ياهيــــه ..
؛ أُسعدتم صباااحاً
وجميع الاوقات دمتم بخير وكل عام وانتم بخير متواضعه تناشد القبول .. [poem=font="Traditional Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ماانته بسامع من ورا صبري اخلاج = ياناشد ٍ عني لقافه وتشريح عيلمك لو دلوِه ترجرج ترجراج = ماايبَس مفاتيله جما الفطّر الفيح لو كان قرهودِه قراح ٍ وثجاج = كنّه على كبدي مصبّه ذرانيح ياعنك لو مدِّه يحججّ به افواج = في عيني الطِم من سمَل يابس الشيح لو عزلتي صيرّتها ليّ مسهاج = عن الدروب اللي ملتهَا النوابيح ولو عزلتي تفقدني اسما وديباج = فقد العطيّه من يدين المشافيح احتاجها حاجة مكبّل للافراج = واشتاقها شوق الصخي للمفاليح ليه اطرق ابواب الخساير والازعاج = والارض ماترفض مريح ومجاريح ترى الحرار اصدورها كنّها اسياج = اقبور لا اسرارن ولو كان تلميح غديت من ركض الرجا كل منهاج = ربلة فلاة ٍ في نحور السراريح ولا لقيت بمركضي برق لعاّج = غير السراب اللي سمومه مشاويح وواجيه من بلاّج ومعقّد احجاج = ووجيه من مقبِل والا خرى مدابيح وقت الرخا ملي الدفاتر والادراج = وفااللازم اروَغ من وحوش اللحاليح ياهيه ماني عن فضا الناس هجّاج = بس المخالط نوب يوجِع طحاطيح الجِبرْ ماعاب الجمل صلب الاوداج = والنحف ماعاب الرماح الذوابيح والذيب ذيب ولو لبَس فروة انعاج = والبوم بوم ولو عيونه مشابيح لولا الموارد ماظهَر صيت هداج = ولولا العدل مامِيّز القاضي اشريح من يقرن المطنوخ في صف هلباج = مثل المقارن بالعدود الضحاضيح والتاج لولا الراس من يعرف التاج = ولا تِفتّح الابواب غير بمفاتيح كثر المعاتب نوب ماهو بمخراج = احيان تخسر به قلوب ٍ مصاليح ترى المجامل نوب يكفيك الاحراج = وترى اللوايم للمشاكل تلاقيح مد النظرقدام في كل دفلاج = قبل قِدَمك ان كان ماودك اتطيح ماكل من نام الفجر شخص منعاج = كم من ظلوم ٍ ماينام التراويح ياهيه خذ ترياق من صفو الانتاج = باانصحِك صافي لك ولا ابغى تماديح قطفت من مر التجارب لي علاج = وعن الغداري في كفوفي مصابيح عمر المدايح ماتجي بالتكوباج = الا بكدح ٍ مااكدحوه الفلاليح لو احتزمت بضيقك احزام موّاج = كنّك تفيّا بالمزون المراويح وامرمن طشتّك في حلق هراج = طيحَتْك من عين ابلج ٍ ماهو اشحيح وامر من مدّة يدك وانت محتاج = طول انتظارك في رجا فزعة امريح وعند الغضب لاصار والع ولجلاج = تاضح لك الاخلاق من دون تصريح وغني بخيل , افقَر ولو يملك العاج = من حال متسّول منامه شلافيح ولو الفضايح مالها حنك علاّج = ولو لا العيون , تموت من دون تصفيح ياهيه لاتنشد تقل فوق وهاّج = وانته حوالك منك تحتآج تصحيح مالاج خلّه قبل الاضلاع تنباج = دام الحرار استيسرتَها الملاويح مااحدن من النار بعمل طاعته نآج = الا برحمة لاقح البَذْر بالريح [/poem] وسلااااامة الجميع ,, |
(1)
ولي عوده |
.
. لولا الموارد ماظهَر صيـت هـداج ولولا العدل مامِيّز القاضي اشريـح من يقرن المطنوخ في صـف هلبـاج مثل المقارن بالعـدود الضحاضيـح وهالمتصفح شعر شعر شعر شعر يابو علي صح لسانك ملاييييييييييييييييين ولاهنت يامبدع تحيتي لك . . |
عبدالله ’,
أنت تعلم أعجابي وأدماني لشعرك ,. صح لسانك وقلبك مبدع وعملاق . مودتي لك . |
؛
الله الله الله مبدع يا بو علي في كل حضور لك ، وختامها مسك ، لله درك |
يا مساء وصباح الشعر الجزل
يا عبدالله شاعر تغرف من بحر الله يستر عليك قصيدة فيها من الحكم الشي الكثير وتستحق القراءة اكثر من مره صح الله لسانك ملايين ولا هنت حافظك الله |
هلا وغلا
صح الله السانك مليون أبدع ×أبداع لك ودي وتقديري |
الله اكبر
يا حيك وحي قصيدك صح لسانك لين ترضى ولاهنت |
ما ستغرب الابدااع من اهله
صح لسانك يابو علي تقديري |
هلا هلا ومرحبا بالزميل
قصيده متعوب عليها تهادى من الابداع صح لسانك واعتلا شانكولا هنت يامبدع |
تناشد القبول !!
خاف ربك يابو علي :) بدون اي مجامله والله انك من الاسماء اللي اجد عندهم الشعر بصوره رائعه جدا جدا جدا صح لسانك وسلم بنانك والله يزيدك من فضله اعجابي على خبرك هاك السنه :) |
صح لسانك يابن علي
تعبت على شي يستاهل ماشاء الله ماخليت شي غيمار |
عبدآلله بن علي مبدع سلمت وصح لسآنك مليون ولآ هنت كل آلود |
لولا الموارد ماظهَر صيـت هـداج
ولولا العدل مامِيّز القاضي اشريـح الله التواضع بعيد عن هذه الدرة النفيسه صح لسانك بعدد احرفها .. وسلمت على ما تقدّم من ابداع كل الود |
ياهيه خذ ترياق من صفـو الانتـاج
باانصحِك صافي لك ولا ابغى تماديح قطفت من مر التجارب لـي عـلاج وعن الغداري في كفوفـي مصابيـح الله الله قصيده جزله ابدعت اخوي عبدالله صح لسانك ملايين ، دمت بخير |
ابو مااازن
ياهلابك وبذوقك الرفيع دمت بخير طال عمرك وصح كلك ))))))))))))))) |
والله توي انتبهت لها ولانها يبا لها رووواقه ,,,
لي مروور يليق ,,, |
اشبعتنا ورويتنا شعر في هذي الكايفه يابوعلي
صح السانك وشاعر متمكن خالص الود |
البراق
المبدع مشعان صح بدنك والله يبارك بعمرك ومنك اتتلمذ لاعدمت مرورك الذي يعتبر لي دعائم دمت بخير ولا هنت ,,, |
. الله ، الله ، الله ، مبدع يـ ( أبو علي ) ! والله أن الكلام ما يوفي الابداع هذا حق ! صح الله السانك ملايين الـ ملايين ، |
صح لسانك يا عبدالله
جزاله وتمكن وابداع تحيتي |
الله الله
صح لسانك ملايين لاهنت وتقبل تحياتي |
| جميع الأوقات بتوقيت GMT +3. الساعة الآن 04:24 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية