منتديات المرقاب الأدبية - مزيج العواطف ! , لـ الشاعر محمد بن عبدالرحمن الخنفري

السلام عليكم ورحمة الله وبركاته

نقلاً عن صديقي واخي الكبير / منصور بن حامد الثبيتي , يعني من راسه لراسي لروسكم :) , اعجبتني القصيده وقصّتها , واحببت ان انقلها لكم :

يقول اخي منصور بن حامد : " في شهر شعبان من عام 1411 هـ
كنا نجتمع لدى الملازم أول الشاعر محمد بن عبدالرحمن بن حدجان الخنفري العتيبي رحمه الله في مدينة الوجة وكنا نجتمع للمحاورة والقاء القصائد الجديدة وكان يحضرالاجتماع معنا الشاعر عبدالله الدوسري وكان يأتي كل يوم بقصيدة موجهة للشاعر محمد عبدالرحمن ويرد عليه الشاعر حتى أكثر عليه وفي إحدى الليالي جاء عبدالله الدوسري بقصيدة فرد عليها الشاعر وكتب له قصيدة أخرى جيميه ليلهيه في الرد عليها عن كتابة قصيدة جديدة .
واليكم القصيدة :

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مزيج العواطف بالجديدات نزعج به=زعجته من اللي فالمحاديب مزعجها
لواعج غرامٍ عند الانذال مااهرج به=ولجنا حماه ولاعرفنا مخارجها
تكاثر غلاه وجور الايام ينتج به=جنيهات حبٍ بنك الاشواق منتجها
نهجنا مناهيج الهوى القلب ينهج به=جريح الفؤاد وعلّتي من مناهجها
لعج لاعج الآشواق والبرق يلعج به=لعج في ديارٍ نافل الغنج دارجها
وهج نور خدّه كامل البدر يوهج به=ولو بجّ فالجب الهميجه يعالجها
اريجٍ من الفردوس والخلد يمزج به=تعجّ الورود بريح جسمه يروّجها
خليج العرب لو مسّ جلده تعالج به=نجا جوّها من سمّها اللي تولّجها
ولو داج مابين المقابر تباهج به=بعزّ العذاب وصار غاية مباهجها
ليا سلهمت نجله فؤداي تولّج به=مزاجي وسجاتي مشاهد دواعجها
فلجت الحروف وفالج الشعر يفلج به=وتفلج على اللي مايميّز مفالجها
عرج هاجسٍ أشقى المحبّين يعرج به=هجا شعر ناسٍ للثريّا معارجها
نسجنا جواب الجيم والجيم محتجبه=على غير عبدالله تعاوج برامجها
سراجه ليا عمْيَت سرايجهم اسرج به=لقى جرّة اللي جاليٍ عن لجالجها
يجد النجايب للتعاجيب تدرج به=على جمّها اللي مايجونه عرابجها
جربني زمانٍ فيه الافراح منشجبه=وجدد جروحي عجعجت لي عجايجها
عجايب بها الآيام والجن معتجبه=عجوبه مابين الجيم والجيم دامجها
خلاجٍ من الهجران والبعد خالج به=تجمّل بروحٍ رايج الشك خالجها
لهجنا بذكره والشجن قام يلهج به=بأهازيجنا اللي هي دوا المرّ نعلجها
[/poem]

النص لـ الشاعر :
محمد بن عبدالرحمن بن حدجان الخنفري العتيبي رحمه الله