سـآعة آلـجـمـهـور !
 

نص متواضع لـ تواصل معكم ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

انا لي ثلاث شهور ياشعر ماغنيت = احاول ولا حاولت كني بليد شّعور

على جال بيرك مابقى دلو مادليت = الوم الرشا واثر السواني بدون ظهور

وانا ليه الوم وقد رويتك ظمى وارويت = ظمى الشاعر المشهور والشاعر المغمور

ليا اخطيت قول اخطيت لا اقديت قول اقديت = هذي نرجسية شاعر" ماهو بمغرور

وانا بّلا انا واعوذ بك من انا مريت = على حقبة الشعار والشعر والجمهور

لقيت القصايد جلها تشبه المانشيت = تقول ان شاعرها عليها مسك طابور

ياشاعر ليا غنيت حاول تجيب البيت = خليط ومزيج من الفضاء والبحر والنور

ليا صار مثلك مثل غيرك ليا عديت = ترى كنك اللي ماقلط لين شاف السور

عليك الملام ان كان لا رحت ما سديت = وعليك الملام ان كان لا جيت مالك دور

وانا امد كفي للقصايد ولا مديت = من الكف غير اللي تيسر من الميسور

لو اتعب خيالي فالقوافي ليا سويت = تبا تبرك بيوت القصايد بليا زور

لو المرجله ماهيب فالشعر والتصويت = لكن البيوت احيان تبني حجا وقصور

ليا مشطوا روس الفرايد فلا عنيت = سوى مهرة" ماتنجحد غير عند الزور

ياوجه الفضاء مليت بالله مامليت = عليك العمايم كنها الطير ابو دنقور

اشوف الصور ماكني اوحي ولا سجيت = يمرون مثل الضحك فالخاطر المكسور

تماديت لكن يشهد الله ما فكيت = من الفردي الا بكرة" دكت المقهور

ياهاجس ليا هوبلت سمع كبار الصيت = ما تطرب له الآذان ويعالج الممرور

وسلامي على التوقيت يا ساعة التوقيت = عقاربك تمشي عكسها ساعة الجمهور
[/poem]

يـاشـاعـر لـيــا غـنـيـت حـــاول تـجـيــب الـبـيــت
خلـيـط ومـزيـج مــن الفـضـاء والـبـحـر والـنــور

لـيــا صـــار مـثـلـك مــثــل غــيــرك لــيــا عــديــت
تــرى كـنـك الـلـي مـاقـلـط لـيــن شـــاف الـســور




لله درّك يا أحمد

شاعر مبدع وحضور مثري وقصيده استمتعت بقراءتها

صح لسانك الف



أعجابي وتحيتي :)

كفو كفو


عز الله اني قريت قصيدة فاخره تستحق الاشادة
الله لا يعوقك وصح لسانك ولا هنت


حفظك الله


:wardah:

عليك الملام ان كان لا رحت مـا سديـت
وعليك الملام ان كان لا جيـت مالـك دور

ياسلام عليك يابن غالب

ابدعت واطربت الذائقه

صح لسانك

وتقبل تحية

اخوك أبوخالد

هلابك يا ناصر وهلا بحجزك

الله لا يهينك

مرحبا يا مشخص

واعجابك ومتابعتك وسام

تشرفت بمرورك

لا هنت

ماعليك زود يا بدر

وصح بدنك

مرورك شرف لاخيك

لا هنت

مرحبا يا حسن

شرفتني بتواجدك هنا


الله لا يهينك

ياشاعر ليا غنيت حـاول تجيـب البيـت
خليط ومزيج من الفضاء والبحر والنـور

ليا صار مثلك مثـل غيـرك ليـا عديـت
ترى كنك اللي ماقلط لين شـاف السـور

مبدع في وصفتك وتشخيصك : ) وشعرك

أحمد .. من أجمل القصائد التي قرأتها
سجل إعجابي وتقديري

وانا بّلا انا واعوذ بـك مـن انـا مريـت
على حقبة الشعـار والشعـر والجمهـور

لقيت القصايـد جلهـا تشبـه المانشيـت
تقول ان شاعرها عليهـا مسـك طابـور

ياشاعر ليا غنيت حـاول تجيـب البيـت
خليط ومزيج من الفضاء والبحر والنـور

ليا صار مثلك مثـل غيـرك ليـا عديـت
ترى كنك اللي ماقلط لين شـاف السـور

عليك الملام ان كان لا رحـت مـا سديـت
وعليك الملام ان كان لا جيـت مالـك دور

وانـا امـد كفـي للقصايـد ولا مـديـت
من الكف غير اللي تيسر مـن الميسـور

كلها ذهب...

لاهنت والله يـ الشاعر

وصح لسانك على هـ الفاااخرهـ

تقديري لك’,,

لله درك يابو غالب

والله انك ماتخيب ظن اللي يدخل متصفحك

ابداعك مشهود وقديم

واعجابي منحوت من اول قصيده لك

صح لسانك ثم صح لسانك لين ترضى

يا سلامي عليك يا بو غالب

صح لسانك مدد

وانا اخوك ولاهنت
مودتي

مرحبا يا ناصر

اعجابك وشهادتك شرف لاخيك

لا هنت

صح بدنك يا شاعرة نجد

تشرفت بـ مرورك

لا هنتي

والله ان اعجابك ومتابعتك انت وشرواك فخر لي يا ياسر

واني احرص اني اكون عند حسن ذائقتكم

دمت بـ هذى النقاء

الله لا يهينك

صح بدنك يابن حامد

وشاكر لك اطرائك

لا هنت لا هنت

هلابك يا سلطان

وصح بدنك

شرفتني بـ مرورك

لا هنت

لله درك يااحمد

ابداع بحق

الله يصح لساانك ياشيخ

أحمد بن غآلب..

صح لسآآنك..

قصيده محبوكه حبك..

لله درّك..

وتقبل تحيّتي ومودتي..