للعرف ناهات
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للعرف ناهاتٍ وللطيب ناهات=وللمرجله من بينهنه فعايل
وإليا بغيت الرجل تقطع مسافات=حط العزوم الصامله لك دلايل
لاتوقفك فالدرب بعض المعيقات=خل الأمل من ضمن بضعة وسايل
والا ترى التحطيم في داخلك فات=ويصير عله لو تخيل المخايل
والوقت مايرحم ومن طاح موات=مثل الجمل لاجاه سقم وهزايل
يبرك على درب المحيلين مابات=وعينه على حاله ووضعه همايل
من بعد قوه ماقدر كيف يقتات=ومن ضيم وقته شاف نجم القوايل
خذ من عناه المعرفه والمروات=مادام لك حيلٍ قوي(ن) وهايل
وخل إلك مع ذلك مع الناس هبات=تذكر بها بين الأجاويد طايل
خذلك حزو من كل ماقلت بالذات=وتصبح مناعة تسندك لاتمايل
نصيحةٍ من فكر جرب بالإثبات=إن المشاكل قل عرف وعقايل[/poem]