عندما ينتقد الأطفال قصصهم !
أترككم مع مشعل و النقد البناء
http://www.youtube.com/watch?v=PoQ8n...layer_embedded أجل الرجال إسمه ليمون والقرد سعدون ..؟ الله يهديك يا راعي الكتاب نقدتنا ف الرجال ما شاء الله عليه .. الله لا يضره إتقان ل اللغة الانجليزية و تحدث ب طلاقة ! : ) |
المقطع رووعه .. وميشو ما قصر .. ماشاء الله عليه اللغه ممتازة والاكسنت رائع ..
الله يخلف على كتبنا وقصصنا .. والفن عندنا .. والادب .. وكل شي .. مازلنا نقبع في مرحله التخلف .. الله يصلح الحال ويخلي سعدون وليمون .. ابو نافع : ياحلو مواضيعك حلواااه :woow55: |
^
الله يخليهم اي والله و فعلاً الولد ما شاء الله عليه عسى الله يحميه ويخليه لـ والدينه لكن عاد مو كل شي .. لازم يكون عندنا أمل و خط رجعه : ) و يا حلو مرورك يا عادل كل الشكر لك |
:
: الورع ماعليه شرهه .. الشرهه على (( الهلف )) اللي يلقنه .. !! يبي ينتقد لكن مايعرف كيف .. !! سلّم لي على الشغاميم سعدون ميمون .. وميمون بالذات اللي غصب بيقلبون اسمه (( ليمون )) .. !! يأخي ماهو ضروري نكون نسخة مقلدة من الغرب .. اللي يتباهون بكتب عن كائنات (( منقرضه )) وحنا نستنطق سعدون وميمون .. !! لنا ثقافتنا ولهم ثقافتهم .. وبعدين ليه نحط الغرب دائم صح .. ؟؟ سعدون وميمون طالع زي القمرين في كبد كتاب واحد .. !! طلال لاعاد تلف في اليوتيوب واجد .. !! <-- رقم 7 اليوم .. !! :0012: |
اقتباس:
هههههههههههههههههههههههههههههههه اجل سعدون وميمون قمرين ؟ أمحق والله اني كنت متوقع انك رقم 7 ومتوقع نفس فكرة الرد بس يا بو حمد ما يمنع نقول ان الولد مبدع يكفي إتقانه لـ اللغة و كلامه بالنسبة ل سنه بعدين انت خابرين اليوتيوب ما أجيه الا ل الطواريقي : ) هذا جايني على الايميل .. أحذف ايميلي ؟ < اليوم حبيب : $ انت بكل حالاتك من 1 إلى 10 مرورك غير ، : ) |
مشكلتة قصصنا العربيه
وهي ثابته من عام " ماقبل الميلاد : ) " هذا مثل والثانيه ضرب زيد عمر :) لها ميتين سنه وهو يضربه . طلال أهم شي لا تحاول تنتقد مناهجنا خصوصاً وإن فيه هنا بعض من إخوانك " المعلمين " : ) القصص ماهي مشكله ، |
مشاء الله لاقوة الا بالله أنا أعجبني ودهشني الطفل وطلاقة اللغه لديه , بغض النظر عن ما يلقنونه أبناءنا من قصص لا تسمن ولا تغني من جوع من كلا الثقافات سواء على الصعيد الغربي أو العربي , على أية حال الوضع مؤسف في عدة اوجه فيما يخص الأدب والثقافه والتعليم ,
ابو نافع , التقاطه رائعه ومن شخص رائع , دمت بخير , :wardah: |
اقتباس:
هههههههههههههههههههه اما 200 سنه و هو يضربه ؟ لا المعلمين اذا بغينا ننتقدهم .. ننتقد أساليبهم في إيصال المادة ، والا المناهج .. هم أنفسهم ينتقدونها كل الشكر لك على مرورك يا بو وليد |
ماشاء الله تبارك الله ،
وقصص القرود اللي يتكلم عنها ، قديييييمة والحين القصص المدرسية والخاصة بالأطفال جميعها وثائقية ، وتجمع بين المعلومة والطرفة ، وذات صور حقيقة ، مثل الكتاب الذي مع الطفل ذو الغلاف الأزرق :) تحيتي يا طلال ، ومرسي أوي :wardah: |
,’
مقطع فيه من الوآقع لكن طريقة الطرح خآطئة و"تدبل التسبد"! اسلوب "الإستهزآء" والكركره اللي على غير سنع مآيسمى "نقد" بعدين الأبو جآي ينتقد المؤلفآت "العربية" وولده يرطن "انقليش"؟! مآ ننكر ان عندنآ "قصور" لكن لِـ"النقد" آدآب. لآهنت يآ"طلآل" :wardah: ,’ |
ماشاء الله يتحدث بطلاقه ................. الله يحفظه
ينتقد ميمون وسعدون .................. اجل لو قرأ سامي والفاصوليا ............... ولا الأقزام السبعه ..وش يقول مشكلتنا كل بعد فتره يجينا وزير ويغير مابناه الي قبله مثل الي يقول الي قبلي مايعرف شي ... ويغير القرارات الي لها ثمان سنين ويبدأ من جديد ومايبدأ برنامجه بالتكامل حتى يقاعدونه ويجي واحد غيره ...... ويالله من يد نشيط في يد نشيط .......... اش المشكله لو درسوا اطفالنا اللغه الأنجليزيه من اول ابتدائي .............. وش المشكله لو غيروا حصة النشاط الي علت اكبودنا في يوم الأثنين الحصه الثالثه .. والله ما استفدنا منها شي من يوم اني طالب والجماعات غاثتنا ( جماعة الدفاع المدني ) ( جماعة التدخين ) بالله وش يستفيد الطالب من هالجماعه . ياخي فكونا ورش عمل في المدارس وجيبوا فنيين واخصائيين لهذا الشغلات وغيروا النشاط هذا الي اكل الدهر عليه وشرب . علموا طلابنا اعمال جيده . اقل شي اذا تخرج مالقي شغل . في يده صنعه وعنده معرفه . ماهو تخرجونه من الثانويه ويجلس خمس سنين واخرتها يموت من تفحيط ولا بياع مخدرات ولا تتبناه الجماعات المنحرفه . |
اهلا وووسهلاً يابو نافع !
اتوقع ان الموضوع ماجاب راس ماله خصوصاً بعد رد ابو حمد ماقلت لك انه يحاربك ولاصدقتني ؟! teeth: |
[align=right]
حلوه..ايه..الكعه لابد منها هههههههههههه بسم الله عليه..الله يحفظه مع ان الاسلوب بايخ..وماعجبني بالنسبه لـ كتب امريكا..اغلبها مستنبط من قصصنا ..الا (حق) الدينصورات :) برايف لـ سنجار..ياخي من قلب كلامك طالع:icon_mrgreen: دمت [/align] |
ههههههههههه
ماشاء الله على هالولد .. الله يخليه لوالديه ويصلحه :) ياخي بعيدا عن النقد .. حرام عليه يطلع ولده كذا يبي خلق الله يتنحتونه ههههههههه طلال =======>> 1 وش رايك ؟؟:icon31: |
هههههههههههه
ابو نافع والله شكلي أبي أهون عن السفرة وألغي فكرة الدراسة بعد ما سمعت لغة الولد حطمتني الله يهديك :( أجل سعدون وميمون :icon_mrgreen: جعلك تبطي حي وبس تح ـياتي |
طلال ..
الورع ماهوب اطيب مني .. يوم ينتقد القصص .. انا انتقدت ابوه ماادري وش يقرب له اللي مصوره .. وانتقدتك انت يوم انك جيت ( تزمّه ) .. ماادري وش انت فايد .. و كرهت الورع .. لأني بحثت في مقاطعه ولقيته يستهزئ بـ البدو :mad: ؛ طلال وش رايك في شخصيتي الحين؟ <- يدور شخصيه له يومين :$ .. |
هذا و هو عاده غِـرّ<< على قولة اهل الجنوب :icon_mrgreen: اجل ان جا للسعوديه وش بيقنعه؟؟؟ ما شاء الله عليه و يا زقنه و يا زينه بس في ديرته اللي هو فيها لا يجينا .. هذا لا يجينا يحوس علينا النعمه اللي حنا فيها .. هذا يبي ينبّش علينا الاوّلي و التالي .. و معازيبنا ماهم ناقصين.. هم يلقونها من اسرائيل والا ايران و الا الإرهابيين و الا الحوثيين عشان يجيهم هذا و يسبب لهم ازعاج اضافي.. ورعاناا عشان بس نعلمهم شي اسمه قرد و هو حيوان موجود و يشوفونه و لا نفتك من اسئلتهم حوله.. اجل كيف في حيوان ٍ اسمه ديناصور ما عمرنا شفناه تسيف راح نجاوب على اسئلتهم.. عاد الله من زين الأسئله عند وراعينّا.. و إليك هذه القصه مع المحقق كانون ( دحوم ) مع المغلوب على أمره ( ش. س. ) ابوه.. الله من الدجه :icon_mrgreen: دحوم: بابا هذا ويس؟؟ ش. س. : هذا قرد. دحوم: ويس قرد؟ ش. س. : قرد حيوان اسمه قرد . دحوم: يعني ويس حيوان؟ ش. س. : حيوان يعني ماهو انسان.<< من هنا بدأ الضغط عندي يرتفع دحوم: يعني ويس انسان؟ ش. س. : الإنسان زيي انا وياك. دحوم: ان اننن انا و انته انسان؟<< يتعتع ش. س. : إيييييييوه يا بابا انا و انت انسان<< يحاول يستعطف دحوم اربه يفكه من اسئلته.. دحوم: ليه ان انننااا و انته انسان؟ ش. س. : شف شف السياره كبيييييييييييييييره<< بدا التصريف يبي الفكه دحوم: هذي سياله كبييله؟ ش. س. : إيوه سياره كبيره. دحوم: ليه سياله كبيله؟؟ ش. س. : هم سووها كبيره عشان تشيل اغراض كثيره.. دحوم: تشيل اغراض كثيله؟ ش. س. : إييييييه << و لا فيه أمل ان دحوم يدري ان صبري نفذ و الاخلاق قفلت.. دحوم: ليه تشيل اغراض كثيله؟ ش. س. : ودي اصرّف موضوع السياره الكبيره بس عارف انه يبي يستلمني مشوار جديد لذلك قلت له خلاااااااااااااص اسكت:mad: هيا بالله من وين تبينا نعلم وراعين بهالعيّنه هذي؟؟ لا و تبينا نعلمه في شي اسمه ديناصور.. يا عمي سياره كبيره و يشوفها بعينه و ما طلعنا بنتيجه تبينا نطلع بنتيجه في ديناصور؟؟ اقسم بالله حقهم سعودن و ميمون و يخب عليهم بعد.. ليتنا بعد نطلع بنتيجه معهم.. |
،
مشعلوووووووووه هذا خطير ، وما شاء الله على لغته ، ما استبعد ان خواله ، من ذوي العيون الزرق (pst- الله يستر عليه ، ومثل ما قلت يابو نافع : { لازم يكون عندنا أمل و خط رجعه : ) } تحياتي |
| جميع الأوقات بتوقيت GMT +3. الساعة الآن 07:27 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية