حلو الشعر يا ناس لله درك يا فهد الزعبي عز الله انك مبدع ومبدع ومبدع صح لسانك كثر اعجابي بها ،، .. |
،
الله الله الله ابو ابعاد كل ما تكتبه من قصيد ومن ابيات فالركن والتواقيع ، تطربني الى ابعد حد ، مبدع مبدع مبدع ، وتروي ذائقتي دائماً وتكتب الجميل لله درك |
،’
طلق الدعجاني مرورك شرف وفخر لي طال عمرك الله يصح بدنك ، ولاهنت على حضورك . تح ـياتي |
,
ياحلوهااااااااا دخلتني جو يابو ابعاد عزالله العزيز احساس وشعر شعر شعر صح لسانك 1000 :) |
فهد الزعبي ,
والله ابدعت بكل ماتعنيه الكلمه من معنى لله درّك على الابداع والامتااااااع صح لسانك |
| جميع الأوقات بتوقيت GMT +3. الساعة الآن 08:08 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية