منتديات المرقاب الأدبية - السلام عليكم ورحمة الله وبركاته

آلسلآم عليكم ورحمة من آلله وبركآته

بعد آلسلآم .. أصافح الجميع عبر هذا المنتدى الشامخ
ويسعدني ويشرفني أن أكون من أعضاءه الفعالين ...

وفي البدآية أقـــدم لكــــم بعض المقتطفات وبعض من أبيات قصائدي وأعدكم بنشرها كاملة لعلها تــــحوز على رضـــاكم واستحسانكم...

[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

عدت عليها ثلاث شهور واليوم زود=وأنا اتصّبر على الايام واعدها
اعدها مثل ماعد البخيل النقود=اللي لاجت تطلع من المحفظه ردها[/poem]

/
\
/

[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وين انت يابو سيف ضافت بي الارض=ماكنها في عين مثلي وسيعه
المشكلة لاصرت ماتملك الحظ=والناس تملك حظ ولا تبيعه[/poem]

/
\

[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الجمر والثلج والليل والوجه السفير=كل هذي ملك لك وانت كلك ملك لي
والكلام الذرب والمنطق اللي فيه خير=مع وفاك وحبك اللي عن الشكه خلي
خلـّت إجلال القصايد على جناح طير=كل مامريت باسمك يحولها علي
أنت الاول في المحبة واكيد انت الاخير=من عرفتك رجع قلبي وميصالك ولي
لاتوادعني بدمعك ترى دمعك خطير=مثل مايثـّر على وجنتك يثــّر علي[/poem]

/
\

[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كل يومن غيبـّت شمسه يبكـّي نبته= نبتتن ماحطها الله في روابي بيشه
ليتها غيبت ربوع ورجعته في سبته=المصيبه غيبة اللي نابتن له ريشه
كل شي (ن) صعب في هذا الزمان احتلته=كود هذا الواقع اللي ماقدرت اعيشه[/poem]

/
\

[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شباك الاحلام تفتحه الفقارى مسا= وتسكـّره لا تلاشى حلمهم في الصباح
يمليهم الوقت والطلاب تكتب عسى=تبيح الاقلام والاحلام تعطي كفاح
احلام .. واللي مداه احلام ويش احتسى=للبر والحر ولاّ للبحر والرياح
وين انت ؟ ياللي فقدتك فقر حظ وأسى= لو شدتك الليالي باقي ٍ لك مراح
لاتحسب (ن) قلبي اللي حب زولك نسى=لكن قسى ! يوم شاف الوصل عند الشحاح[/poem]

/
\

هذي مساجله شعرية بيني وبين الشاعر الكبير محمد سياف الاكلبي:

[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
إشره عليّ واعتب علي قدر الامكان=حيث إني اللي من عتبك اتعلم
وانا إليا شفتك معلم وغلطان=الله يعينك للمعاتب تولم
اقدرك واقدر السيف شامان=حتى لو إنه من الليالي تثلم[/poem]

وهذا رد الشاعر محمد سياف

[poem=font="Arial,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الله خلق لابن آدم عيون ولسان=والعين شافت واللسان يتكلم
للمسك دكانن وللثوم دكان=وللبرج سلم واسفل البير سلم
وانته تعداك العتب يا كحيلان=واختامها لك مسك واسلم وسلم[/poem]

وسلمتم .. اخوكم / علي بن مغيب الاكلبي