,,, تـــوّه ,,,,
 

السلام عليكم ورحمة الله

لتجديد الصداقه مع المواهب بعد انقطاع التيار الاجباري :)
وللتواصل معكم احبتي اولا واخيرا

استلامكم :)

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قال ويش اكتب عليه المعتمد والا المخلّى = شاعرٍ توّه يربّط في حبل صوته لحونه
قلت وش عندك من الافكار عطنا بنتسلّى = قال وضع الساحه مكركب بعد حمّر عيونه
قلت وش دخّلك فيهم كل شخص وما تولّى = المنتّف ينتفونه والمريّش ينفخونه
قال سرقات وجدل لطالما رحب وهلا = قلت جنب وقفةٍ عنده تبي توصل بدونه
قال ابمدح قلت لا تمدح وضيعٍ ما تعلّى = ومستحقّ المدح يشهر بالظّفر ما يشهرونه
قال طيب والسياسه قلت ذالعالم تبلاّ = من بغى ينطق بكلمة حق يمكن يذبحونه
قال مفتين الديار افتوا وشاهيهم محلّى = قلت ذنب الشّيخ برقبته وكسبه في متونه
قال شفت المجتمع مخبوص والله ما يجلّى = قلت جلّه جلّك الله والرّدى لا تكشفونه
قال مشكلة الغرام اللي صدق واللي تغلّى = اغلب الشعار في قاع الهوى تمطر مزونه
قلت بعض الشعر شرهه لا يرزّ ولا يدلّى = ودّك انّك تخرس اصحابه قبل ما يكتبونه
عندهم في كل قطر احباب حتى فالمكلاّ = لحن يكمشه البراد ولحن تمغطه السخونه
ادّهر في شي غير الحب وقت الحب ولّى = مات مع قيس المسمّى قبل ماتنبت سنونه
قال واشعار الحداثه قلت عطني معك حلاّ = هرج ماله فالقصيد الحيّ لون ولا نمونه
قال عقدت القريحه بالتشرّط قلت كلاّ = اكتب احساسك بدون رتوش تلقاني زبونه
قصدي اعلّمك ليه الصّمت من تالي تجلّى = واصبح اثمن من كثير الشعر لو ما يشترونه [/poem]

1

يابو راكان ولي أكثر من عووووووووده

عليكم السلام ورحمة الله

قال عقدت القريحـه بالتشـرّط قلـت كـلاّ
اكتب احساسك بدون رتوش تلقاني زبونـه

اكتب احساسك بدون رتوش تلقاني زبونـه

الله يصح لسانك يـ الشاعر

ولاهنت على هـ النص الـ هادف والفاااخر

تقديري للشعر الجزل’,,

..


قصيدتك هذي يالغامدي ،

سالفة جرح ومداوي ... أتقنتها خير أتقان
صح لسانك .. وأبداعك ماله مثيل ،

مرحبا تراحيب المطر يا بوراكان

ولله درّك على هالثمينه
عوده حميده وقصيده ممتعه بتفاصيلها

صح لسانك
صح لسانك


محبتي وتحيتي :)

مرحبا مرحبا يابو راكان

والساعه المباركه اللي شفناك

قصيدة جبتها على الجرح لله درّك

وصح لسانك واعتلا شانك ولاهنت

مرحبا مرحبا مرحبا ألف بالجزاله وراعيها


قصدي اعلّمك ليه الصّمت من تالي تجلّـى
واصبح اثمن من كثير الشعر لو ما يشترونه


اي بالله صادق الله لا يعوقك وصح لسانك ولا هنت

صح السانك يابوراكان

قصيدة جميله وابداع اجمل

لاتحرمنا من جديدك

خالص الود

قلت بعض الشعر شرهه لا يرزّ ولا يدلّـى
ودّك انّك تخرس اصحابه قبل مـا يكتبونـه


صح لسانك يابو راكان من الساحل الشرقي لين المكلا ولا يكفون

لله درك
شاعر صاحب نهج متفرد وخاص

الاعجاب مبطي يابو راكان


تحيتي

.
.
.

ابوركان

الله الله

صح السانك ملايين على هذا النص الرائع

مبدع في كل حالاتك

تحيتي لك