ياليت الخطوط اللي تجي ماتمر مرآه..
بسم الله الرحمن الرحيم هذه القصيدة قلتها في عمي / جند بن متعب بن شمسي.. ,,رحمه الله,, أتمنى أن تنــال على إعجابكـــم.. [poem=font="Simplified Arabic,6,black,normal,normal" bkcolor="transparent" bkimage="" border="solid,2,red" type=1 line=0 align=center use=ex num="0,black""] ياليت الخطوط اللي تجي ماتمر(مـرآه)=علشـان مذكـر يـوم كنانجـي معهـا لامني ذكرت الي تحـط الشحـم يمنـاه=تقولن روحي بيـن الاضـلاع نازعهـا تقولن صدري كن جمر الغضى يصـلاه=ولي عبـرةٍ ماغيـر تزهـم وارجعهـا انا كيف ابنسى واحدن لو بغيت انسـاه=تخيـل وصوفـه والمشاعـر تطلعهـا يابيض العذارا كان جبتن مثـل شـرواه=عز الله يبى يخاوى الذيابـه ويشبعهـا وعز الله ماهوب يصك بابه عن اللي جاه=وعن اسعارها ماهـوب ينشـد مبيعهـا وعز الله هو اللي يكرم الضيف لانصـاه=إله عادتـن علـى المراجـل مطبعهـا عرف بالكرم والطيب والمعرفه والجـاه=طبيعه من الله فيـه ماهـوب صانعهـا وعز الله هو اللي يصخر القاف لاغنـاه=هو اللي جزيـلات المعانـي يطوعهـا وعز الله هو اللي يصرم الرأي لاعطـاه=ليا كثـرة الاشـوار يخلـف روابعهـا لامنـي تخيلتـه متكـي علـى مركـاه=غدتبـي هواجيسـن بعـادن مرامعهـا تسابق دموع العين ثـم قلـت واعـزاه=معاداش غير اللـي هروجـه يجمعهـا يابعد المسافـه بينـه وبينهـم بعـداه=لون كل ناسن عندهـا مـن يشجعهـا ماظني حـدن مثلـه ولاباديـن مبـداه=صعيبـه مطاليـع الحـرار ومواقعهـا ياكم طيبن سود الليـال اقلعـت مـداه=لـون الامـور بكيفـنـا مانطاوعـهـا ولون الزمن ينسـام بالمـال وإلاالجـاه=لحقت العصـور الاولـه ليـن ارجعهـا هذي عـادت الايـام ياقسيهـا قسيـاه=تحـد الرجـال الطيبـه ليـن تقلعهـا وجوبن علينـا ماكتـب ربنـا نرضـاه=وبالصبر نهدي نفوسنـا ليـن نقنعهـا وانا اقول ياربي عسـى جنتـك مثـواه=لعل الجنـان الخضـر ينـزل مراتعهـا وتمت وصلى الله على أفضل عبـاد الله=عدد مايبيـن مـن النجـوم ومطالعهـا [/poem] |
حجز 1
صح لسانك ورجم الله عمّك تقديري |
الله يرحم عمك يا هاجد ويسكنه فسيح جنانه والمسلمين أجمعين
مشاعر صادقة وقصيده جزله ومعبره صح لسانك صح لسانك صح لسانك لا هنت يا هاجد ودي وتقديري لك |
اخـــوي عيضه مشــــكور ... |
اخوي عايض مرورك شرف تحيــــاتي. |
لامنـي تخيلتـه متكـي علـى مركـاه
غدتبـي هواجيسـن بعـادن مرامعهـا الله الله ماظني حـدن مثلـه ولاباديـن مبـداه صعيبـه مطاليـع الحـرار ومواقعهـا ياكم طيبن سـود الليـال اقلعـت مـداه لـون الامـور بكيفـنـا مانطاوعـهـا صح الله لسانك على هذه الابيات الرائعه المحزنه التي تدل على الشعور الصادق وعدم التصنع وانا اقول ياربي عسـى جنتـك مثـواه لعل الجنان الخضـر ينـزل مراتعهـا وانا اقول امين امين امين0000000000 الله يرحمه ويسكنه فسيح جناته ا |
مثل كلام مطر
صح السانك ياهاجد ورحم الله عمك تحيتي |
اللهم صلي على محمد وعلى ال محمد
مشاعر صادقه وبوح شاعري صح لسانك يا هاجد والله يرحم عمك وجميع المسلمين |
صح لسانك اخوي هاجد ورحم اماتنا واموات المسلمين
قصيده موثره احسن اللهه عزاك تقبل مروري |
هاجد بن شمسي
صح لساانك عزالله قصيدة ورحم الله عمك وكل من يتصفل بهذه الصفات وجميع المسلمين |
أشـــــــــكر كل من رد على القصيدة,, مشكـــورين والله لايهينكم.. |
إبداع لا يشابهه إبداع يابن شمسي
لله درّك ورحم الله عمّك تحياتي لك |
| جميع الأوقات بتوقيت GMT +3. الساعة الآن 08:52 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية