قف يا زمن
 

السلام عليكم ورحمة الله وبركاته
للتواصل معكم
اليكم هذه الساكنه
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قف يا زمـن وقفـة ملازيـم لاهنـت=وصلت ركايب هاجسـي عنـد سدتـك
جيتك من اقصى حلمـي اللـي تحلمـت=ضيفٍ نصاك وضيفتـه رهـن شيمتـك
مـا اوحيتنـي دقيـت بابـك وسلمـت=ولا انت مـا خليـت طبعـك وعادتـك
وراك مـا قـدرت ضيفـك ولا قمـت=يغنينـي الله عـن متاعـك وضيفـتـك
ماجيـت لـك طـلاب فاقـه ولاجعـت=يحـرم عليـه زادك وسمـن عكـتـك
الواجب انك جيـت صوبـي ورحبـت=لكـن دارك صابهـا شــح ديـرتـك
صحيح انا مـن قسوتـك مـا تعلمـت=جعل الرجا يكسـر مجاديـف قسوتـك
لكن تعـال اقـرب هنـا لـو تكرمـت=ابيـك تعطينـي علـومـك وقصـتـك
انا ادري انه طـاح ضرسـك وشيبـت=رغم الصباغ اللـي بوجهـك ولحيتـك
ولا شبابـك يـا زمـن بعـد ماكنـت=تفرض علـى صـم الجلاميـد هيبتـك
واليـوم للدنـيـا وماتفعـلـه لـنـت=حتى فقـدت اغلـى صفاتـك وقيمتـك
بالعـدل فـي عصـر النبـوه توثقـت=ديدنك حفظ الديـن وحـروف ختمتـك
مـن بعـد قرنيـن او ثلاثـه تغيـرت=او مثل ما قال النبي(ص)عـن نهايتـك
اشوفـك اعلنـت الجحـود وتوقـفـت=طاوعت غرب ما نشو وسـط طينتـك
عـزالله انـك صبـت وانـك تغلغلـت=والعالـم الله عـن خوافـي سريرتـك
دخلت بين اعـراف قومـك وطيحـت=روسٍ فصايلهـا تطـابـق فصيلـتـك
جنبـت دربٍ فيـه مجـدك وركــزت=على الهـلاك وكبـر بطنـك ولقمتـك
راسـك تعالـى يـا زمـان وتكبـرت=ما همـك إلا نظـف ثوبـك وغترتـك
على الضعوف اشتـد زنـدك وهيمنـت=مـا ياكلـون إلا بـواقـي رضيفـتـك
غشـوك خطـلان المفاهيـم واذعنـت=واختـل منهاجـك وفكـرك وكلمـتـك
حملـك قشـاش وبالقواشيـع درهمـت=وشدادك ادمى وجـه غـارب مطيتـك
ما ينفع الصايح ولو صحت ما صحـت=كم صحت من غدرك ومن شيـن نيتـك
اليـا نخيتـك فـي لــزومٍ تبسـمـت=وابديت فـي وجهـي حنانـك وطيبتـك
واذا ابتعدت اسـودّ وجهـك وكشـرت=وانشبـت مابيـن الشقاقيـن حربـتـك
كويتنـي باليـاس حـتـى تحـرولـت=من قسـوة ايامـك ومـن وقـع كيتـك
وش فيـك يـامـال البلـيـه تهبـلـت=عسى ام خمس تهـل ساقـك وركبتـك
قصرت خطاك وباقك العصر وانهـرت=والظاهـر انـه فنـي عمـرك ومدتـك
يا كم صبرت وفوق صبـري تحملـت=حتى شكى متنـي عنـا جـور حملتـك
الغالـي ارخصتـه وعفتـه وقصـرت=واغليت من ضيع خرز خيـط سبحتـك
عـن الرفيـع ابـن المناعيـر جنبـت=واصبح رثيث الناس رمـزك وقدوتـك
إن جـاك راع الحـق يطلـب تنكـرت=وانهارت اعصابك وعميـت بصيرتـك
وان جاك طاري العدل ثرت وتشنجـت=والتفـوا اصحابـك يهـدون ثـورتـك
اغـووك عبـاد الدنانـيـر واهمـلـت=وين الشهامه يـا زمـن ويـن نخوتـك
طـردت طـلاب المظالـم وزمجـرت=واعطيت قسمه واحـدٍ مـن عشيرتـك
من ليس له ماضـي رفعتـه وشيخـت=والفـارس القـدوه نحرتـه بشفـرتـك
من يوم شفتك عن قدى الفـرض ميلـت=وجهـت وجهـي قبلـة غيـر قبلـتـك
سجدت في وقـت الخشـوع وتهجـدت=قبـل السحـر والنـوم يرعـا مخدتـك
يدعي مـن احتطيـت ثوبـه وشتـرت=والحفت جوخـه هامـل بـاق عهدتـك
يطلب من الله فزعتـه بعـد مـا بـرت=وجهه كريـم وفزعتـه غيـر فزعتـك
ماضـاع بالدنيـا وقفـا بـه الـوقـت=نلقـاه يـوم الشـان يطـرد بساقـتـك
مـن عقبهـا نظفـت كفـي وغسلـت=واخترت من يقضي لزومـي وحاجتـك
والشاهد انـي شامـخ مـا تزحزحـت=قـوي حجـه والعـرب حيـل لامتـك
لأنك علـى دفـن المبـاديء تعـودت=ميـزان لكـن منثلـم راس شوكـتـك
وإن جـاك كـذاب يسولـف تجمـلـت=واطلقت في وجهه حجاجـك وبسمتـك
ساعـة تشوفـه فـوق جيبـك تلمسـت=وقدمـت لـه تمـرك وفنجـال دلتـك
قضيت مـن حبـرك لزومـه وختمـت=وتقـول يازينـك ويـازيـن خـوتـك
من بعدها رحتـو علـى دفـة اليخـت=واحضرت له راس المعسـل وشيشتـك
مـره تـون ومـرةٍ تلـزم الصـمـت=واللي جروحـه غايـره سمـع ونتـك
والليل طالـت سهرتـه وانـت مانمـت=يوم اعترض شفّ السهر شـفّ نومتـك
حبكـت باسلوبـك عـلـوم وتفنـنـت=ماخفـت بالله ينصـدع عـود خيمتـك
كسـرت قضبـان العفـاف وتهـورت=ما تدري ان الشـك ينقـض طهارتـك
لو كنـت راجعـت الشرايـع وفكـرت=ما قـادوا اعـداء الحرايـر شريعتـك
تبغى الولد يبلـغ ويمشـي مـع البنـت=وتبغـى العـذارا يهتفـون بحضارتـك
الظاهـر انـك بالغـوانـي تولـعـت=مادمـت تشـرح للـمـلا نرجسيـتـك
انشهـد انـك يـا زمـانـي تنـقـدت=كـل البشـر مستغربـيـنٍ حكايـتـك
لأنصافنـا دزك قريـنـك وهـرولـت=نفسـك تلبسهـن نفانـيـف شرهـتـك
المشكلـه لــو باحتيـالـك تفـوقـت=واهديت خفرات الطحاطيـح موضتـك
قلي امانه لـو حصـل بعـض ماقلـت=وافتكـت الحرمـه مفاتيـح طـارتـك
لو صادفتهـا مشكلـه بعـد مـا آذنـت=من الـذي يفـزع لهـا وقـت غيبتـك
ولو بنشرت بإطارهـا شوكـة الخبـت=وازرت شريحتهـا تنـادي شريحـتـك
هل يا ترى لو صـار هـذا تنومسـت=وهل يا ترى يرضي ميولـك ورغبتـك
شعيـت فـوق النار بنزيـن واشعـلـت=واول حطبهـا مـن يـروج دعايـتـك
بحـزام هامـل يـا جويهـل تحزمـت=استح علـى وجهـك وراجـع قضيتـك
لا والمصيبـه بعـد هــذي تعـمـدت=تشـرح لنـا طيبـك ولينـك وفكرتـك
نقيت مـن يسمـع بلاويـك واختـرت=واول هـدف مترديـتـك ونطيحـتـك
افرض جرى هذا لشـرواك وارتحـت=قلـي بربـك كيـف وشلـون راحتـك
وش حد ذات الطهر تصغي لمـا جبـت=وبيمينهـا سيـف يحطـم هشاشـتـك
اضحكـت خلـق الله علينـا وشـمـت=واحرمت حق المسلمه فضـل دعوتـك
ليـش اختلفـت وبـان فيـك وتأثـرت=حسبي على بذره نشت فيـك واغوتـك
مجنون بـل معتـوه بـل مـا تأدبـت=تبـي كواعبهـا تـطـاوع جهالـتـك
لو صدقتـك وروحـت وانـت وافقـت=ترضع هنود الناس في وسـط غرفتـك
وش تستفيـده وش جنيـت وتكسـبـت=شربـو حليبـك ثـم فـازوا بتركتـك
فتـواك هـذي مثلهـا مــا توقـعـت=ولا خطر فـي بالـي اخـذ نصيحتـك
مـن اول لمـت المعـازف وحرمـت=واعطيتنـا برهـان حرفـك وخطبتـك
واليـوم اشوفـك للمزامـيـر حلـلـت=واهتـزت اركانـك وجـادت قريحتـك
كثـرت فتاويـك وبعلمـك تخبـطـت=والدين ما هو لعـب بيديـن حضرتـك
واحد يقول الشك جائـز لـو احتجـت=لا لا حـرج لاضيـر سايـر قناعتـك
والثاني اغلظ خطـب ويقـول صممـت=لاهـي حـلال ولا حـرام معيشـتـك
يـا مـن بعرجـون الفتـاوى تعلقـت=الكيل فـاض ونستحـي مـن فضيلتـك
لا ترمي الجمعه علـى راعـي السبـت=ولاتزرع الثومه تحـت ظـل وردتـك
اتـرك لنـا مفتـي بلدنـا اذا شـئـت=يرحـم ابـوك وخالـك وراس جدتـك
انـا مـع مفتـي وطـنـا ولا زلــت=يغنينـي الله عـن فتـاوي جماعـتـك
معـه عرفـت الفقـه حتـى تفقـهـت=لـه بـردة بيضـاء تجمـل عبائـتـك
يـا هـوه كفـو والله انــي تعـقـدت=يالله تعـز الـديـن وتـعـز رايـتـك
نلقاك فـي مـن صـان دينـك وثبـت=واحفظ هل التوحيـد حاميـن حوزتـك
من بعـد هـذي يـا زمانـي تجـرأت=واعلنـت للمسلـم مظاهـر بشاعـتـك
لو كنت مؤمن يـا غبـي مـا تلفظـت=ولبست عرض الطاهـره قبـح كذبتـك
حبيبـة المختـار بالاسـم خصـصـت=وصفتهـا بأرفـع مـزايـا ربيبـتـك
باسوا رذيله يا اسـود الوجـه عبـرت=عن عائشـه تعبيـر يكشـف رذيلتـك
بلسانـك الثرثـار والـقـذر نجـسـت=ام التـقـى والمؤمنـيـن بنجاسـتـك
لو جسمـك الحفتـه تـراب وتنظفـت=سبـع ورى سبـع تـكـوده نظافـتـك
خرجـت عـن سنـة نبيـك وكفـرت=اطهر رموز الكـون خابـت ركيزتـك
عمر وعثمان وعلـي يـا مـن اذنبـت=وابوبكـر اشـرف مـن ازلام حجتـك
انظف من اللي فـوق راسـك تعممـت=وانقـا وابقـا مـن عمايـم رفاقـتـك
نفسـك نواياهـا تعانـي مـن الكبـت=حتـى مـع الرضـع تحلـل جريمتـك
خبيـث باطـن كـم بخبثـك تشدقـت=وامراض صدرك كلهـا مـن خباثتـك
طعنت في عـرض الصحابـه وكذبـت=والمصطفى(ص)واهله برا من دعارتـك
مـع رعيـل الإفـك عشـت وتدربـت=وذنوبهـم غشيَـك حممهـا وصابـتـك
ياعرض ابو القاسم على روسهم صرت=كابـوس مرعـب زلزلتهـم كرامتـك
ياعرض صديق النبي(ص)فوقهم دسـت=قضـت مضاجعهـم مشاهيـب عفتـك
الطهر ميزانـه غـدى عندهـم غَمْـت=لأعظـم فضيلـه مـا يبالـون بالهتـك
لاخير فـي شعـري اذا مـا تحركـت=واحميـت حرفـي ثـم سقتـه لخدتـك
ماني كمـى غيـري سكـت وتبلكمـت=انـا خـلال حربتـه جـوف غصتـك
لبيـه يـا امـآه لأجـلـك تزهـبـت=ياعائشـه وش عذرنـا فـي برائـتـك
ان ما حضر حرفي وصوتي وبرهنـت=للمسلميـن ان الدمـاء دون نصـرتـك
معناتـه انــي ياذلـيـل وتقهـقـرت=ولا مع اللي ما اونسـوا حـر طعنتـك
لابالله الا شـاب راسـي وخـزمـرت=من هول زنديق هبـط تحـت وطيتـك
يارب يامن صـوب وجهـك توجهـت=احكِم على مـن شـوه الديـن قبضتـك
حسيبك الله يا زمن ويـن مـا رحـت=ناظر بعينـك واسمـع اخبـار شلتـك
قومـك بنـي لبـرال مكالـة السحـت=اللـي فلـق مسمارهـم بـاب قريتـك
فين انت عن غزه وشـارون والمـرت=اللـي شلـع قانونهـم ثـوب غـزتـك
وش فيك لا جاء طاري القدس خنزرت=وانحشت عن الاقصى ومحراب صخرتك
وكم غيرها تشكي عنـا مايـل البخـت=علـى امـل تفتـق رماحـك وعدتـك
اشـك لأنـك عشـت وقتـك وجربـت=في ديـرةٍ مـا همهـا غيـر نزوتـك
رح للطبيـب ان كـان منـي تألمـت=واشرح له امراضك ومضمـون علتـك
فإن كان راسـك سالـم ومـا تجننـت=قلـه يشـوف احـوال قلبـك وذمتـك
اذنـك وضعتـه للخبـاث وتمسكـنـت=حتـى تمـادوا واستغـلـو غشامـتـك
ان طعت ما في روسهم قالـو احسنـت=وان عـز مطلبهـم تمالـو بذبحـتـك
عجيب امرك يا زمن كيـف طاوعـت=ركـب تمـادوا واستهـانـو بسنـتـك
مفـروض لا شفـت التوافـه تلطمـت=واعطيتهـم باقـدم نعالـك وحـذوتـك
هالحين لا صليت فرضـك ولا صمـت=ولا مـن اخترتـه بيقضـي فريضتـك
كثـرت مصايبهـم عليـك وتورطـت=وشلون نرجي قومتـك عقـب طيحتـك
خليـت دربٍ عزنـا فيـه وادبــرت=مـع الـذي سوطـه يسوقـك لحفرتـك
لولا جليـل الملـك سبحانـه احرقـت=النـاس والدنـيـا بسـبـة خطيـتـك
ولولا حمـاة الديـن ضـدك تفرعنـت=وغرزت ناب الذل فـي صـدر لابتـك
نيرانهـم شبـت علـيـك وتبهـذلـت=خـدام بيـت الله موطـيـن هامـتـك
حكامنـا حامينـهـا لــو توهـقـت=واقدامهـم بالحـق والعـدل داسـتـك
ملوكنـا بافعالـهـم كــم تجـرعـت=عبـدالله وسلطـان مبليـن هجمـتـك
والنايـب الثـانـي بفعـلـه تعـذبـت=حتى عرفنا يـا زمـن قصـر قامتـك
لمحمـد النايـف لجـأت وتـجـورت=وقلنا ابرك الساعـات واهـلا بعودتـك
تقـول لمحـمـد تـرانـي تحسـفـت=ارجوك جز عني وانـا رهـن خدمتـك
قلنـا سمـاح وكـن ماكنـك اجرمـت=والله غـفـور ومستجـيـب لتوبـتـك
عفى الكريـم اللـي بوجهـه توسلـت=واعطـاك امـان الله يقيـن بصدقتـك
واثرك مـع ذباحـة النـاس خططـت=واخفيت فـي بطنـك معابـر ذخيرتـك
باصابـع المكـر افتخـرت وتلغـمـت=مـن شـان تغتـال المياميـن غارتـك
خنـت المواثيـق وكلامـك وفـجـرت=نفسك بنفسـك حيـن ثـارت جديحتـك
بالمجلـس الطاهـر نفقـت وتقطعـت=واخذوك فـي كرتـون كلـك برمتـك
نجى الصـدوق وقـدم عينـه تمزقـت=والله زرع مـا فـي ضميـرك بجثتـك
رجم الـردى فوقـه رقيـت وتربعـت=حتى اتضح للنـاس قصـدك وغايتـك
احاط بـك غـدرك وروحـك تفلسـت=والله علـم بالاخـره ويـن وجهـتـك
لو كان فـي راسـك مـروه تراجعـت=واكرمت مـن رحـب وهـلا بطلتـك
لكن علـى الشيطـان واهلـه توكلـت=وهذي نهاية كـل مـن سـار سيرتـك
ترى الوطن محـروس مهمـا تبجحـت=نعرف من اصحابـك ونعـرف ثقافتـك
بعت الثرى وارخصت وايضـا تآمـرت=مـع فلـول ابليـس قـايـد خليـتـك
نلـت المعالـي يـا علمنـا ورفرفـت=تبقى علـى مـر الزمـن فـوق قمتـك
اعـذر فضولـي يازمـن لـو تعمقـت=وابحـرت باعماقـك ولجـة مرارتـك
لكـن خـلاص انـا هنـيـا توقـفـت=بارحل وادور شرعـة غيـر شرعتـك
مـن تجربـة مـر الحقايـق تكلمـت=ما قلت غيـر اللـي قريتـه بصفحتـك
تدري وش اللي يا زمـن بـه تميـزت=ظالـم وجبـار وعنـيـد وسلامـتـك
يارب تنصفني فـلا منصـف إلا انـت=وانك تعوضنـي عـن اليـاس جنتـك [/poem]

لله درك
لله درك
يامحمد
قصيده محسوبه
صح لسانك ايوالله

منيف الشيباني
صح بدنك ولا هنت
شكرا لمرورك
تحياتي لك

ماجد
ووجهك ابيض وصح بدنك ولاهنت
شاكر لك تواجدك
تحياتي لك