محمد زيد الثبيتي
سلام تسليمةٍ نبدا بها للكرام
*********من هيض صدري على الاجواد وابدا بها وين الثبيتي محمد لن حضر يا سلام **********عندي له اعلوم ودي افتح ابوابها |
شفق وهقتني
استلم يامرحبا يا شفق ولكم نرد السلام ترحيبتن من خفوقي زاد ترحابها هات العلوم وترفق ياشفق بالكلام ترى الوحوش الضواري نحسب حسابها |
مالك و مال الحسين اللي تدق الوشام
********* من دونها عالمٍ تفتّل اشنابها ياللي تراضي منيره لا تزعّل سهام **********ما زيّن منيره الدرعه ولا خضابها |
ماني من اللي يحده في الجميله غرام.........الله يستر على الطليان باذنابها
مايلحق الرجل في الفزعه كلام وملام.........الله يجمل منيره واقلع اصحابها |
تقولها و انت لاحقك الهوى و الهيام
********** الله يستر على العرجان بثيابها اشهد شهاده حقيقه ما تعيّن امام ********* الله يرحمك يا منيره و من جابها |
راعي صحافه وفي هرجك وضوح وعتام.......وراع الوضيفه يعيشبها ويشقابها
حذرا تعاطس وصيفك مايجي به زكام.......والا المنابر خطبنا وسط محرابها |
راعي صحافه و ابادل كل رجل احترام
*********** و انته محامي عن الخفرات و احبابها ما جاتني علة رخوم العرب و الرخام ************ يا معتلي منبر منيره على بابها |
ماني محامي ولاكن مانحب الحرام......يالحيه اللي تدس السم في نابها
الله يستر على اللي ساكنين بجهام.....لاصار مالك بخوصتنا ولا انصابها |
يالمسلم اللي تحج مكه ابلا حِرام
********* وليا وصلت ال منى تنام بشعابها اهل جهام الرجال اللي تسل الحسام ******** خوصتك تحيا تموت بداخل اجرابها |
اخوي الغالي شفق
الله لايهينك واعلم اني عليمي بس كانت حلوه على الهواء مشكور طال عمرك والله انك مصيبه يابو مهنا وانا تحت امرك في اي وقت والمعذره ابوزيد |
اخي الغالي و صديقي العالي محمد زيد الثبيتي
يشهد الله انني لا زلت اتعلم منك و من غيرك. و ما تلك المحاوره الا فقط للتعلم معك فانت لك وقفات في الشعر نحترمها و نقدرها. و مثل ما قلت اجمل ما فيها انها على الهواء مباشره. تحياتي يا ابو زيد اخوك شفق السريّع |
| جميع الأوقات بتوقيت GMT +3. الساعة الآن 12:48 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية