وليا قطع وصلي على الله شكيته ..!
 

[poem=font="simplified arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وصاحبـي هـذا محلـه ومبـنـاه=قبـل اسبـوعٍ جيـت فيـه ولقيتـه
واليوم جيـت لمنزلـه مـا لقينـاه=واللـي لقينـا عقبهـم مـا بغيتـه
شفت الرسوم وجدد الشوق ذكـراه=وناديـت باسمـه مرتيـن وبكيتـه
قالوا علامك قل جفـنٍ كفـى مـاه=لا رد لـي رايـه وانـا ماعصيتـه
خلوه ليـن الدمـع يظهـر خفايـاه=امــا ومـرتـه زود ولا نهيـتـه
يمكن غزير الدمـع تبـري سوايـاه=قلبٍ كواه الحـب انـا مـا كويتـه
سبت خليـلٍ خـلّ قلبـي وخـلاه=ماطور مطرودٍ خلـط مـاه زيتـه
جمسٍ مخيف وضايمه طول مسـراه=وتكانفه جيـب الخفـر مـع ونيتـه
لازام قـدمـه والابيـتـر تـعـداه=والله رمــاه بفـرقـةٍ مستبيـتـه
جايـن عنـه تبليـغ وهيـه تحـراه=وراحو معه فالعـرق الاول عميتـه
وعقب احرجوه الجيب دقر له ارطاه=وسايق ونيت الخفـر غـرز ونيتـه
وهو سرى صفق الهوا مع زوايـاه=اعصار عاصوفٍ تسوقـه سحيتـه
وعقب اظهروهن فاختٍ درب ممشاه=وشافولهـم ليـتٍ يحـالـي ليـتـه
جمس ابدوٍ ضايـع لـه ولـد شـاه=طفله غـدى ويـدوره حـول بيتـه
اهنه عطـن مجهـاه وهـو بمجهـاه=وراحت سوالفهم اطـلاب وشميتـه
وكلٍ بقى يشمـت خويـه ويشنـاه=ويقـول للـرامـي ورا مارميـتـه
قال البلا السـواق غـرز وخـلاه=وانا من الربشـه سلاحـي نسيتـه
والجمـس سواقـه بليلـه تسـراه=الحمـل جايـر والهـوا مجتفيتـه
وقعد خوي دريول الجمـس ينهـاه=ويقول ضاعـوا قـال ياليـت ليتـه
ولا المدارا اليوم مـا بـه مـداراه=والله لنـزل حملتـه مـا دريـتـه
وليا انكسـر مـن تانكيـه حرقنـاه=امـا فـقـر ولا حـيـاةٍ بخيـتـه
وسروا وحمله تالـي الليـل وطـاه=فالموقـع اللـي نيـتـه منتويـتـه
وعقب أمنه وقـف وحـول وطفـاه=واصبح ليا نصـى شنابـر حتيتـه
الوجه رايح والاديتـر كفـى مـاه=وعيار زيتـه ناقصـن عنـه زيتـه
قالوا علامه قال مـن كثـر ماجـاه=ليـا حـداه العـرق يمـه حديتـه
ليا انثنى العـرق الموالـي قطعنـاه=وليا زما العـرق المناحـر نصيتـه
بثنيـن احـده ونهـمـه وتـحـداه=وليا عصاني عن طلوعـه عصيتـه
انحـره عـرق طـويـلٍ مـعـداه=ولا عـذاعـذ خـلـتٍ مستميـتـه
خايف وحاديني مقاطـع ومضمـاه=ولو لا كذا عن ماجرى لـه رفيتـه
قيره وبنصـه والدركسـون يجـداه=وان ضيع الـدرب الدليلـه قديتـه
وهذا ودرب الجمس كملـت معنـاه=بقـافٍ لعشـاق المثـايـل بنيـتـه
تعبيـر مـن عينـه بخلـه مشقـاه=الصاحب اللي لـو نسـي مانسيتـه
احـب اجامـل خاطـره وترضـاه=وليا قطع وصلي علـى الله شكيتـه
لو هو جفاني بالهوى مقـدر اجفـاه=وان باعني برخيص غالـي شريتـه
لونـي لـو قلـت احلـي حلايـاها=تعب وبعض اوصافهـم مـا لقيتـه
الضبي فيهـا جملـة مـن حلايـاه=والخيل فيه اصوف منـه ان هقيتـه
وجدي عليهم ياهل العـرف وجـداه=وجـد اليتيـم اللـي تقـول وتليتـه
عوبـاٌ توريـه العزايـر وتقـفـاه=وثقبهـا اللـي جعلهـا ينهـد بيتـه
ليا بكي قالت هذا الـورع شـرواه=يبكي لو انـي كـل شـي عطيتـه
عقب امه اللـي تاخـذه بالمـداراه=اونس مـن العمـه حيـاة الشميتـه[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شفـت الرسـوم وجـدد الـشـوق ذكــراه=ونــاديــت بـاســمــه مـرتــيــن وبـكـيـتــه
قـالـوا عـلامـك قــل جـفــنٍ كـفــى مـــاه=لا رد لـــــي رايـــــه وانـــــا مـاعـصـيـتــه[/poem]
الله

الله


ابداع شعر الله دره الله دره

وصح الله السان الشاعر شقير الجذع مليون× مليون

سلطــان اهنيك على الاختيار الراقي يا راقي

ولاهنت على النقل الموفق


لك أجمل تحيه

ودي

هلا يا صالح

مرحبا يا صديقي

صح كلك ولا هنت
مودتي يا كريم :wardah:

اختيار ولا احلا الله لا يهينك

لك التقدير

بيض الله وجهك ياالعطاوي

وصح لسان المبدع شقير

وعز الله انه شاعر جزل




الله لايهينك




تحياااااااااااااااااااااااااااااتي









.....

شاعر عملاق

شقير الجذع ,
صح لسانه وبيانه .

سلطان العطاوي ,
لاهنت يارائع
:wardah:

هنآ الشعر الحقيقي..

صح لسآآن الشآعر الكبير:شقير الجذع

ولاهنت يالعطاوي على النقل....

وتقبل تحيّتي ومودتي.......

بدر سلمت على الحضور
لا هنت

عبد الله البدراني

صح بدنك ولاهنت على الحضور
مودتي

عبد الرحمن السمين

سلمت يا غالي ولا هنت

مودتي

عبد العزيز الجش
مرحبا بك وصح كلك
لاهنت

صديقي الغالي

مرحبا بك وخطاكـ الهاشميه

صح بدنك :wardah:

,’

الله على الوصف وسلآسة التعبير
صح لسآن الشآعر الكبير "شقيـر الجذع"
وسلمت على ايرآدهآ يآ"سلطآن" ,,
كل التقدير !

,’