جـــهــــاااام
[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لبّيـه يـا دار ٍ سكـنّـي غـلاهـا=يا ديرة ٍ فـي قلـب نجـد العذيـه الديره اللي كل مـا اذكـر هواهـا=ريح النفل و المسك يطري عليّـه ديرة جهام منومسـة مـن لفاهـا=دار الضـواري و السبـاع الجريـّه ديرة رجال ٍ تسعـد اللـي نصاهـا=اهـل المكـارم و الكفـوف النديـه و اليا قصدها الضيف و اقبل و جاها=كل البيـوت اتقـول يـا الله حيـه يحـق لـي افخـربهـا وا اتباهـا=دار الجـدود مزبّـنـيـن الجلـيّه مدري على الله كيف ابا اقضي وفاها=و اسكن ثراها قبـل يـوم المنيـه هي ديرة اسيـادي و ناسـي و اباها=غصب ٍ على العاشق يعجّل مجيّـه يا سلـوة المعـتلّ؟ روحـه دواها=باقي حياته في ثراتس الزكـيه فِن كان روحي جود ربي عطاهـا=في ذمتي لاسكنتس نـذر ٍ عليّـه و اقبّـل اقصورتس و اقبّـل ثراهـا=و استوطنتس دام العمـر لـه بقيـه عشرين عـام ٍ روّحـت في سـراها=آعـايـش الغـربه بـلا معـنويـه و اليـوم وَقـْـفَـت وَقـْفِـةٍ ما وراها=الله يعـجّـل بانـفـراج القـضـيّه ما عاد لي ببقيـق نفـس ٍ تباهـا=النفس طابت مـن سكنهـا شويّـه لـو انّ ما فـيها من اللـي زهاها=الا قـبايلـها و اهـلها الـوفـيّـه و ارامكـو مانيـب باكي عـطاها=نفسي عـن اللي تصرفه لي غـنيه تاتىْ المنايا و البشـر فـي عناها=و النفس في جلب المرازق شقيـه و ارزاقنـا؟ بيديـن رب ٍ حـواهـا=امقسّـم ارزاق البشـر بالسـويّـه وْهذي جهام المجد مـا لـي سواهـا=عيني على شوفة سماهـا ضميّـه يا نجـد بالله سلمـي لـي علاهـا=و احكي مدى حبي لهـا يـا عذيّه يـ/ ان قالـها الله لا اتـلحّـف سـماها=كان اللـيالي فـي مداهـا مـديّـه[/poem] |
ي/ ان قالها الله لا اتلحّف سماهـا
كـان الليالـي فـي مداهـا مديّـه الله الله الله عزالله ان الديره ماغلى منها شعور رائع وصادق وحضور وافي ومتجدد صح لسانك × صح لسانك ولاهنت يا اخي شفق احترااامي و ج د |
شايب و متقعد ورايح لجهام
هههههههه لكن انا ماني مصدق انك وصلت الستين يابومهنا هههههه الله يجيبك سالم شعر وشعورصادق صح لسانك سلمت ودمت |
و اليا قصدها الضيف و اقبل و جاها
كــــل الـبـيــوت اتــقــول يـــــا الله حــيـــه يـــحــــق لـــــــي افـخــربــهــا وا اتــبـــاهـــا دار الـــــجـــــدود مــزبّــنـــيـــن الــجــلـــيّـــه الله الله الله الله يا شفق مبدع في كل حالاتك صح لسانك مليون ولا يكفون تقبل مروري وودي آخوك |
اقتباس:
صح بدنك اختي وجد و الديره غاليه .. و الوطن الأصلي غالي :) الف شكر لحضورك و تواجدك سعدت بك.. ش ف ق |
اقتباس:
عساك ما تاصل خار...:mad: ياخي لا تخرّب السمعه .. ترى ما وصلنا الستين.. :mad: خربت علينا مشروع زواج الثانيه :mad: يوم كتبت فـ/ ارامكو عمري 10 سنوات كحالها استثنائيه في الكَـتْـب:icon_mrgreen: و حط علاها عشرين سنه خدمة وطن << :icon29: يصير العمر 30 سنه و انت دبلتها الله يدبل تسبدك :icon_mrgreen: رجاءً لا عاد اشوفك توطوط في مواضيعي زال النفس علاك طيبه :SnipeR (69): لكن ما نقول للعمده الا صح بدنك و بيض الله وجهك على تواجدك و تواصلك تحياتي يا عمي و اسلم و سلم ش. س. |
اقتباس:
الله يحيي شيخ العبادله كلهم مرحبا يا عبدالله صح بدنك و انا اخوك و بيض الله وجهك على الحضور و المتابعه.. تقبل خالص الإعجاب محبكم و مغليكم ش. س. |
صح الله السانك يا بو مهنا
وافيه من راجالٍٍ وافي ماتكتب غير الابداع لك الود والتقدير |
الله الله ياشفق
حنين ووفاء اختلط به جزاله وجمال شعري صح لسانك ولله درك تحياتي |
و ارامكـو مانيـب باكـي عطاهـا
نفسي عن اللي تصرفه لـي غنيـه تاتىْ المنايا و البشـر فـي عناهـا و النفس في جلب المـرازق شقيـه و ارزاقنـا؟ بيديـن رب ٍ حـواهـا امقسّـم ارزاق البشـر بالسـويّـه وْهذي جهام المجد ما لـي سواهـا عيني على شوفة سماهـا ضميّـه يا نجـد بالله سلمـي لـي علاهـا و احكي مدى حبي لهـا يـا عذيّـه ي/ ان قالها الله لا اتلحّف سماهـا كـان الليالـي فـي مداهـا مديّـه الله يحقق مرادك يـ الشاعر وصح لساانك ملياااار على هـ الشامخه تقديري واحتراامي لك’,, |
الله يطول عمرك ياشفق
ويحقق لك رغبتك والله يلوم اللي يلومك عيمار |
الله الله ياشفق
شاعريّه رائعه واكثر صح السانك مدد ، |
يحـق لـي افخربهـا وا اتبـاهـا
دار الجـدود مزبّنـيـن الجلـيّـه ياسلام ياسلام صح لسانك يابو مهنا يحق للشعر ان يفتخر بك بعد احترامي لك |
الله الله الله
شفق صح لسآآنك.. ونعم فيك وفي ديرتكم.. وتقبل تحيّتي ومودتي.. |
هوصاتس ابومهنا
الله يلوم اللي يلومك وجهام والله انا نحبها كلنا صح لسانك وعاش راسك لين تسكن جهام وتختير فيه تحيات اخوك |
اقتباس:
الغالي صالح بن سبهان ما عليك زود يا صالح و بيض الله وجهك على الحضور و التواجد اخوكم ش. س. |
الله عليك يابو مهنا بس عمر الثلاثين مشكوك فيه والله العالم هههههههه صح لسانك مليااااار وسلمت يمناك يابو مهنا |
يحـق لـي افخربهـا وا اتبـاهـا
دار الجـدود مزبّنـيـن الجلـيّـه ويحق لها ان تفخر بك يا شفق ,, صح لسانك ولا تنلام في حب دارك |
ارزاقنـا؟ بيديـن رب ٍ حـواهـا
امقسّـم ارزاق البشـر بالسـويّـه سبحانه وفاء وذكريات خالدة وشموخ وفخر تكتنفه تلك الأبيات صح لسانك من هنا لـ بقيق ولا هنت يا مبدع تحياتي . |
صح السانك ياشفق
وماقلت الا الصحيح مبدع تحيتي |
يامال السيل ,,
جميل يابومهنا في كل حالاتك ,, |
صح السانك يبو مهنا
نعم جهام هي ديرة المطانيخ واهل الحميا ........... كلاً بداره مولع ...... لو كان مشقاً طناها يروح عنها بلا ريش .... وليا نبت ريش جاها بيض الله وجهك |
| جميع الأوقات بتوقيت GMT +3. الساعة الآن 01:31 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية