سفير الحسن
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يطيبلي نظم القصايد والأشعار = لا شفت زول اللي حنانه حواني

تنصاع لعيونه تصاوير وافكار = وتخضع له بيوت وجزيل المعاني

لأنه سفير الحسن في كل الاقطار = شرق وشمال ماخذن له مكاني

لوجيت ابوصف حسنها الفكر يحتار = متفردن بالزين سيد الغواني

ماتشبه الاغيمة تحمل امطار = تفرح بها البدوان واهل السواني

في غيبته شوق كما واهج النار = ما اقدر على فرقاه لوهي ثواني

وفي جيته ينزاح همي والأكدار = افرح بشوفه ينشرحله كياني

عرض علي فجأة بلاسابق انذار = وادركت بأن الموت يمه دعاني

تسللت للقلب من دون لا اختار = وتربعت بين الظلوع المحاني

يالله دخيلك من صواديف الأقدار = ويالله عفوك من بلاوي زماني[/poem]