هيّضتني يـ الحزيمي ، والغزل كم له ؟؟ ( مصافحة أولى )
 

خير بداية لكل بداية أن الحمدلله رب العالمين ، والصلآة والسلام على أشرف الأنبياء والمرسلين ..

قبل أن أبدأ معكم في دوّامة الأدب ، أود أن أتقدم بالشكر لكيان المرقاب من أعضاء وإدارة ،

وعلى مايعملونه المبدعين في خدمة الأدب والأدباء في الخليج والوطن العربي ،

أمّا الآن ..
أترككم مع هذا النص الأرشيفي لـ علّه يرتقي لذوائقكم ويلقى في دواخلكم مكانه ...

.......

[poem=font="Simplified Arabic,5,darkblue,normal,normal" bkcolor="transparent" bkimage="" border="groove,2,gray" type=1 line=0 align=center use=ex num="0,black""]
أقدّم الطيّبه واسعى ورى الجزلة=وأكسب قلوب البشر بْطيبة أخلاقي ..
واطوّع المستحيلة وارفض السهله=الين تبدأ بيوت الشعر تنساقي ..
تنساق من خاطرٍ يكتب على مهله=أصدق معان القصيد العذب وُوْفاقي ..
هيضتني يالحزيمي ، والغزل كم له ؟ = وأنا معه قاطع الأفكار بـ/ اوراقي ..
أوقدت نار الجروح وزادت الشعله=اللي انطفت مع مرور الوقت بـ فراقي..
ذكرتني بالهنوف/ الفاتن / النجله=اللي ربت في معاليقي وخفّاقي ..
الجادل اللي عليها الناس منهبله=اللي غلاها سكن في داخل أعماقي ..
كل الوصايف بها يآخوك مكتملة=تروق عيني / ودم الوجه ماراقي ..
العنق عنق المها.. والقذله / القذله=والمشي مشي الحمامة في طرف ساقي ..
منتوقة العنق / مقبولة ومنقبله =و( الوجنتين ) و جبين الصبح شرّاقي ..
و [ العين ] والليل لآمن طرفت خصله= لوشافها شيخْ غْير هقوة الهاقي
لكنّ الأيام قفّت لي وقفّت له = من عقب كنا سوى في داخل إرْواقي ..
روّح وأنا منذهل.. والعين منذهله = جفّت ينابيع دمعي داخل أحداقي ..
سـآفر وعيني تناظر يمّة القبلة = سـآفر وأنا محتفظ بالحب وأشواقي ..
من غيبته ، كل قاف أبداه / ارتجلة =وأحْبك بيوت القصيد بفكري الراقي ..
واتعب معاه وعليه وفيه .. اتعب له= وارقى ، و لوكان شِعْر يتعّب الرّاقي ..
كله على شآن اكتب للغضي جملة = أنا على عهدنا ياصاحبي باقي ..[/poem]

.
.
.
.


و سلآمتكم ،،

.
.
.

اللهم صلّي وسلّم على رسول الله

يا مرحبا بك في مرقابك

والله يحييك بين اخوانك

هيضك الحزيمي واستفدنا من هذه الرايقه

صح لسانك يا مسفر عدد حروفها

ودام تواصلك ،

..

عليه افضل الصلاة والسلام



صح لسانك يامسفر , ولاهنت يامبدع


نص جميل جدا ,


وشكرا للحزيمي اللي دفعك لكتابة هذه الوارفه ,


اسعدني المرور هنا , تقبل تحياتي

الله يحييك يامسفر


وصح لسانك على هذه البدع


غيمار

روّح وأنــــــــا مــنـذهـــل.. والـــــعــيـــــن مـــنــــذهــــلــــه
جـــفّــــت يـنــابــيــع دمــــعــــي داخــــــــل أحــــداقــــي ..


مسفر المقاطي

صح لسانك وسلمت على هالابيات الجميله



دمت بخير :)

روّح وأنـا منذهـل.. والعيـن منذهلـه
جفّت ينابيـع دمعـي داخـل أحداقـي




الله الله الله علييييييييك



صح لسانك وسلم نبضك

تحيتي لك

صح لسانك اخوي مسفر

قصيده رايعه اشكرك عليها

تحياتي لك

الله الله عليك يا مسفر

ابداع وشعر نقي

كل الشكر لهكذا شعر

وصح السانك مدد

مرحبا بك وبحضوررك

وصح لسانك مدد ولاهنت

.
.
.

صح بدنك ، وإحسآآآسك أجمل ،


: )

..
.
.
.


صح بدنك يا ضيف الله ، مرورك أضاف لي يالسميري بلا شك


:)

.
.
..





صح بدنك يالمحينيش ،



وشكرا ً على إطلالتك الرائعه

الرائعة / النايفة .. هُنا ،


لا شك مروووورك يضيف للنص :)


أشكرك على إطلالتك ،

العطاوي ، سلطان




أهلاً بك ، وبتواجدك ، وبقراءتك للقصيدة ..



صح بدنك .. ولا هنت

المبدع/ مسفر المقاطي

أولا/ يا مرحبا بك في مرقاب الجميع و بين أخوانك على الرحب والسعه


ثانيا/

أقـدّم الطيّبـه واسعـى ورى الجـزلـة
وأكسب قلوب البشر بْطيبـة أخلاقـي ..
واطـوّع المستحيلـة وارفـض السهلـه
اليـن تبـدأ بيـوت الشعـر تنساقـي ..
تنساق من خاطـرٍ يكتـب علـى مهلـه
أصدق معان القصيد العـذب وُوْفاقـي ..


صح لسانك ملايين
ولا شك أننا نسعد بتواجك أمثالك

شاعر مبدع و تستحق المتابعه



تحياتي،،

صح السانك يا مسفر


مبدع وجزل



سجل اعجابي



تحيتي

الله الله الله

حياك الله بيننا وشرف لنا

صح لسااااااااااااااااااااانك حتى ترضى يا مبدع


تحياااااااتي