منتديات المرقاب الأدبية

منتديات المرقاب الأدبية (http://www.montada.mergaab.com/index.php)
-   ..: [ ما قبـل / المرّقَـابْ ] :.. (http://www.montada.mergaab.com/forumdisplay.php?f=120)
-   -   مصافحة اولى .. (http://www.montada.mergaab.com/showthread.php?t=52905)

حسين آل ذيبان 20-11-2010 10:16 PM

مصافحة اولى ..
 
السلام عليكم ورحمة الله وبركاته وكل عام وانتم بخير ... هنا ابيات متواضعه مصافحة اولى لهذا الصرح الشامخ ..



ايش الحياة بصمت ياولد عمي
ايش الحياة ..بحزن من دون الافراح

لو ماتت الضحكة على اطراف فمي
ارسم ملامحها مع البرق لو لاح

ياذيب اخفي داخل الصدر همي
وآقول للشمات طيب ومرتاح

وانا لحالي يغرق الدمع كمي
ماتدري ان جرح العزيزين ذباح

اسقيتهم بالكف من جم دمـي
يوم البخل بالماء يسمونه ارباح

مدحتهم بالكذب والصدق ذمي
والفرق واضح بين مسرى ومسراح

يوم ارتووا بالكف من نبع جمي
جمر انتظار الليل للصبح ماباح!

ليت الليالي لدت الوجه يمي
ان ينفهق منها كذوب ن ومزاح

في ذمتي لشرب من العز سمي
ولاقراح الذل ابو سبعة ارواح

دام انهم فرحوا بلبسة معمي
تكثر سكاكين الجمل يوم هو طاح!

خـلاص .. لاتسـأل عن اسباب همي
دام القصايد صمت والبوح مسباح!!

وسلامتكم

خالد السيحاني 20-11-2010 11:23 PM

،



ياذيب اخفي داخل الصدر همي
وآقول للشمات طيب ومرتاح

وانا لحالي يغرق الدمع كمي
ماتدري ان جرح العزيزين ذباح




الله الله ، شاعر جميل قصيده مميزه صح لسانك ولاهنت يا مبدع


تحياتي

سلطان العطاوي 20-11-2010 11:25 PM

شاعر جميل وشعرك رقيق

لله درك
وحي مصافحتك وحيك
وكل عام وانت بخير:wardah:


جميع الأوقات بتوقيت GMT +3. الساعة الآن 04:29 PM.

Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية