دورات الايــــام
 

السلام عليكم ورحمة الله وبركاته

بويتات تقليدية متواضعة وضعتها هنا للتواصل لعلها تشفع لي الغياب




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما بين صبح ٍ وليل وبين عدل ٍ وميل = دورات الايام تمضي بالاوادم عجال
والوقت لو ياخذ من العمر مدّه جزيل = ياخذ ويعطي بامر رب ٍ عزيز الجلال
ياخذ سنين الشباب اللي هواها عليل = ويعطيك حكمة ليا قل الكلا والظلال
وانا طويت الفراش ولا نسيت الصميل = وسقت الركايب مع المظما وجرد العبال
ومزن ٍ عقبني تركته لو سيوله تسيل = ما هوب لي لو شعت قلبي مزون الخيال
وذات العيون النواعس والقوام النحيل = صدّرت عنها معيف ٍ لو تنادي تعال
واخترت طاعة جليل الملك عنها بديل = وخوة هل الدين والطالة كرام السبال
وكوّنت لي راي فالدنيا ونهج ودليل = مما سمعته وشفته فالسنين الطوال
لو كان ماني على طبع الاوادم وكيل = ولو كانت عيوبي اكثر من رمال السهال
لكنّ حسب اطلاعي صغت قاف ٍ جزيل = وجهة نظر يوم جالي بالقوافي مجال
كل ٍ يبا الطيب مير الطيب دربه طويل = درب ٍ على هاوي الراحة عسير المنال
يحتاج من يسلكه صبر ٍ وسطوة وحيل = حيل الضواري وسطوتها وصبر الجمال
والناس تشبه بعضها في كثير وقليل = الا على سلّم الطالات كل ٍ لحال
حلحيل فالنطق حرف ٍ يفرقه عن حليل = وبالفعل يفرق كما بين الثرى والهلال
ولا فيه شي ٍ على درب العلا مستحيل = والرجل في لازمه لازم يهد الجبال
والدين والجود والنخوة وفعل الجميل = وغض النظر والشموخ خصال واف الخصال
والمال خل ٍ ليا بار الخوي والخليل = لا ركّب الوقت يغني عن ذليل السؤال
راعيه راع الجميل ان صار ما هو بخيل = يغنيه دنيا ودين وكرمة وستر حال
والصمت حكمة وكثر الهرج مابه حصيل = الا شهادة ونصح وردع راعي عيال
كلام ماله ذبيل وصمت عن من يعيل = يحط من قيمة الرجال عند الرجال
ومن يقبل الهون مرة عاش عمره ذليل = ومن لا فعل ما يفيده طيب عم وخوال
غلطان من قال عمر الراس ما صار ذيل = ليا ارتخى الراس عوّد ذيل ما به جدال
[/poem]

1

ولي الشرف

وذات العيـون النواعـس والقـوام النحيـل
صدّرت عنهـا معيـف ٍ لـو تنـادي تعـال
واخترت طاعة جليـل الملـك عنهـا بديـل
وخوة هل الديـن والطالـة كـرام السبـال
وكوّنـت لـي راي فالدنيـا ونهـج ودليـل
ممـا سمعتـه وشفتـه فالسنيـن الـطـوال

كفو والله

اجزلت وابدعت

صح لسانك مدد بلا عدد

تحاتي

يامرحبا ويامسهلا

انا اللي اتشرف بحجزك يابدر

حجزك اوكيه يابوناصر ومكانه لقلب

هلا وغلا بعد غياب
المبدع مشعل
صح لسانك وبيانك شاعر استلذ لشعره ,
مودتي لك .
:wardah:

إيه إيه إيه إيه إيه إيه إيه إيه

هذا الكلام اللي عليه الكلام

أبو فالح صح ّّ لسانك ما تكفي هـ النادره

تقديري لك ،،

وعليكم السلام ورحمة الله وبركاته


غلـطـان مــن قــال عـمـر الــراس مـــا صـــار ذيـــل
لــيــا ارتــخــى الــــراس عــــوّد ذيــــل مــــا بــــه جـــــدال

لو ما قلت الا ذا البيت قلنا صح الله لسانك ولا هنت

مبدع الله لا يلجمك



:wardah:

كل ٍ يبا الطيب مير الطيـب دربـه طويـل
درب ٍ على هاوي الراحـة عسيـر المنـال
يحتاج من يسلكه صبـر ٍ وسطـوة وحيـل
حيل الضواري وسطوتها وصبـر الجمـال
والناس تشبه بعضهـا فـي كثيـر وقليـل
الا علـى سلّـم الطـالات كـل ٍ لـحـال



سلم نبضك يا مشعللللل

عبدالرحمن السمين

ياهلا ويامسهلا

كل الشكر على عذب مرورك

بيض الله وجهك

يامشعل الذيابي

انا اشهد ان هذا القصيد

اسلوب وحبك ومضمون

ارويت عطش الذائقه

صح لسانك وعلا شانك

وتقبل تحية اخوك ابوخالد

الغالي سطان بن حامد

مرورك شرف واطرائك وسام يابو حامد

كل الشكر ولك كل الود والتقدير.....اخوك

ومن يقبل الهون مرة عـاش عمـره ذليـل
ومن لا فعل ما يفيـده طيـب عـم وخـوال



مشعل الذيابي



قصيده من ذهب


هكذا يظهر ابداع العقول في جزيل القول



تحيتي لك

وذات العيـون النواعـس والقـوام النحيـل
صدّرت عنها معيـف ٍ لـو تنـادي تعـال
واخترت طاعة جليل الملـك عنهـا بديـل
وخوة هل الديـن والطالـة كـرام السبـال




الذيابي


صح لسانك

ابدعت وامتعت

الله الله الله

الله الله الله الله


حي الشعر اللي يطرب وراعيه


لله درك وصح الله لسانك على هذا البدع الرائع


اخووك

بدر العجمي

ياهلا ويامسهلا

كل الشكر على عذب مرورك

صح لسانك لين ترضى ولاهنت
مودتي لك

محمد مسفر

يامرحبا ويامسهلا

وكل الشكر على عذب مرورك واطرائك

تحيي وتقديري

صح لسانك يافالح

صن جميل لابعد الحدود


صح لسانك لين ترضى

حسن بن خاتم

ياهلا ويامسهلا وكل الشكر على عذب مرورك واطرائك

تحيتي وتقديري

ضيف الله السميري

ياهلا ويامسهلا ياولد سامر

كل الشكر على عذب مرورك واطرائك

تحيتي وتقديري ومودتي

صح السانك يامشعل


اشهدبالله انها قصيده مميزه



مبدع


تحيتي

فهد بن عبدان

ياهلا يامسهلا

كل الشكر على عذب مرورك

تحيتي وتقديري