منتديات المرقاب الأدبية

تقبلوا هذه المتواضعة

مع التحية للجميع

[poem=font="Simplified Arabic,5,black,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""] ياهموم النفس سجي مع الدرب الطويل = وطولي فالدرب وامشي عسى النفس اتهدا
والتحكم فيك يا هم شي(ن) مستحيل = ولو بذلنا الجهد كل التعب يذهب سدا
القلوب صغار لكنها يمكن تشيل = هم(ن) أكبر فالموازين من ضلع الهدا
والليالي بالمكاييل في قلبي تكيل = وكل ما جا وحده قلت يا قلبي فدا
وقلت أبا أصبر والصبر خابره درب الدليل = والصبر خط (ن) طويل(ن) على بعد المدا
آخره ما ينلحق لو قالوا لك جميل = مالحق جماله اللي مشى واللي عدا
وأنت يا قلب(ن) معك هم لك مثل الزميل = زامله مادام مالك على تركه جدا
وكرمه بالهيل لو إن قدره زنجبيل = وعدله لن كان شفته مع الدرب ايحدا
عنه لا يمكن تحصل مفر ولا بديل = وأنت ما أنت محصل(ن) من وراه ألا الردا
فيه بلوى تبتل الشخص ما عنها محيل = ترتبط به مثل ربط الخبر بالمبتدا
لا تجد مجناب عنها ولا عنها رحيل = وإن هدت وقت العشا ما هدت وقت الغدا
جاهزة وتثور حتى من الشي القليل = وتعتدي وتقول من بعدها أنت امن اعتدا
الطبيعة ما تغير ولا يمكن تزيل = والحديدة طبعها ما تجوز عن الصدا
وإن تولاها الصدا ما ينظفها الغسيل = الغسيل يزيدها والرطوبة والندا
لكن أحسن شي عش فالزمن عابر سبيل = وأحذر الأصحاب قدام تحذر للعدا
ما سلم نوح ومحمد ويوسف والخليل = ولا سلم موسى وعيسى مراسيل الهدا[/poem]

فلاح بن مرشد الزراقي