( بعض الحكـايا ) ..!!
. . .. بسم الله .. خويطره كانت كيبورديه ولازالت :) اتمنى قبولها وتمريرها بـ سلام .. [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""] يابنت وإن كانت سواليفك كثار=اخذي من المجروح بعض الحكايا انا طويّت الدرب والهم بي جار=ورسمت جرحي في عيون البرايا ماني نبي الله عالم بالاحبار=ولاني منزّه عن جميع الخطايا اخطي واصيب وعلتي دمها فار=استوحشت منها ضلوع الحنايا مجبور اساير علتي بكل الاشبار=ومجبور اجامل من يحب المزايا يابنت خليني ترى صالي النار=زاد وتوهجّ فوق سود النوايا ياليتها يابنت مطويّة اعمار=وياليتني ماشفت للحب رايا غنيت لجروحي على صوت الاوتار=وقدمت للفرقا عروقٍ طرايا الطيف شتتني وانا عد الاذكار=استغفر الله من دواهي بلايا راحة وخلتني مع الناس محتار=بنتٍ حلاها فارقٍ بالمزايا قبل تغيب تقول ابا اروح مشوار=ومشوارها طوّل وتاهت خطايا اهديتها قلبٍ على حبها سار=مافيه اغلى منه حسب العطايا مصعب من الفرقا سوى قطع الاخبار=كذا تغيب وتاخذ احلى الهدايا ماني بقايل شي في حكم الاقدار=لكن ابسآل في حدود الروايا يابنت إن كنتِ على حد الازهار=قولي لريح الورد وشهو دوايا ؟ [/poem] وسلامتـــكم .. . . |
صح لسانك ياحسين وبيض الله وجهك
|
فوراً و على الذمه الى المرقاب الشعبي
لن أرد عليها هنا حتى أراها هناك... :mad: |
صح لسانك يا ابو عزام .. قصيدة مدهشة ..
وبالله مرة ثانية بدون مقدمات .. اذا هذي كيبوردية .. اجل وش الشعر اذا .. صح لسانك مليار .. ولاتحرمنا شوفتك ترانا مشتاقين لك :woow55: |
اهديتها قلبٍ على حبها سار
مافيه اغلى منه حسب العطايا مصعب من الفرقا سوى قطع الاخبار كذا تغيب وتاخذ احلى الهدايا الله عليك يا بوعزام صح لسانك وسلمت على هالرائعه بحق والشعبي ينتظرها بفارغ الصبر :) محبتي وتحيتي واعجابي :) |
الى الشعبي . ! غنيت لجروحي على صوت الاوتار وقدمت للفرقا عروقٍ طرايا الله الله الله الله الله الله ابداااااع + صور جمالية فائقة العذوبة صح لسانك مدد .. ولا تحرمنا مثل تلك الفاتنة يبو عزام كل الشكر يا مبدع |
الله الله..
صح لسآآنك.. وتقبل تحيّتي ومودتي.. |
ابو عزام صح ّّ والله لسانك مبدع وقصيدك جزل وتعرف كيف تشدّّنا معك لـ النهايه :woow55: تقديري لك ،، |
. . الغالي ردام .. حضورك يابو فيصل شرف كبير لي لاهنت ومرحبابك .. . . |
صح لسانك اخوي حسين هلى هذه الخويطره
وكثر من الخويطرات هاذي صح لسانك مرار وتكرار تقبل مروري واعجابي تحياتي لك |
ابو عزام
نص مدهش ياحبيب الكل هنا الابداع يتجلى كما ينبغي ! لله درّك وزادك الله من فضله |
صح لسانك يامبدع على هالفاتنة
يابنت إن كنتِ على حد الازهار قولي لريح الورد وشهو دوايا ؟ الله الله الله ياابن عزام ختام مميز للنص مودتي واعجابي:wardah: |
صح اللسانك يابن عزام
وأبيض وجه ، يا أطخم واحد في الرياض بعد نواف نايف :) ولاعاد تغيب ، ثم أقطع العلاقة معك :mad: |
صح لسانك
ولاهان راسك جزله لاهنت تحاياي |
.. حسين عزام .. صح لسانكـ ياحسين .. مبدع وقصيده رائعه نرتقب جديدك :) دمت .. |
مصعب من الفرقا سوى قطع الاخبار
كذا تغيب وتاخذ احلى الهدايا ماني بقايل شي في حكم الاقدار لكن ابسآل في حدود الروايا يابنت إن كنتِ على حد الازهار قولي لريح الورد وشهو دوايا ؟ الله الله ابدعت و امتعت يا حسين صح الله لسانك عليها بيت بيت تحياتي،، |
.
. ابو مهنا .. والله ان ردك هذا شرف كبير لي .. انتظر قدومك الثاني .. ياصديقي العزيز ودي وتقديري . . |
صح السانك ياحسين عزالله ابدعت
متابع لك وشهادتي مجروحه تحيتي |
اقتباس:
يا ليت الدعم الفني في المرقاب يحط لنا خاصية الكتابه ( بماء الذهب ) .. حتى نسطّر به مشاعرنا تجاه مثل هذه القصيده.. صح لسانك و كفى يا ابو عزام.. الكلام يقصر .. و قصيدتك لا يجاريها مديح اخوكم |
ما شاء الله تبارك الله
قصيده شامخه من شموخ الحرف النابع من شاعر عشق الشموخ وتربع على جزالة الشعر حتى كتب هذه القصيده ونال استحسان متابعيه وقراءه شكرا لك وبيض الله وصح لسانك تحياتي لك |
ابو عزام ,
صح لسانك وبيانك رائع ومبدع , مودتي لك . :wardah: |
مصعب من الفرقا سوى قطع الاخبار
كذا تغيب وتاخذ احلى الهدايا ياسلام عذبه وجميلة صح لسانك يابن عزام تقبل ودي وتقديري |
| جميع الأوقات بتوقيت GMT +3. الساعة الآن 05:33 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية