يالله سترك من الذل وزمان الهوان !!
السلام عليكم ورحمة الله وبركاته مساكم الله بالخير .. الحال لا عاد تنشد عنه يابو ليان ! يا لوف حالي من الايام يا لوفها ! لا جيت ادور مكان ازريت الاقي .. مكان يضمني من ليال الفقد وصروفها ..! افراح صدري تلاشت ما عليها ضمان يتلها قايد الاحزان .. وإيحوفها .. ! واهموم وقتي ترازم دون قيد وعنان ! تسرج ركاب الضياع .. لتالي اصدوفها العولمه في زمنا يالله المستعان بسم التقدم علينا سنو اسيوفها ! ناس ٍ ركبها بليس..ابما بقى فالزمان تومي على ملة الاسلام بكفوفها ! مدري البلا بربعنا .. والا بكوفي عنان ! وام الكباير عليها لاق .. نفنوفها آخر موديلاتها تجيز عزف الكمان ! يا والله.. سم العقارب سال من جوفها يالله سترك من الذل وزمان الهوان المسلمين اتخاطف بعض من خوفها ! والحر ماهوب يرضى يا ولد .. بالطمان يرقا بنفسه .. على قمة رضى شفوفها اسج رجلي عن دروب الخبل والجبان ! واصد عن جاهل الدنيا .. وملقوفها !! غنيت للصبر طاروق السنين الثمان لو أن فيها اثمره .. من شح معروفها ما كان بكت عيوني قدم ياسي عشان تعمي عيون الأمل في ساعة خسوفها ماهي بقصة وادانه .. ليل .. يا ليل .. دان يوم ان بعض العرب تاقف على ظروفها ! عزاي .. دنيا الفتى صبر وجلد وامتحان و لا بد ما ياجد اللي .. نفسه اتعوفها !! |
أشكــــــــــرك ايها المبدع الجزل
صح لسانك حتى ترضـــى محبتي وتقديري |
كبير يا متعب فهد
صح لسانك على هالشامخه مودتي |
الله عليك يا متعب
ومرحبابك بعد غياب صح لسانك الف على هالثمينه والله المستعان على العولمه وعلى من سعى بها أعجابي وتحيتي لك . |
متعب
صح لسانك على هذه الرائعه الثمينه والثريه فعلاا الله يعين انشاء الله تقبل ودي وتقديري |
الله الله
المبدع | متعب فهد صحّ لسانك واعتلا شانك مبدع ما شاء الله عليك لاهنت |
عزاي .. دنيا الفتى صبر وجلد وامتحان
و لا بد ما ياجد اللي .. نفسه اتعوفها !! ابدعت والله لا يضرك وسلامتك من الهمّ وشرور الأحزان كل الودّ |
.
. . الله الله الله ياسلام ياسلام صح السانك ملاييييين قصيده شامخه تحيتي لك |
،
عزاي .. دنيا الفتى صبر وجلد وامتحان و لا بد ما ياجد اللي .. نفسه اتعوفها !! هذا والله الكلام .! صح الله لسانك صح الله لسانك أخوك |
اقتباس:
يابو عبدالكريم شرفتني يالغالي صح بدنك ولا عدمتك |
هلا وغلا
ونوّر المرقاب :) ورأيي تعرفه من زماااان مبدع أينما حللت وصح قلبك :wardah: |
| جميع الأوقات بتوقيت GMT +3. الساعة الآن 06:44 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية