كلمة ٍ حرّه ..!
قديمه عليها بعض الطلب الذي يشفع لها أن تكون هنا .. ولولا عفـّّاس وقوانينه يمديها في المواهب :woow55: [poem=font="Simplified Arabic,5,black,bold,normal" bkcolor="transparent" bkimage="" border="outset,2,black" type=2 line=1 align=center use=sp num="0,black""] الوقت .. حتـّيش يا سطوة جبروته=[. حنـّا عتيبه من العارض ليا الحرّه .] والشاعر اللي صدى صمته .. غلب صوته=لو يزعج الصوت ما أوحى له صدى .. مرّه ..! في خاطره .. كلمة ٍ من عام مكبوته=تعرض على البوح .. بعض أحيان وتمرّه ..! كم خيبت ظن صدقه .. في ملكوته=خيبة ظنون العرب في .. نصرة الدرّه ..! على الوعد ينتظر .. والكلمه تفوته=دايم .. وهي للغياب المر مضطرّه ..! والهم .. يا شاعر الكلمه ضمن قوته=من كبدك اللي من الحرمان .. محترّه ..! وقتك يشوت السعد وحظوظك .. تشوته=وإن ما نقص خير وقتك .. ما نقص شرّه ..! إقر الرسايل .. وسجل داخل النوته=واكتب للاجيال بعدك .. كلمة ٍ حرّه ..! دوّن .. قصيده على الأيام منحوته=مع كل صبح ٍ جديد .. تعاود الكرّه ..! من شان لا قيل بكره .. منهي بيوته ؟=لا قالوا فلان .. قالوا للولي درّه ..! الادمي لو عرف قلبه .. متى موته !!=ضرّه حساب الدهر والعرف .. ما سرّه ..! ولو كان للنعم رجل ٍ .. يحفي سبوته=ما يآمن النذل عقبه .. يدفن الجرّه ..![/poem] وهكذاااا |
اقتباس:
ياسلطان صح لساااااااااااااانك لين ترضى تحيتي |
اقتباس:
الله الله الله قديمك جديد ياابو حامد صح لسانك على هالدرة وللولي درك مودتي واعجابي:wardah: |
يادافع البلا ههههههههههه
اثرني منحرم من الشعبي واللي فيه لله درك هالحين ودوم وصح لسانك مليار ضرب مليار :in_love: |
للولي درك يا ابو حامد
من اول بيت من قصيده لك وتراها محجوزه في اول قصيده تنزلها اذا ما سبق ونزلتها اللي منها سيف مجرب يا ابن عمي وتأثيرك يبين في نظرة اللي ما يدانيني >>> حافظه ..! |
المبدع / سلطان ابن حامد
صح السانك لين ترضى نص راقي ومميز وغير مستغرب طبعا انا من جماهيرك وراح ارجع بمشيئة الله |
صح لسانك شاعرنا
ولاهنت على هـ الجزله تقديري لك’,, |
قصيدة طيب الله لا يلجمك وصح لسانك
|
والشاعر اللي صدى صمته .. غلب صوته لو يزعج الصوت ما أوحى له صدى .. مرّه ..! في خاطره .. كلمة ٍ من عام مكبوته تعرض على البوح .. بعض أحيان وتمرّه ..! كم خيبت ظن صدقه .. في ملكوته خيبة ظنون العرب في .. نصرة الدرّه ..! على الوعد ينتظر .. والكلمه تفوته دايم .. وهي للغياب المر مضطرّه ..! الله الله الله ياسلطان كم ابدعت والله ابداع بحق ياغالي , قصيده رائعه من شاعر رائع ومبدع ,, صح لسانك ياغالي ,تقبل تحياتي واعجابي فيما تكتب ,, |
صح لسانك وبيض الله وجهك
على هذا الابداع والله يبيض وجه من طلبها تقبل مروري واعجابي تحياتي لك |
الله الله الله
بيض الله وجهك وصح لسانك ولله درك جزلة ومن جزل تقبل مروري |
الله علييييييييييييك ياسلطان
والله انك من اشعر الشباب صح لسانك تقديري |
محبوكة حبك يا سلطاان
صح قلبك وسلم بوحك |
سلطآن بن حآمد..
صح لسآنك.. ولآفض فوك.. وتقبل تحيّتي ومودتي.. |
الادمي لو عرف قلبه .. متى موته !!
ضرّه حساب الدهر والعرف .. ما سرّه ..! ولو كان للنعم رجل ٍ .. يحفي سبوته ما يآمن النذل عقبه .. يدفن الجرّه ..! صح لسانك ولا هنت |
الله الله الله
قصيده محبوكه ومتقنه بشاعريه وتسلسل وجزاله غايه في الروعه صح لسانك ولا فض فووووك اعجابي وتقديري |
الادمي لو عرف قلبه .. متى موته !!
ضرّه حساب الدهر والعرف .. ما سرّه ..! لله درررررررررك يابو حااامد صح لساااااااااانك اللين ترضى ولاهنت ابداع غير مستغرب بانتظار الكثير من الارشيف الذي يحمل الجزاله بلا ادنى شك |
نصوصك دائماً تاخذ المساحات لجودتها ومتلقيها يستمتع بجزالتها
|
عبدالله المرشدي صح ّّ بدنك ولاهنت تقديري لك ،، |
الله الله
لاهنت يابو حامد صح لسانك وعساك سالم يالمبدع تحياتي |
صح لسانك ياسلطان
قصيدة تبرهن بأنك شاعر كبير والدليل طريقة طرحك للموضوع وأستغنائك عن بعض الأفكار اعجابي يابو حامد , |
وهكذااا
حلوه الرمزيه هذي :) على العموم قصيدك كله عليه طلب . سواء ٍ الجديد أو القديم . هات مالديك , فنحن بأنتظارك تحياتي وتقديري |
| جميع الأوقات بتوقيت GMT +3. الساعة الآن 04:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية