وجهة نظر عين
السلام عليكم ،
بويتات متواضعة تتكلم عن نفسها .. حاولت انسقها توقيع ونقزت هنا [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] بين الضمير الحيّ والخاطر الشين=معادله .. منتوجها وش يساوي حاولت مير أزريت في جمع الأثنين=ما يرحم الأوّل .. والآخر ما ياوي تكسرني الدنيا ويجبرني الدين=وآقف على حيلي وأطيح متساوي تقول لحجاجي مركّب جناحين=يوم انطلق مثل انطلاق النداوي أجامل اللي يعترض لي بحرفين =والابتسامه فوقها الصمت ثاوي و من كثر ما أجاوب قنيب السراحين=أصبحت ضمن حسابهم ذيب عاوي شاعر ولي في الشّعر وجهة نظر عين =لديّتها مع مبعدين الهقاوي يا وقتنا المنّان رايح على وين =رميتنا في غبّه .. من المناوي كثرت رجاوينا على العسر واللين=وزادت دعاوينا القديمه دعاوي من دون حزب الله وحزب الشياطين=جات المطمّه بإختلاف الفتاوي هذا يحلل كلّ عزف المغنين=وهذا يحرّم عزف كلّ الغناوي كل ٍ يقول أنّه يسنّ القوانين=ثوبه على قدّه .. وبشته حساوي موجة فتاوي وأكثر الناس مفتين=رواية ٍ وحده وتسعين راوي مثواك يا بن باز وابن عثيمين=في جنة الفردوس بأمر ٍ سماوي ندعي لكم ونردد آمين .. وآمين=في فقدكم زادت علينا البلاوي غبتوا وعيّت لا تقرّ الموازين =ركب إختلاف الراي سارح وضاوي لا شكّ ما أذمّ الشيوخ الميامين=ولا اقول فيهم شيخ بالشرع غاوي مشكور مسعاهم على المذهب الزين=نلقى بهم لجروح الأمّه مداوي الله يوحّدهم على نصرة الدين =ويعزّهم رغم إختلاف الفتاوي ! [/poem] وسلمتوا ،، |
حــجــز 1
|
حجز , ,
, , 2 مثواك يا بـن بـاز وابـن عثيميـن ,,, في جنة الفـردوس بأمـر ٍ سمـاوي اللهم أمين :( سداح قصيدة عظيمه , تفوح إبداعاً و تتباها جمالاً بنيت فـ أحكمت و سبكت فـ أبدعت , صح الله لسانِك مدد الله يستر الحال , ويقيض لأمة محمد من يعلي كلمتها , ويرفع شانها , لك ورود الدنيا كُلها , و لك الشكر و الإحترام والتقدير |
نمر (( 3 ))
يا دختر :) |
تشخيص حاله مستعصيه بـ حرفنه وحكمه
ولكن .. تبقى فتنة الاعلام والظهور والشهره .. بـ شتى الوسائل والطرق هدف / يسيل له لعاب كل لعّاب ! لله درك يا دكتور لا جديد .. سوى تجديد الاعجاب والمحبه بكل ما اوتيت من قوه :) اخوك |
الله يوحّدهـم علـى نصـرة الديـن
ويعزّهم رغـم إختـلاف الفتـاوي ! الله يوحّدهـم علـى نصـرة الديـن ويعزّهم رغـم إختـلاف الفتـاوي ! الله يوحّدهـم علـى نصـرة الديـن ويعزّهم رغـم إختـلاف الفتـاوي ! الله الله عزالله قصيده تحكي واقع نعيشه في اختلاف الفتاوي لكن الله يوحّدهـم علـى نصـرة الديـن ويعزّهم رغـم إختـلاف الفتـاوي ! ياسداح التعبير يخونني فالردود على قصائدك والله العظيم لكن بالمختصر صح لسانك والله لايضرك كل الوود .. |
مبدع يابو عذبي الله يصح لسانك على القصيدة الغارقة في بحر الجمال الآخاذ ويصلح شان الإسلام والمسلمين ويهدينا إلى جادة الصواب |
سداح
صح لسانك شاعر شعر وشاعر حدث وشاعر حاضر في كل موقف يتطلب حضور الشعر الله لا يضرك قل آآآآمين |
مثواك يا بـن بـاز وابـن عثيميـن
في جنة الفـردوس بأمـر ٍ سمـاوي ندعي لكم ونـردد آميـن .. وآميـن فـي فقدكـم زادت علينـا البـلاوي غبتـوا وعيّـت لا تقـرّ الموازيـن ركب إختلاف الراي سارح وضـاوي لا شكّ مـا أذمّ الشيـوخ المياميـن ولا اقول فيهم شيخ بالشرع غـاوي مشكور مسعاهم على المذهب الزيـن نلقى بهـم لجـروح الأمّـه مـداوي الله يوحّدهـم علـى نصـرة الديـن ويعزّهم رغـم إختـلاف الفتـاوي ! عين العقل والحكمه ياسدااااح والله يرحم ابن باز وابن عثيمين وصح الله لسسانك وفكرك تغيب وتحضر بالشعر الله لا يضرك \ تحيتي لك |
مثواك يا بـن بـاز وابـن عثيميـن
في جنة الفـردوس بأمـر ٍ سمـاوي ندعي لكم ونـردد آميـن .. وآميـن فـي فقدكـم زادت علينـا البـلاوي غبتـوا وعيّـت لا تقـرّ الموازيـن ركب إختلاف الراي سارح وضـاوي آمين .. الله يرحمهم . عز الله قصيدة جات على الجرح .. لاجديد مبدع كعادتك يادكتورنا المداوي .. تحياتي ومتابعتي الدائمه .. |
اقتباس:
مليوووووون صـــح الــسانك دايم متميز شاعر مبدع لله درك يا سداح تحياتي وتقديري |
صح لسانك يا دكتور صح لسانك ولاهنت
|
الله الله
صحيح الابداع ماله حدود لاهنت ياسداح على هالطرح الرائع والواقعي .. وصح لسانك والله يكفينا شر البلاوي تحياتي اخوي |
الله يوحّدهـم علـى نصـرة الديـن
ويعزّهم رغـم إختـلاف الفتـاوي ! وسلمتوا ،، سداح .. لاجديد شعر فاخر وهدف سامي ومبدأ راسخ وثابت نعم ياسداح الله يعز الأسلام والمسلمين ويهدي أهل الفتاوي الفضائيه الآخيره وبصراحه نحن في آخر الزمان والله أعلم على العموم صح لسانك وفكرك لاهنت |
،’
سداح شوف لنا حل معاك الله يرحم والديك الوالدين :) عسى الله يرحم علماء وأءمة المسلمين قصيدة تنضم إلى سلسة قصاءدك اللواقعية صح الله لسانك ولا عجمت يادكتور المجتمع تح ـياتي |
.
. . ابو عذبى .. الله ينصر دينك اول وثاني :) .. صح لسانك لا عدمتك .. تحايا عبيد .. وقلبه |
الله الله ما اجمل الحكمه والأبداع والتمكن مشاء الله تبارك الرحمن .
سداح , الأبداع والشاعر الذي تأتي نصوصه كالبلسم من جرااحات هذا العصر الموبوء , صح لسانك يا دكتورنا وبيض الله وجهك . مودتي لك ومحبتي . . |
عز الله العزيز انك شاعر مبدع
شاعر تكتب بمنهجيه وعقلانيه متوازنه وصاحب فكر راقي والشي اللي دايم يشدني في قصيدك هي الغير على الدين وعلى احوال الامه صح لسانك لين ترضى يا دكتور |
سداح
شاعر المواقف والتحليل لكل حدث حضور فقط للإستفاده من هذا المنهل غيمار |
الله يوحّدهـم علـى نصـرة الديـن
ويعزّهم رغـم إختـلاف الفتـاوي ! صح لسانك ولا هنت ياسداح |
. الله ، الله ، الله ، الله ، الله ، الله ، الله ، يا صباح الشعر .. اي والله ! لا جديد يا دكتور .. الإعجاب و سبق تدوينه .. والمتابعه حتميّه صح السانك ، |
ياخي العنوان لحاله ابداع وابتكار !
دكتورنا سداح كنت متأكد انك بتتطرق للقضيه المتداوله الآن ، والحقيقه ان بعض الفتاوي وبعض الاشخاص هداهم الله اجهل من ان يفتون ( والله اعلم ) ، والمصيبه الاكبر انهم يدعون الدين وهم بأفعالهم تلك يساعدون اعداء الدين ويقدمون لهم خدمة العمر ، ومن المؤسف انا كنا نستدل على ضياع الرافضه بـ مايفتون به اسيادهم واتمنى من اصحاب الفتاوي ان لايجعلون حبهم للظهور سيف انتقاد على ارقاب اهل السنه اما عن شاعريتك : هي اكبر من اي تعليق ورد يارمزنا |
| جميع الأوقات بتوقيت GMT +3. الساعة الآن 05:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية