ممـنوع الدخـول !
 

مجرّد محاوله ردّ على خالد الذيابي .. وعساها حول الهقوه


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ذا اليـوم بعد العصر طرقه وإنفلات = مثل أيّ جمعه شي ماعنــّه عدول
مسكت خط بقيق ياالله في النجاة = والخاطر مْن أمن الطرق صار مْعلول
من كثر ما سجّل عليّ مخالفات = بغيت أكسـّر موتري وأركب ذلول
لكن مشيت وحرّكي ياْ محركات = وأنا بأهوجس والحسا نقطة وصول
مرات أفكر كيف أرد الفايتات = ومرات أفكر كيف أدبر لي نقول
ومرات أفكر مثل تفكير الطغاة = وأرجع لتفكير الرجاجيل العدول
أبلش بعض الأحيان بأشياً تافهات = ولانـي أبلش في ثقيلات الحمول
آفطـّر الوجه البجيح مخمّسات = وأحتار ويش آفطّـر الوجه الخجول
مبطي وأنا ماسح شريط الذكريات = كنـّي كذيـّا لا إتجاه ولا ميول
أبغى آتذكّر شي غير السيئات = والحمد لله في النهايه جبت قول!
ذكرت ذيك الشرّد المتفرّدات = أبيات خالد بن حميد اللي تهول
قريتها ذا اليوم وأدركت الوصاة = ويا مرحباً مليار والعقد مْحلول
يا هاجسي لا بالله الاّ هات هات = ماعاد في الموضوع وش عنقا وغول
ترى السوالف طالعات ونازلات = هذي تزول وذيك لايمكن تزول
بعض القصايد عندي أمّ المكرمات = وبعض القصايد مالها عندي قبول
مثل الأيادي ذي تطول الطايلات = وهذيك تقصر لا تنول ولا تطول
أما أنت يا خالد زبون الكايدات= فحل فحل لاعدّو الناس الفحول
ما تاخذ الاّ العاليه في النايدات = ولا تصيد إلاّ الرشا والا الجفول
وأنا آتشرف يوم فيه مساجلات = بيني وبينك عن تفاصيل وشمول
واليوم تنشد عن حياة وعن ممات = وأنت تـْعرف وش في جبال وفي سهول
أتـلى الليالي كلبـوها مدحدرات = ماعاد ندري من رضيً ومن زعول
ناسً تسوي كل يوم مظاهرات = وناسً تدق إصبع على دق الطبول
والصافنات الصايلات الجايلات = تصفن ولكن لا تجول ولا تصول
عان الرحايل يالذيابي راحلات = واللي يبي يرحل يدور له رحول
لا طايرات الاّ وهنــّه هابطات = والزول يمكنــّه عن الناس معزول
لا آقول باقي حي ولا آقول مات = يعني هنا بالضبط ممنوع الدخول
المال والقـوّه وحب المترفات = شيً يخلي الروس في حكم الذيول
والعولمه منها الضماير في سبات = وأم الغوايش تستفز ام الحجول
نقرى على اللوحه : فقط للسيدات = والعالم الله وش ورى ذيك الدحول
يمكن سوالف ناقيه ومرطبات = وإلاّ سوالف تحت تأثير الكحول !
أدخل على الله من كثير ومن فتات = وآقول يا خالد ولا أدري ويش أقول
الوضع كله لي عليه ملاحظات = وأنا من الله ماني آحب الفضول
أما خذينا الأوله من الأولات = ما كل يومً يعترض للصقر جول
والاّ تريـّحنا على ما جات جات = عموما أحسن حل يا زحل الزحول:
الذكـر من متشابهات ومحكمات = إقره ولا تنشد عن أسباب النزول !
[/poem]

........1 :)

الله الله الله يا بو يحيى

يقصر الكلام عن ابداعك وابداع ابو حميد عسى عمرك وعمره طويل

وصح لسانك ولسانه على الشعر الحي والقصيد النايف

المحبه ولاعجاب والامتنان على حضورك المبهر
مشاعر مستمره الى ان يرث الله الارض ومن عليها

اخوك

حجز حتى إشعار آخر

البحرررر ناصر الاحمري

يقصر والله الكلام عنك فعلا


صح لسانك انت وخالد بلا عدد ،،

..

والله انك فيلسوف شعر يا ناصر

مــــثــــل الأيــــــــادي ذي تــــطـــــول الـــطـــايـــلات
..........................وهــــذيـــــك تـــقـــصــــر لا تـــــنـــــول ولا تـــــطـــــول

صح السانك

تحياتي لك

أقسم بالله أنك تشريف لواجهة الشعر الحقيقي

ابو يحي

حجز مدري كم رقمه

ياسلام


مليت صدري شعر


وارتويت



ياناصر


ومن دون قاصر في جميع الابيات كلها جزله ورائعه



لكني وقفت هنا

من كثر مـا سجّـل علـيّ مخالفـات
بغيت أكسّر موتـري وأركـب ذلـول


صح لسانك





مبدع



مبدع

ابو يحيى كل عام وانت طيب
انت مبدع كبير من ذو مبطي

صح لسانك

ناصر الاحمري
رد فاخر من شاعر فاخر
ورد يشبه قناد القهوة وفنجالها
صح كلك
ولاهنت شرفتنى بمردودك المبهر
والحقيقه لايستغرب منك ذلك
لانك لاتاتى الا لتبدع
قلت وطلت وابدعت
تحياتى

ح

ج

ز

بأي رقم كان أهم شي حجز



ويالله إني في وجهك :)

يا وجه الله الجليل(( داهيه داهيه))

شعر قوي لعب قوي بالمفردات وتدفق هائل.

اتمنى لك ربع حض مثل شعار الساحه واضمن لك اكبر متابعين


دمت للشعر رافعا وللشعراء معلما

الى اللقاء

الله الله

نص فاخر يالاحمري
جزاله و شاعريه متفرده

ألف صح لسانك
يا مبدع


تحياتي،،