سلام للمرقاب واللي من على راسه يذيع ( معدي المرقاب )
 

السلام عليكم ورحمة الله وبركاته


مساء الخيرر



للاستفادة من المبدعين هنا


ما اشوف الا انت يا معدي المرقاااااب متصل وانت فيك الخير والبركة


ان سمح وقتك رد والا متلاحقين فيما بعد


استلم لاهنت


[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام للمرقاب واللي من على راسه يذيع=اما شوارد تنسمع والا فرايد تنقري
يا معدي المرقاب مدري تشتري والا تبيع =ما يهبط الاسواق غير اللي يبيع ويشتري[/poem]

الله الله يابو مسفر صح لسانك على هالمبدى وفي انتظار معدي المرقاب ونشوف يشتري والا يبيع والصف صفك يامحمد ولاتخلي عنه شيء مرة مرة

سعود النفيعي


مرحبا مليون طال عمررك


صح بدنك والله لا يهينك على تشريفي بكرم زيارتك


بيض الله وجهك على الوصااه


مار انا افكر فالمنير من هالحين




احتررررامي لشخصك

سلطان بن حامد

الله يبقيك ويعافيك


حضورك مكسب وتشريف


صح قلبك وكلك ولا هنت


تقديرررررري

ارررحب ارررحب يا ناصر الشيباني


انت راع الأولة وسبب وجودي هنا بعد الله عز وجل


بيض الله وجهك طال عمرك


حضورك في حد ذاته فخر وشرف


فكيف بوقوفك فالصف لا عدمتك


الله لا يهينك



احترامي وتقديري لك

الله الله
سجلني في صفك يامحمد
ولاتذخر عن معدي المرقاب شي وانتبه لاتحتك مع سعود النفيعي تراه مشكله ;)

وين انت يامعدي المرقاب ؟

يامرحبا ومسهلا
يامحمد


والاستفاده لي طال عمرك
وترا دوب شفتها هالحين



يامرحبا ترحبة ن تبدي على روس الجميع
ــــــــــــ قدامك العد القراح ولا عليك الا الجري
حنا لها واللي تبيه يصير بالبال الوسيع
ــــــــــــ اما الذهب نشريه والمعدن يودى السمكري

سعود النفيعي

هلا يابوفهد بس الوصاه فيها نظر


سلطا حامد


الف هلا وانا ادري انك في صفي واقول لك شكرا


ناصر الشيباني

افا يابن مشيب وين الزاد والملح والرفقه الطويله فالمرقاب لاكن مقول الاهلا وغلا

ابن قنيص
مرحبا يا عبدالله ولا عاد تهرجني امس قشران واليوم ضدي


تقديري للجميع

معذور والشرف لنا يامعدي المرقاب


الله الله الله

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

دام البقا وانتم لها لكن فالكــــــوون البديع =كوكب تعلى يا معدي عن زحل والمشتري
الصيف دوب اشتد قيضه وانتحى فصل الربيع=الله يعين اللي يقص الدرب بالعظم الطري[/poem]

عبد الله بن قنيص


مرحبا الف


شرفتنا بكرم حضورك اللي نعتبره مكسب


ووجودك فالصف دعم ما يووصف


وبالنسبة لسعود النفيعي انا اعتبره حزام


والرجال موجود معك فالصف ههههه لا تتنازعون وتنكبونا مع معدي



تقديري

0

0
محمد × معدي

محراف ٍ طيب
واصلو يا كباتن والصف صف العلم / معدي ولا تهون يا محمد ,



مع الله يا شعّار



0

0

مطر سلمان


حياك الله وبياك



عطرت الصفحة بمرورك الكريم



ومن يلومك لو تقف في صف المبدع معدي ... لكن رايح تندم :woow55:


احترامي

الله

الله


والصف صفك يا مسفر ولايهون معدي

ابن سبهان


هلا وغلا


حضورك تشريف ووجودك فالصف فخرررر لا عدمتك


تقديري

هلا ومسهلا يابو سلطاااااان


ومعدي ... هقوتي انه يرقد العصر << يا شين الغيبة :icon_mrgreen:



عز الله شرفتني بطلتك الغالية



تقديري واحترامي لك

الله الله

انته تعلم لك معلم والمعلم مايضيع
ــــــــــ يا الله عسى فيك ابركه قدام ماترجع قري
اهل النيامس فالمباطح والسبور بكل ريع
ـــــــــــ والدار محكومه يابن مسفر وحاكمها جري

الميجر اف جنرال مطر سلمان
مرحبا مليون دوب تراكبت عظامي بوجودك فالصف
لاخلينا من دعمك اللوجستي على مايقولون ارحب

ثم

ارحب




ابن سبهان

هلابك وشرفت المتصفح


ناصر الشيباني

مرحبابك مره اخرى وتراي اشوف البيت


تقديري للجميع

الله الله الله

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عندي علـــــوم معلم العميان والليله يطيع=وقته ولا هو ساريً له ليلة ما تنسري
الذيب الامعط من يرده بالعصـــاة عن القطيع=ان كان باع الرجل روحه عد بطنه منفري[/poem]

الله الله

مانته بابن شالح ولاخوشالح القرم الفديع
ـــــــــــ وان كان ابن مسفر ثري غيره من العالم ثري
الذيب الامعط لاضوى لايلمسه حد الذريع
ــــــــــ قدام لايسريبها يخور اخوار البربري