( تحدّث بـ طريقتك الخاصه )
 

بسم الله الرحمن الرحيم
اسعد الله جميع اوقاتكم بـ اليُمن والمسرات
( تحدّث بـ طريقتك الخاصه )
موضوع عباره عن وضع (مفرده) يأتي العضو ويعبر عن هذه المفرده
بطريقته الخاصه ..
شعر ، خاطره ، مقاله مختصره ، استحداث حكمه , او اي فن من فنون الادب


ومن ثم يضع (مفرده) جديده على ان يأتي العضو الذي يليه
ويعبر عن هذه المفرده .. وهكذا ..!


دعونا نبدا مع :
[glint](( الوداع ))[/glint]

فارس لاهنت على الموضوع الرائع

والف شكر الصاحب الفكره خالد الحصَين



(الوداع )


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
التلاقي عمَر والموت الوداع =ضد بعض ولا على الله مستحيل
من يحب ومن تحب آمن أقتناع=تجري الايام وتاتي باالرحيل[/poem]


المفرده: (الصبر)



كل الشكر لكم

فكره جميلة الله لا يهينك يا فارس وبيض الله وجه ناصر

وصح الله لسان بن سبهان

تقول ( الصبر )

[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الصبر مفتاح الفرج=الله يعين الصابرين
واللي بتفكيره عرج=وأبليس مغويه اللعين
الله يعينه لا درج=أسمه بكشف الخاسرين
للنار يدخل ما خرج=أعوذ بالله وأستعين[/poem]


المفرده : المرقاب

ياسلام يافارس

بيض الله وجه صاحب الفكره والمنفذ


وعز الله ماخليتوا احد

الكاتب والشاعر وجميع فنون الأدب

تستحق هذه الفكره التفاعل

وننتظر من يتحدث عن المرقاب أفضل منا


غيمار

المرقاب

هو مكان مرتفع يقصده ابن الصحراء قديما لكي يعرض نفسه للهواء الطلق ( الهبايب )
وأغلب من يقصد هذا المكان هم من ضحايا الحب من طرف واحد ( الله يجيرنا ) أو من ضحايا
الفراق الخارج عن إرادة العاشقين ... ولذلك قال الشاعر :
يا معدي المرقاب خله لمشتاق @ حول وخل مولع القلب يرقا
ويقول الشاعر المرقابي :
يا عضو في المرقاب خله لشعار @ سجل خروجك واقر وش قال سداح
وسلامتك ،

(( الحيــــــــــــــــــــــــــاة ))

موضوع رائعه تسلم اخوي فارس ويسلم اخونا خالد على الفكرة

التلاقي

[poem=font="MS Dialog,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازين التلاقي من بعد فرقة الخلان=وياشين التجافي عقب طيب ووفا الاحباب
يطيب التلاقي بالفرح في ضمير انسان=ويسعد عقب جور الليالي بليا اسباب
وتجري له الانهار ويخضّر البستان=ويفرح به الغالي من اقراب والا اصحاب
هذا وجه تشبيه التلاقي وانا طربان=على شوف من عنّي حدته الليال وغاب[/poem]



(( الجفا ))

فآرس بن مردآس

لآهنت على الموضوع الجميل...

الجفأ

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يآشين الجفأ.. بين الرجآال السلآطيني=هل الجود والطالات والوقفه الحيه
ويآزين الجفآ..لآمن فقدت الحسوديني=علآقه.؟ ولكن ماهي ابطيب مبنيه[/poem]

(الطيب)

لا هنت يا ابن مرداس على هذا الموضوع و الشكر موصول لصاحب الفكره كما قرأت خالد الحصيّن..


الطيب

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الطيب يا باغيه عسر ٍ على لين=يحتاج له همّه و يحتاج تطبيق
عسر ٍ على من لا يجيب البراهين=و لين ٍ على من همّته تشبه طويق[/poem]



الوطن

الوطن


[poem=font="Traditional Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الوطن ماهو شعارات واغاني=الوطن اكبر من انّا نحتفل به
الوطن يحتاج له حب وتفاني=دامه اللي حطنا في وسط قلبه ![/poem]





الامل !

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لولا الأمل ما عشت لحضه مع اليأس=ولولا الصبر ما عشت بضعة ثواني
لن الأمل يعطيك شمعة ونبراس=والصبر مفتاح الفرج للأماني[/poem]

العقل

العقل

العقل السليم في تشجيع الزعيم :)


(( الهلال ))

^
^

هههههههههههههههههههههههههههههههههههه

لا اقصد الهلال السوداني يا لبى اللبايب بس يا هلالنا :)

العمر


[poem=font="Simplified Arabic,6,royalblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
العمر يجري والصواديف قشرا=وإبن أدم تحده نواياه للشر
والصدق ميزانه تمرجح ويشرا=والنذل بالنكبات كنه مبشر
يا قلب لو تحشر مع الخلق حشرا=ما تستريح ومبسم الوقت كشر[/poem]

المفرده : الضب (pst-

موضوع راق لي كثيرا
سلمت ياصاحب الفكره


[poem=font="Simplified Arabic,5,seagreen,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العمر ماينحسب باليوم والساعه=العمر يبدأ معك ويغيب مندونك
ياغايته ياملذاته ومرباعه=مل السهر من معانق عين مجنونك
تعال خلك معي ماني بطماعه=يكفي عن الناس بس مشاهد عيونك[/poem]


( الجرح )

8
8
8
العمر سرت وانا اخيش
المفرده ( الضب ) ما هي عن ( العمر ) يا جلاده راحت عليش (jar-

الوكاد صح لسانش

الضب

هو حيوان بري ، يعيش في الأمكان الصحراوية ، شكله مخيف جداً و بالرغم من منظره المخيف
لم يسلم من مطاردة المعجبين ، وقديما قال الشاعر :
الزين مثل الحيا متبوع @ أما تلى الناس يتلونه
إلا أن صاحبنا كسر هذه القاعدة ، فهو بالكاد يُرى ومهدد بالانقراض ، علماَ بأنه يختار وقت نزهته
بعناية ظناَ منه بأن الصيف ( القوايل ) سوف يقيه شر المعجبين ولكن هيهات ، فجاذبيته الساحرة
أعمت القلوب و الأبصار ، فلا الصيف ولا الحر يمنعان من زحف جمهوره العاشق له .


(( الجرح )) << الادنى بالادنى والتعدي زرية ( مفردة جلادة )

:icon_mrgreen:
رائع يانايف
تعريف وافي وكافي للضب

أما بالنسبه للجرح اعتقد مافيه ابلغ من بيت الاخ الشاعر / عبدالله حنيف

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=3 line=1 align=center use=ex num="0,black""]
الجروح أنواع والنوع الخطير = جرح ماتقدر تعلم فيه أحد ![/poem]




(الدنيا)