* اقلوب الاحباب الـ/بعضهم منازل *
 

[poem=font="Simplified Arabic,6,darkred,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]

الحب هيّن دام نزوة امغازِل = لامن سكن فالقب ذا والله الموت

اقلوب الاحباب الـ/بعضهم منازل = وقلبٍ ما يسكن فيه محبوب تابوت

القلب لو كانت اجنوبه عوازل = لا من دعاه الحب جا يتبع الصوت

ملامح الحب بشروره وبازل = نفس الملامح واللغه ما هي ابفوت

في كل شيٍ قد يجوز التنازل = إلاّ عهود الحب لو خربت ابيوت

الحب بركانٍ إتزفه زلازل = إيثور لا ابطى داخل القلب مكبوت

العاشق وحبه رهين النوازل = كفنه بين الحب والقبر مبتوت

الحب مزحه جد ما هو مهازل = يجمع حمار الدم مع حمرة التوت

والحب قصه يبتديها امغازل = واكثر نهايات اقصص الحب بالموت

[/poem]

الله الله الله

ابيات فيها من الجزاله والحكمه الكثير

صح لسانك ياعبدالله ..

الله الله
عبدالله الفهري ,
صح لسانك وبيانك مبدع ورائع ,
:wardah:

يا مرحبا

حيا الله كل من شرفني بمروره وكل من بعد بيمر

ويا ليت أحد من المشرفين الأعزاء ينسق القصيده لأنه صار لي مده ليست بالقصيره أواجه مشكله مع تنسيق القصيده في المرقاب . ولأن خبرتي ومهارتي في النت .. ما هيب القصيا .. لم أتوصل لحل لهذه المشكله حتى هذه الحزه .

ودمتم بسعاده

عبدالله الفهري

صح لسانك وماكل حب يبدا بالمغازل

تقبل مروري

غيمار

في كل شيٍ قد يجوز التنازل = إلاّ عهود الحب لو خربت ابيوت



اررررررررررررررحبووووووواااا يابو نوواف


انا ممن يحسنون الاستماع عند قصائد عبدالله الفهري


لاهنت وانت نمبر 1

الله عليك يابو عايض

أبيات أكثر من رائعه
و تمكن واضح

صح لسانك حتى ترضى
يا مبدع



تحياتي،،

اخوي مرزوق

صح بدنك وبيض الله وجهك

والله ان مرور مثلك وشرواك يشرفني ويزيدني إصراراً على بذل المزيد من الجهد لتقديم ما يجمل .

لك مني التقدير وجزيل الشكر

صح لسآآنك

يالفهري..

وتقبل تحيّتي ومودتي..

[OVERLINE]
صح بنك وبيض الله وجهك اخوي عبدالرحمن

قمة الإبداع تشريفي بمرورك وتعليقك وانت دايم سباق للطيب على الرغم من تقصيري

لك خالص الود والتقدير
[/OVERLINE]

غيمار

صح بدنك وبيض الله وجهك

وجهة نظر أحترمها واقدر لشخصك الكريم تشريفي بمرورك

تحياتي وتقديري