معي ربع منه , ومع فهد باقي أرباعه !
 

أعزائي أعضاء وزوار منتدى المرقاب
مبارك عليكم الشهر , وكل عام وأنتم بخير .
فأجأني الأخ/ فهد الزعبي بابيات مع بداية هذا الشهر الفضيل
بعد ماسجنوا ربعي :) ولكن أبت القريحه ألأ أن تفيض بهذه الأبيات
والتي أرى أنها دون المستوى بكثير .... لكن أسمحوا لها بالمرور
واللوم على فهد . :) هو الجاني .




يقول فهد
[poem=font="Simplified Arabic,4,teal,bold,normal" bkcolor="transparent" bkimage="" border="none,4,gray" type=1 line=1 align=right use=ex num="0,black""]
أنا شف بالي رفقة الوافي الدندون = وسيع البطان وكاسب النعم بـ / ذراعه
حفيد آهل الطولات شرواك يا ( ابن عون ) = على العز ما غير مباديه وأسناعه
أعنز عليه ولا إعتنز بي لقاني عون = أشيل الحمل عن متنه إن مالت أوضاعه
رصيدي من الأصحاب / والا رفيق الهون = إلى ضاقت فجوج السعة غير اطباعه
صداقة نقى ترقا بنا / ما تحول دون = وهل المصلحة مالي بهم شف و طماعه
جمعني بك ( المرقاب ) وأهله وأنا ممنون = عسى الله يبارك في هاك اليوم والساعه
تصوغ القوافي / والشعر معك فيه فنون = تقل شاربه قبل أربعينك بـ / رضاعه
مليت القصيد إبداع من كل شكل ولون = ربوة رموز الطيب والشعر وإبداعه
تزود الشرف صداقتك ، والقدر مصيون = وعسى الله يجمعنا على العز والطاعه[/poem]

الرد على فهد

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
شملك العفو ياهاجس ٍ لك شهر مسجون = مع هلال شهر الخير جاء فيك شفاعه
روائع أبيوت ٍ تجمع الشكل والمضمون = صياغة خبير ٍ يعرف الشعر وأنواعه
يعبر عن اللي في خفا خاطره مكنون= شعور الأخوه عقب مأسره , أذاعه
فهد صاحب ٍ وافي , وأنا للوفي مديون = لو أبيع عمري للخوي , بيعة بضاعه
مدحني وكثر في مديحه ماخلا لون = وأنا لو بذلت الجهد ما أوفيت له صاعه
شعور المحبه والوفا , بيننا مقرون = معي ربع منه , ومع فهد باقي أرباعه
تنومس بمعرفتي مع القاص قبل الدون = وانا أقول معرفة الرجل مثله أطماعه
للأ أهل الوفاء مثله وشرواه مت أغبون = هجرة القصيد ومركبه , ما أنفض شراعه
وأنا في غلاكم ياهل المنطقه مجنون = ليا ذعذع الشرقي تنطحت , ذعذاعه
[/poem]

فهد صاحب ٍ وافي , وأنا للوفي مديـون
لو أبيع عمري للخوي , بيعـة بضاعـه

فهد الزعبي وافي وانت وافي

صوت وصدى من اجمل مايكون

واسأل الله يديم بينكم المحبه

صح لسانك مدد

تحياتي

بدع ورد تكفي لأرواء ذائقة المتلقي


صح لسان فهد الزعبي


وصح لسان ابن عون



مودتي لكما

صح السنتكم

ياشعرا المرقاب.....

ولاهنت يامحمد بن عون

على وضعها هنآآ.....

تقبل تحيّتي ومودتي

ودام ابداعك....

مبارك عليك الشهر

الله لا يفرقكم رديه طيبه تستاهل المرور والقراءة
صح الله لسانك ولسان الزعبي ولا هنت

،’
أبو سطام

لاتقول دون المستوى إلا فوق و فوق المستوى جعلك ماتعجم
صح لسانك ، و وفيت ولا هفيت
عسى الله يتقبل طاعتك وكل مسلم

تح ـياتي

تصوغ القوافي / والشعر معك فيه فنـون
تقل شاربه قبـل أربعينـك بـ/ رضاعـه

ياسلام عليك

وأنا في غلاكم ياهـل المنطقـه مجنـون
ليا ذعذع الشرقي تنطحـت , ذعذاعـه

ياسلام عليك انت بعد

تحيتي لكما

جمعني بك ( المرقاب ) وأهله وأنا ممنون
عسى الله يبارك في هاك اليوم والساعـه




ياسلام سلمّ




عزالله إنكم ماقصرتوا اثنينكم

ونعم ونعم

صح السنتكم والله


تحياتي : يابن عون ويالزعبي


: كل عام وأنتم بخير :

الله الله

يا سلامي عليك
صح لسانك واعتلا شانك
وصح لسان فهد
صوت رائع وصدى ولا اروع
لاخلا ولاعدم

مرحبا ياعبدالرحمن

نورت وشرفت

مااعليك زود طال عمرك


تحياتي وتقديري

مرحبا ومسهلا يابدر

الاجمل مرورك

ماعليك زود طال عمرك

نورت المتصفح بحضورك


تحياتي وتقديري

ابداع ماشاء الله


وأنا في غلاكم ياهـل المنطقـه مجنـون
ليا ذعذع الشرقي تنطحـت , ذعذاعـه

صح لسانك ولسان فهد على ذا البيوت الجزله


يعطيك العافية


نايف

مرحبا ياعادل

اسعدني حضورك واعجابك


صح بدنك ولا هنت


تحياتي وتقديري

مرحبا يابو عبدالله

شرفتنا بحضورك طال عمرك

مبروك الشهر علينا وعليك

صح بدنك


تحياتي وتقديري

مرحبا ياعبدالعزيز

صح بدنك

ماعليك زود طال عمرك


تحياتي وتقديري