ثامر القثامي
 

مسى الخير للجميع

ثامر القثامي غليم وشاعر
ودي اناغشه



سلام الله سلام ن يرضي الصاحي مع المجنون
ــــــــــــــــ على وجه البسيطه والبسيطه جوها هادي
نبي ناخذ ونعطي والقثامي خاطره مغبون
ــــــــــــــ زعل والا رضي ماهمني عادي وانا عادي

طيب طيب يالشايب

تمون ولك حق على الشباب


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
هلا يامرحبا ترحيبة تمشي على قانون = قبل عد السوالف عندنا دله وبرادي

على قول المثل مافيه لا داين ولا مديون = ولكن لاتجي وتروح سردادي ومردادي[/poem]

الله الله


الله يرفع قدرك



توقع لاتسرع ثم تجينا تمسح الطبلون
ـــــــــــــ على هونك يابن منصور عان الذيب فالوادي
ياليتك لابنيت الساس تسسها على القانون
ـــــــــــــ اخير امن البيوت اللي تلمصقها بلا قادي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ليا مني لقيت الذيب يبشر والعلوم تهون = تبى تكفيه طلقه وحده من نار وزنادي

بنيناها على الساس الوثيق وحصنها محصون = مادام اللي ورى سد الشفا يارجل نقادي[/poem]

الشايب بماضيه العريق :icon_mrgreen: والشاب بحاضره المشرق :icon_mrgreen:

وما لنا الا المتابعة للاستفااادة

معدي المرقاب ,,, ثامر القثامي

تقديري لكما

هلابك اخوي محمد مسفر

والله اني انا المستفيد من خبرة الشايب الله يطول بعمره

وفي نفس الوقت الله يخارجني منه براس المال :icon_mrgreen:


شكرا لك على تشريفك طال عمرك

الله الله


عسى مانت العوض فاللي يدمي سيفه المسنون
ــــــــــــــ نهار المعركه ياخذ ويعطي سلم الاجوادي
انا ماودي ازعل منك واسحب فوقك السيفون
ـــــــــــ بعدها لاتقوم اتصيح للاصحاب وتنادي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عسى مالك خلف مادام حبك في الرحى مطحون = رجال المعرفه ما ينكرون الملح والزادي

معدي ياكل الزقوم واللي ياكله ملعون =ولا تقبل صلاته ياعرب في المسجد الهادي[/poem]

الله الله


هههههههههههه
حسبي على هالغليم



ليامنك لقيت الزاد غسل يدك بالصابون
ـــــــــــ تراء بعض الكرامه مالها حادي ولابادي
نبي نمزح معك وادهن على راسك يابومدهون
ـــــــــــ عشان الصبح تصبح مع رجال العرف قصادي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تبى تضحك لكن المشكله شايب بدون سنون = ولوتمشي طريق الناس مشيك فيه متحادي

لك الله ما تمشيها على هامان يافرعون = دهنا لحيتك قدام تدخل ملعب النادي[/poem]

اهب اهب


مامعي المحتكه وش دراه ذا


سنونك صف وظروسك عساها تطحن الزيتون
ـــــــــــــــ لاكن انا معي ظرسين واطحن كل سرمادي
نبي نكويك بالجمره عشان تجرب الغليون
ــــــــــــــ تموت احلام بعض الناس لامن حده الحادي

ثامر القثامي



ماعاد عندي ولابله

من الاعماق شكرا ونستنا نتمنا لك

التوفيق


تقديري

يالربع انتبهو من (( امن الطرق )) !!

تبى تزعل شويه لين تظهر خافي المكنون = ولا لك عندي الا سيف يطعن سود الاكبادي

وانا ابوسمك بالميسم وتمسي عندنا مرهون = ترى ماعندنا ياصاحبي عنبر ولا كادي

معدي المرقاب

اللي مثلك يستفاد منه شاعر وصاحب خبره واديب

والشرف لي فالعب مع اللي مثلك وشرواك


اسمح لي اذا حصل تجاوز عليك


تحياتي لك

عمر عبد الرحمن


اللوحات مزيفه(pst-

محاورة رائعة بحق رغم التجاوزات الطبيعية والتي لا تخلو من امثالها المحاورات استمتعت باطلاعي عليها
صح لسان معدي المرقاب وثامر القثامي