عذرك يا موظّف !
وش عندك متأخر على الدوام؟
- امي مصخنة. - بنشرت. - الطريق مزحوم. - قدامي حادث ورحت أسعف المصابين. - ولد خال جيرانا توفى وانا طالع الصبح اشغّل السيارة. ، وش عندك غايب أمس ؟ - نفس الأعذار أعلاه مع بعض التغييرات الطفيفة. ،، حدثني موظف عن موظف آخر عن مسؤول نحيس لا يعذر ولا يستعذر، قيل له: متى تعذر الموظف في حال تأخره او غيابه، فأجاب: اذا مات قبل الدوام الرسمي اكتفي بتدوين ملاحظة وارسالها للتأمينات الاجتماعية للنظر في موضوعه وهل يمكن أن يخصم منه ساعتين قبل كتابة هذا التقرير أم لا. ( قلنا لكم نحيس ماصدقتوا) ! أما اذا مات أثناء العمل الرسمي فلنا رأيين الأول : في حال موته داخل العمل واكون انا شاهداً على ذلك، فإن نطق بالشهادة فلي رأيين وان لم ينطق بالشهادة فلي رأي واحد الخ .. هذا رأي احدهم والرأي الأول والثاني لكم، وسؤالين بحاجة الى اجاباتكم بكل تجرد (لحد يحذف ملابسه) - ماذا قلت لمسؤولك من اعذار (غير صحيحة)؟ وعطنا الاجراء المتخذ بحقك :) - ولو كنت مسؤولاً عن مجموعة من الموظفين، كيف تتصرف حيال الاعذار الواهية، وماذا لو اكتشفت الكذب في بعض الأعذار؟ :) ملاحظة : ارجو ان تكون الاجابات نموذجية ولامانع من ايراد بعض المواقف المتصلة بالموضوع.:icon_mrgreen: والله ولي التوفيق تحقيق : محمد صالح تدقيق : محمد صالح رئيس شعبة الموضوع: محمد صالح منتديات المرقاب الأدبية القسم العام |
: )
طيب ياسيادة المحقق كونان ابـ أتذكر (( الكذبات )) البيضاء ، وأرجع لك :icon29: |
:
موضوع بالصميم يامحمد وفيه جمال يأخذ طابع الجديّه اقتباس:
بالنسبه لي يامحمد فأنا أكره الكذب :) لدرجه ان ودي مااداوم بس مااكذب لان على ملامحي تتضح معالم الكذب بسهوله لاني لااجيده بصراحه بالنسبه لجواب السؤال الأول فلا اتذكر صراحه اي جواب حاولت فيه استمالة احد على حساب قناعاتي :0012: الجواب الثاني وبصراحه بأمشيها له مره وثنتين وثلاث ووقت الجد بأرميها بوجهه وبأقوله ياكذاب وعلي وعلى اعدائي (jar- وهذي لك :wardah: |
اقتباس:
اتق الله في نفسك يا ناصر، مافي شي اسمه كذب ابيض وكذب أسود:icon_mrgreen: خلاص وانت راجع احذف الفقرة اعلاه لأنها تتعارض مع اللائحة الداخلية للموضوع ههههه بانتظارك يافندم، :) |
اقتباس:
بالنسبة لوضوح الكذب في اقوالك، ممكن تستثمر هالشي وتكون صادق وتقول عذر صحيح لو ماهو عذر .. مثلاً ( غطني النوم) وشفيها الصراحة احلى منها مافي:icon_mrgreen: يامرحبا ياسعد شرفت الموضوع بتلقائيتك وعفويتك :) الف شكر |
ههههههههههههههههههههه
يا كثر المناحيس في عالم الإدارة .. :0012: وبخصوص الاجابات فهي كالتالي < يا بعد الجدّية عنك :icon31: ج 1 : النوم اغلب اعذاري والزحمة .. وكنت اوصل " ليان " الروضة :11: والاعذار تمشي في اغلب الايام .. واقبح ما انتهت اليه " لفت نظر عقيم " ج 2 : لو كنت مسئول راح امشّيها اول مرة مع ابتسامة صفراء (pst- والمرة الثانية نقلبها على راسه حتى لو قال الصدق بعينه ولسانه .. :mad: - ومن قصص المناحيس ان احد الزملاء توفت أخت والده - رحمها الله - وكلّم المدير بكل ثقة ليمنحه اجازة العزاء فردّ عليه المنحوس بكل هدوء : هذي ما هي من الاصول ولا الفروع << يعني الله يرحمها تكفي :in_love: فكان هذا الموقف أقسى ما مرّ على ذلك الزميل المشئوم شكرا يا مدير البرامج والمنسق والمحقق المحترم تحياتي |
اقتباس:
هههههههههههه الله يحفظ ليان ويخليها لك، بس النوم عذر مُزعج :icon_mrgreen: اما موقف خويّك لا يُحسد عليه ابدا :( الف شكر يابوليان .. نورت وعطرت الموضوع ، |
يآ هلآ ومسهـلآ يآبو صآلح
الله يعـطيك آلف عآفـية على هالموضوع التووحـفة بصرآحـة (pst- يبي يطلّع نآس وآجد على حقيقـتهم :11: اقتباس:
وإذآ اتخذ إجرآء رسمـي وفيه حسم أضـطر لتقديم عذر ورقي لآ يحق له الحسم علي بموجبه (pst- وبالنسـبة للسؤال الثآني : تبي تمشي مرة ومرتـين وتخرب في الثآلثة (jar- أبو صآلح يعـطيك العآفـية ولاهنت مشكـور |
محمد صالح العتيبي
أشتقنا لك يالجميل ولقلمك ... ولا نكتفي بقراءتك ومشاهدتك هناك :) تحقيق : محمد صالح تدقيق : محمد صالح رئيس شعبة الموضوع: محمد صالح خخخ ضحكتني من خاطر...وتذكرت مجلة تصدر عندنا ومالكها نفس مهامك أعلاه واكثر على قولتهم هو الكل في الكل :) |
اسعد الله مساك يا سعادة الرقيب ابو صالح : ذكرت سالفه علمني بها واحد من الشباب " ايام الجامعه / يقول في يوم من الايام غابو اربعه من الشباب " مسافرين " وتخلفو عن الاختبار يوم الاربعاء داومو السبت وسالهم الدكتور عن اسباب الغياب قالو بنشرنا وتأخرنا قال طيب : كل واحد يمسك زاويه ويطلع ورقه .. ويجاوب السؤال الاول : اي كفره بنشرت السؤال الثاني : نوع سيارتكم السؤال الثالث : لمن السياره . ولاحد جاوب وعفاااااااااكم |
,
مواضيعك دائما مميزه يابوتركي انا بالنسبه لي لا تمرني هذه المواقف ابدا لاني موظف في البترول ودوام شفتات يعني طلع خويك ويجي يطلعك لا مسؤول ولا قاله الله وكلنا نمون على بعض يعني ماعندنا كذب ابيض ولا بيج :) ومتشكر يا افندم واشتقنالك :wardah: |
,
هههههههههههههههه موضوع رائع . . . تسجيل حضور يابو تركي , ولي عودة بإذن الله . . . محبتي , |
ياهلا يابو تركي ابركها من ساااعه يوم شفناك :)
اقتباس:
اذا مزاجه حلو من حظك واذا مزاجه بيض ومرندا رحت غلطه teeth: من يوم التحقت بالعمل من 6 سنوات تأخرت 5 مرات فقط <<< ابووووك يالانضباط وكلها العذر واضح وصريح ( ناااااايم ) .. ولحقها مالحقها من الحساب :) |
،
يا مرحبا يو بو تركي ، بما ان الاعذار الواهيه ( البيضاء ) لعبتي راح اجيكم بالجمل وما حمل ، teeth: لي عوده |
و الله زمان يا ابو تركي ..
اولاً يا مرحبا بطلتك و بشوفتك التي تنعش المرقاب.. ثانياً اليك اجابتي.. بالنسبه لي أكره شئ عندي التأخير عن العمل بسبب ظروف عملي التي تجبرني على الحضور مبكراً او الإستئذان عن العمل قبلها بيوم ليتم ترتيب من يقوم بعملي كوني رجل أمن و وظيفتي سوبرفايزر و عليّ مسئوليات في إدارة أمن مباني الإداره العامه.. لذلك فأنا أمام خيارين إما أن يكون لدي عذر و أقدمه مسبقاً.. أو يكون عذر مفاجئ اثناء دوامي فأستأذن و الأمور ميسّره في هذا الجانب.. لكن بداية الدوام صعبه جداً اضف الى ذلك ان المسافه من بيتي الى عملي هي ثلاثة كيلو مترات فقط.. لذلك ما فيه فرصه لأي عذر حتى لو أجي كعّابي و استأذن و امشي.. حتى لو صار وفاه لا سمح الله فأنا اجي و اداوم و استأذن و امشي لأن في حالة الوفاه لن أقدم أي شئ و لن أعيد حياة أحد .. و احترام أنظمة العمل أهم .. بالنسبه للسؤال الثاني.. يعلم الله انني أُعذر أي تأخير لأي واحد من الزملاء مره و مرتين و ثلاث و اتقبل اعذارهم مهما كانت الا الشخص العبيط و المتلاعب و اللي ما يقدّر مساعدتي له فهذا له شأن آخر لأنه و بكل بساطه هو لم يحترم عمله و لا الوقت و يصنّف على أنه متلاعب و ليس صاحب أعذار حقيقيه.. فهذا أنظمة الإداره أولى به و بتطبيقها فيه.. لكن سوف أذكر لك موقف لا أحسد عليه .. قبل عدة سنوات قبل اكون سوبرفايزر .. داومت و استأذنت مبكراً لأن ولدي مهنا عليه حراره شديده, و طلعت من الدوام الساعه السابعه و النصف و كان يوم الأربعاء.. و رجعت للعمل الساعه الحاديه عشر ظهراً.. و سجلت حضوري لدى السوبرفايزر.. تخيّل الساعه الحاديه عشر و الربع اتلقى اتصالاً من خالي ( رحمه الله ) يقول أنا في بقيق و لا أدل البيت ( لأول مره يأتي لبقيق ) فأكلني قلبي وش يجيبه لبقيق لا له مصلحه في بقيق و لا له قريب غيري,, فقلت بس فيه أمر كايد و لا جابه لبقيق بشكل خاص الا فيه شي.. و غير كذا خال و ضيف يعني في كلا الحالات لازم اطلع.. المهم كلمت السوبرفايزر مره ثانيه و علمته و قال يا ابو مهنا اليوم الأربعاء و توّك جاي من موعد طبي و هالحين طلعت لنا بخال و ضيف و لا يدل البيت, قل انك تبي تطلع بدري و تستغل الأربعاء.. المهم حاولت انكر هالشي و اوضح له موقفي لكنه لا بعّد و لا قرّب و قام يبربر و الوقت راح عليّ.. قلت يا ابو فلان.. قال نعم قلت دبّر لك رجال يجي مكاني تراه فاضي و انا علمتك و حطيتك قدام المسئوليه لا بوك لا بو عملك .. المهم ان العنز حضّرت بقرونها و انا اترك المكتب و اترك شغله مهمه كلفني بها اول ما جيت.. عاد يوم رجعت السبت ( باقي القصه شوّش عليها الإرسال) :icon_mrgreen: هذا موقف من مواقفي العمليه.. و صراحه موضوع كااااااااااااااايف و يجبرنا على متابعته و يحتاج الى تفعيل حقيقي من الأعضاء .. |
:
: البناخي الحلو : محمد صالح .. !! <-- مدري لو اني ظلمت حظي فالحلاوه .. !! يامرحبابك في هذا الموضوع الثري والمثري .. حول (( الموظف )) والوظيفه وطريقة سير العمل بين المرؤس ورئيسه .. - ماذا قلت لمسؤولك من اعذار (غير صحيحة)؟ وعطنا الاجراء المتخذ بحقك * - بما اني لست موظفاً فلم يمر علي هذا الأمر .. !! <-- ايقون (( عاطل )) .. !! - ولو كنت مسؤولاً عن مجموعة من الموظفين، كيف تتصرف حيال الاعذار الواهية، وماذا لو اكتشفت الكذب في بعض الأعذار؟ * - تبي الموضوع بأختصار لو اني مسئول عن موظفين تحت أدارتي بـ (( يفلووووووونها )) .. !! ماراح احدهم على الكذب وراح ارسم لهم استراتيجيه تخليهم يحبون العمل مايكرهونه .. !! <-- اهب يالريس اللوذعي .. !! teeth: |
.. والله موضوع رااايق والاجوبه رايقه اكثر وتحمس على المشاركه .. وانا يعلم الله اني ملتزمة بحكم " اني " معلمة ومرتبطة باختبارات وجدول مدرسي .. واحس لما تغيب معلمة ونشيل حصصها :mad: خاصه ان كانت اخر حصة ..! المهم حصل لي موقف اول ما توظفت .. ويعلم الله انه اول واخر موقف .. كنا نبي نطلع للمزرعه وهالكلام قبل عطلة العيد الوطني والتحرير .. ما يمنع اخذ يومين اجازه :11: ع الماشي ..! كلمت اخوي يدبر لي تقرير طبي من المستوصف .. وفعلا جاب لي تقرير طبي لمدة يومين .. و حطه عنده في سيارته .. ورحنا للمزرعه واستانسنا في العطله (pst- وقبل لا اداوم بعد الاجازه ..خذيت الاجازه المرضية من درج سيارة اخوي ولا شفتها .. ورحت للمدرسه و على طول وسلمتها ل مديرتنا :11: وقالت عسى ماشر غبتي يومين قبل العطله .. قلت ابد .. انفلونزا والحمدلله صرت احسن :in_love: اشوفها بحلقت عيونها فيني وفي الورقه اللي معاها وابتسمت ..!!! وقالت انفلونزا في الاسنان ؟؟؟!! استغربت كلمتها ؟؟؟؟ طلع اخوي الله يسامحه مسويها عند طبيب الاسنان ولا علمني :11: وانا خذيتها وسلمتها لمديرتنا ..حتى ما قريتها (pst- وحرمت بعدها ... :in_love: وبخصوص الاجابه الثانية .. اذا اعذر موظفه او لا .. يبين الصادق و المتلاعب من حضوره وكثرة اعذاره .. :SnipeR (69): ويعطيك العافيه على هالموضوع " الفله " ..:wardah: .. |
- ماذا قلت لمسؤولك من اعذار (غير صحيحة)؟ وعطنا الاجراء المتخذ بحقك
أنا إنسان منضبط ودوامي شفتات وأتفاهم مع خوياي بدون توصل للمسؤولين <- طيب وراك معصّب؟ - ولو كنت مسؤولاً عن مجموعة من الموظفين، كيف تتصرف حيال الاعذار الواهية، وماذا لو اكتشفت الكذب في بعض الأعذار؟ بيفلّونها لييييين يصيرون يغيبون وأقول وينكم ويقولون ما راح نداوم وش في راسك؟ (pst- الله يعطيك العافية يابو تركي .. موضوع جميل جداً ويكفي أنك من أتحفنا به .. دمت كما تحب .. تحيّتي .. |
اقتباس:
نورت بطلتك يامحمد |
اقتباس:
تسلم يابو علي وحضورك ومتابعتك اكيد محل فخر واعتزاز :) |
اقتباس:
دكتور منصف وذكي وماظلم حظه:icon_mrgreen: شكراً لتعطيرك |
اقتباس:
تسلم يالسمي والتميز طلتك ياسيدي شكراً لك |
| جميع الأوقات بتوقيت GMT +3. الساعة الآن 09:12 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية