المشاركة الأصلية كتبت بواسطة زيد العتيبي (المشاركة 1337352)

[poem=font="Andalus,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
آمنت با الله محصي الحي والميت = الواحد الفرد الصمد جل شانه

يا الله الا يا الله لعفوك ترجيت = رجوى الذي قدمك تشهد بنانه

أسالك فالرحمه ليا اصبحت وأمسيت = رحمتك للي في رحابك مكانه

شايــح بـن مطــلق إلــى الله لبــيـت = ومن رح صوب الله على الله ضمانه

يوم الأحد أول عشر حجة البيت = فالمانيا فارس رحـل عن حصانه

يـبكونــــك أحبابك نــهــارا ً تــوفيــت= فأول عشر شرف به الله زمانه

الـفـجر و ليال ٍ عشر معك تـوقيت = نزهك ربك عن دروب الخيانه

شهر فضيل وعشر معها ترقيت = أرقى بروحك للسماء في طمانه

نادوك بأجمل أسم لك يوم عديت = نفس ٍ سوات الماء تراق ابليانه


وصلوا عليك و طالب الله لا صليت = يسكنك ربك في فسايح جنانه

كض المكان وخـــيم الصــمت تـثبـببت = عـرق وكم ريق ٍ نشف في لسانه


فـــقــدك وطـن بالعـمر لـه يوم ضـحيت = حضنك من حبك برفق أحتضانه

رحل من الدنيا وهو طيب الصيت = اخلاق وأحسان وثبات و رزانه


خــليـت عــقــبك ذكــر طـيب وبـقـيت = ورحلت ما شالوا لك الناس شانه

إلاّ عــــلى فــــقــدك دمـــوع وتــنــاهــيـت = ويــــدين تــــرفع بـالـــدعاء بــستكانه

أخــر وداع الــصـقـر الك يــوم وريـت = دمع ٍ على فقدك من العين بـانــــه

تـابـــعـك في رحــلــتك لــحــد مـا جيــت = والله من يجبر مصابه و أعانـــــه


اربـــع عــقــود وفــوقــها عمرك أفنيت = سجل حافل بالشرف والامانه


بياضه أنصع من كــفـن فيه غطيت = وأطهر من أدمـوع ٍ تذارف عشانه


عين ٍ بكتك و ناظرة بك و وصيت = بنــــدر ولــــدك ومــا بـــقى من خوانه

ويبكيك جيل ٍ معك مع جيل ربيت = و أجيال كسبت منك طيب وفطانه

عـــــلـم وفــعــــلـوا المـنـيـفــــات عـــديـت = مرحـــوم يا روح الـــدروع وكيـــانــه
[/poem]