كل فطيــر وطيـــر
الأحبة المرقابيين السلام عليكم ورحمة الله وبركاته بكل الشوق والمحبة أقدم لكم هذه الجديدة [poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] سقى الغيث مرقابٍ تعليت فيه عصير=وشفت الديار اللي هجرنا منازلها تغربت عنها لاملاله ولا تقصير=ظروف الحياة اللي حدتنا مشاكلها تغربت قبل ادري عن الهم والتفكير=ولاجيت حتى طاعت النفس عاذلها عرفت المنازل لو لحق بعضها تغيير=وظليت لين الشمس غابت مقابلها على ذكرياتٍ كنها شاشة التصوير=أشاهد بها قصة حياتي من اولها تذكرت يوم إن العرب ياردون البير=وهم في رجا نوض البروق ومخايلها وتذكرت يوم العيد واللعب والتعشير=ولبسي ثيابٍ كانت امي تفصلها وجيراننا اللي عايدونا وكانوا غير=وشدت ضعاينهم وعيني تخايلها وتذكرت ذيك الكلمه اللي لها تأثير=تسلط على الخمس الحواس وتعطلها ليا قالها من قالها صابني تخدير=ولو تسألوني قلت مانيب قايلها سنينٍ مضت لاخوف منها ولاتحذير=كما الحلم للي عاشها ويتأملها قبل لاتجينا لاحضارة ولا تطوير=وقبل لاتفرقنا الحياة ومشاغلها وفكرت وليا اللي فنوا ماخذوا قطمير=يكون الثياب اللي جثثهم بداخلها وعودت اقول إن كان ماخانني التعبير=حياةٍ وراها الموت معروف حاصلها ترى مالك اللي تذخره من نصيب الغير=ولاتستفيد إلا همومٍ تحملها فلا تذخر إلا طاعة الله وفعل الخير=هي اللي تقدمها وقبلك تحصلها تعشى فتات الخبز وإلا سنام بعير=مصيرك تواجه للنهايه وتاصلها على قولة أصحاب البلد كل فطير وطير=ورزقك على اللي كل الأرزاق كافلها توكل عليه ويرزقك مثل رزق الطير=همومٍ حملها الناس ماهوب حاملها مع اول شعاع النور كل الطيور تطير=ولاتظوي إلا زادها في حواصلها وفيها لنا عبرة وفيها لنا تذكير=تخلي لبيب العقل يقعد يحللها خساره ضياع العمر في قلة التدبير=تجمل بروحك لين ربك يجملها[/poem] |
أستاذي عبدالله الطلحي
إشادتي بسطر أو سطرين لاتفي بالتعبير عن إعجابي بنصوصك ولكن تبقى شاعر الحكمه نتعلم منك الجديد مع كل نص مودتي وإعجابي |
شاعر الحكمه
صح لسانك حتى يرضى الله عنك بيض الله وجهك طال عمرك في انتظار ما تكتب من ابداع |
دائم وانت متجلي بالابداع
بيض الله وجهك احد متابعيك المتعصبين تحياتي / مشاري النثري |
الاستاذ : عبدالله الطلحي
والله ان قصيدك له عندي طابع خاص ما اجمله من شعر اصيل ومن شعور جميل تقبل مروري وتقديري وكل عام وانت طيب |
ياسلام ياعبدالله
صح لسانك لين ترضى |
سقى الغيث مرقابٍ تعليت فيه عصيـر
وشفت الديار اللـي هجرنـا منازلهـا عزااااه تذكرت يوم إن العرب يـاردون البيـر وهم في رجا نوض البروق ومخايلهـا وتذكرت يوم العيد واللعـب والتعشيـر ولبسي ثيـابٍ كانـت امـي تفصلهـا وجيراننا اللي عايدونا وكانـوا غيـر وشـدت ضعاينهـم وعينـي تخايلهـا وتذكرت ذيك الكلمه اللي لهـا تأثيـر تسلط على الخمس الحـواس وتعطلهـا ليا قالها مـن قالهـا صابنـي تخديـر ولو تسألونـي قلـت مانيـب قايلهـا سنينٍ مضت لاخوف منهـا ولاتحذيـر كمـا الحلـم للـي عاشهـا ويتأملهـا قبل لاتجينـا لاحضـارة ولا تطويـر وقبـل لاتفرقنـا الحيـاة ومشاغلـهـا الله الله الله الله الله عز الله انها قصيده في الصميم حتى الوالده قريتها لها قامت توجد على هالايام صح لسانك الف ابدعت وامتعت لاهنت احترااامي و ج د |
وجيراننا اللي عايدونا وكانـوا غيـر
وشـدت ضعاينهـم وعينـي تخايلهـا عبدالله كل ما نسخت بيت قلت الثاني احسن الين وصلت نهااية القصيدة ماشاءالله تبارك الله صح لسانك شاعر متمكن واستاذ لا تحرمنا من جديدك نايف |
وعودت اقول إن كان ماخانني التعبيـر
حياةٍ وراها الموت معروف حاصلهـا ترى مالك اللي تذخره من نصيب الغير ولاتستفـيـد إلا هـمـومٍ تحمـلـهـا فلا تذخر إلا طاعة الله وفعـل الخيـر هي اللـي تقدمهـا وقبلـك تحصلهـا تعشى فتات الخبـز وإلا سنـام بعيـر مصيـرك تواجـه للنهايـه وتاصلهـا على قولة أصحاب البلد كل فطير وطير ورزقك على اللي كل الأرزاق كافلهـا توكل عليه ويرزقك مثل رزق الطيـر همومٍ حملها النـاس ماهـوب حاملهـا مع اول شعاع النور كل الطيور تطيـر ولاتظوي إلا زادهـا فـي حواصلهـا وفيها لنا عبـرة وفيهـا لنـا تذكيـر تخلـي لبيـب العقـل يقعـد يـحللها خساره ضياع العمر في قلـة التدبيـر تجمل بروحـك ليـن ربـك يجملهـا ياسلام صح لسانك ولا هنت |
تعشى فتات الخبـز وإلا سنـام بعيـر
مصيـرك تواجـه للنهايـه وتاصلهـا الله أكبر اللهم ردنا إليك ردا جميلا حضور للإستفاده ولله درك ياعبدالله غيمار |
الله ينصر دينك يا عبدالله شعرك ما يقوله إلا أنت .. ولا يتعدّّاه اللي يعرف الشعر إلا وهو راوي منه صح ّّ والله لسانك تقديري لك ،، |
وفكرت وليا اللي فنوا ماخذوا قطميـر
يكون الثيـاب اللـي جثثهـم بداخلهـا شاعر الحكمه ابو ناصر حضورك دائماً مثري ، نستفيد من تواجدك ومن فكرك وشعرك هنا نظره واسعه لماضي خالد ومستقبل قادم لله درك ايها المبدع الحكيم |
اقتباس:
ماعليك زود يالغالي شكراً لحضورك الطيب وكلامك المشجع . |
شاعرنا القدير / عبدالله الطلحي
يفخر الشعر بامثالك وانا اشهد صح لسانك وسلم فكرك خـســاره ضـيــاع الـعـمـر فـــي قـلــة الـتـدبـيـر تــجــمـــل بـــروحــــك لـــيــــن ربــــــــك يـجـمــلــهــا عسى الله يحسن اعمالنا اعجابي وسلامي |
الاستاذ عبدالله الطلحي :
فلا تذخر إلا طاعة الله وفعـل الخيـر هي اللـي تقدمهـا وقبلـك تحصلهـا تعشى فتات الخبـز وإلا سنـام بعيـر مصيـرك تواجـه للنهايـه وتاصلهـا شاعر كبير ونصوصك تطرب الذائقه ولا يدخل احد ويقراها الا يرتوي شعر .. وصدق ابن حامد يوم يقول شعرك مايكتبه غيرك .. لا اعطب الله لك يمين يا شاعر الحكمه ( ومن اوتي الحكمة فقد اوتي خيرا كثيرا ) |
االحكيم ابو ناصر.
كل التقدير والاحترام لك. ادامك الله |
شاعر الحكمة
والمبدع جدا (عبدالله الطلحي) , يشهد الله اني دائما ابحث عن قصائدك في كل مكان لما فيها مما يرضي ذائقتي ويطمن قلبي بأن ساحة الشعر للحين بخير , صح لسانك ملايين ولا يستغرب عليك هذا الابداع فهو حليف لك من زمان , تقبل مروري |
اقتباس:
والله إني سعيد جداً بحضورك وحضور الأنقياء شرواك لاهنت يالغالي |
اقتباس:
الله يحييك ويبيض وجهك متابعتك شرف ووسام طال عمرك لاهنت يالغالي . |
صح الله السانك
شاعر مبدع والله درك لك ودي وتقديري |
صح لسانك يالشاعر الكبير ولاهنت
مودتي لكـ |
وفكرت وليا اللي فنوا ماخذوا قطميـر
يكون الثيـاب اللـي جثثهـم بداخلهـا وعودت اقول إن كان ماخانني التعبيـر حياةٍ وراها الموت معروف حاصلهـا ترى مالك اللي تذخره من نصيب الغير ولاتستفـيـد إلا هـمـومٍ تحملـهـا فلا تذخر إلا طاعة الله وفعـل الخيـر هي اللـي تقدمهـا وقبلـك تحصلهـا الله يعيننا على طاعته ورضاهـ ويصح لسانك شاعرنا ولاهنت على هـ الفااخرهـ,جزل وماتجيب الا الجزل طال عمرك تقديري واحترامي لك’,, |
| جميع الأوقات بتوقيت GMT +3. الساعة الآن 02:28 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية