مشاركة
 

مشاركة ارتجاليه عسى ان ترتقي لذائقتكم ..




بديت باسم المستعان الوالي
رب العباد اللي يعين عباده

في منتدى المرقاب رتمٍ عالي
لاهل الادب يوم القصيد رياده

سلام والمقصود جا بالحالي
نبي مع اهل الشعر اسم وعاده

مافيه راسن من هجوسه خالي
لاشك مابه موقعٍ نرتاده

والمنتدى هذا جذبنا تالي
من عقب شفنا جودته بزياده

فيه النفيس من القصيد الغالي
وفيه الاسامي بارق ورعاده

يكفيك سداح الجزل لاقالي
ولا حبيب لابدى باسناده

وانا قصيدي قد شوفة حالي
من عرض ناسن بالشعر قصاده

واحيان تلقاني ماغير الالي
وياكم بيتٍ راح دون اعاده

على ظروفي قاصرٍ موالي
يوم الزمن طول علي قياده

وان ذعذع الغربي على الشمالي
حطوا على ظهر الاصيل شداده

ماعشت ادور لقمة الفوالي
رزقي على الله رازق الكداده

لو كان مالقى بالجيوب ريالي
كرامتي لانمت خير وساده

العز راسي والفخر دسمالي
والوقت يقنع لو يزيد عناده

ولايذرب الوقت الردي رجالي
لاصار طيبه بالمواقف عاده

يالله طلبتك يالولي يالعالي
الوقت لايلحى رداه اجواده

احمد الشمري

مبدع يا أحمد الشمري
حضورك بهذا المستوى يبشر بإبداع جديد

لك تقديري

بيض الله وجهك يابوتراحيب والله يعين .. تحياتي

,

حضور راقي يا الشمري . . .

الله يوفقك وبإذن الله نراك قريبا أحد اعضاء هذا المنتدى . . .

تحياتي

,