الغربـــــــــــــــــــــال.....
انا من حط ناسه ..كل ناسه..يوم ف الغربال
ولاوالله طلع منهم بمن ظنه.. على ..ظنه حبايب, واصدقا ,وقروم مروا من هنا ,ورجال تعدوني وزلوا ساقتي منه,,وانا,,منه وانا اللي شوف عينك ,بس لجل اني فقير الحال غديت اللي ذنوبه .. ماتورد رجله الجنه خوي الفقر كله عيب.. لوهو مابه المثقال ومن يمناه عن جيبه قصيره .. عزتي عنه خويك والله اللي لابغيت العلم .. راس المال هو اللي لارفعك امسيت فوق ..ال أه ..وال أنه زماناً مايبيلك فيه ..لادلـــه ..ولافنجال يحول الكم دون الكيف فيه .. ولاحداً كنه معك قرشين تسوى ..مامعك؟ مالك لوى ياخال ولاتسوى الثلاث من الغنم ..واللي رعاهنه لك الله غير تشــــريلك رجالاً ياولد بريال ليامنك ملكت ريال ..جالك حنه ورنه غديت انت الولد..راع الجمل.. والحمل.. والجمال ولك راس السنام من القلوب.. ولا لحد منه ابوغاده |
.
. . ابوغاده الله عليييك ولله درررك صح السانك ملاييييين قصيده جزله من شاعر جزل تحيتي لك |
وانا اللي شوف عينك ,بس لجل اني فقير الحال
غديت اللي ذنوبه .. ماتورد رجله الجنه لله درّك يا بوغاده صح لسانك والفقر ما هو عيب ولو ان الناس حطوه عيب نص جميل جداً .. أعجاب وتحيه :) |
الفقر والله فقر الرجوله يابو غاده
صح لسانك مدد تقديري |
الله الله
صح لسانك يابو غاده :) مدد ولاهنت على الكايفه ومثل ماقال عيسى الفقر فقر الرجوله والله لايضرك تحيتي واعجابي نايف |
صح السـانك ولا هنت تقبل مروري
|
خوي الفقر كله عيب.. لوهو مابه المثقال
ومن يمناه عن جيبه قصيره .. عزتي عنه فقير المال ماعليه أخلاف لكن فقير الحظ عزتي له :) صح لسانك وعساك سالم تحياتي لك |
الله الله
ابو علي صح لسانك مدد والله ولاهنت مودتي |
مرحبا عدد شعراء المعموره
مرحبا عدد حروف الشعر هلا بالشاعر الكبير والقدير / سلطان بن علي العتيبي والله يحييك يا بوغاده والله انها فرصة للاستمتاع بالابداع من قريّب :) صح لسانك يا المبدع الكبير وشرفتنا ، .. |
شكراً لجميع الاخوان ...وماعليكم زود والله لايهينكم
|
سلطان علي
صح منطوقك ولاهنت يالسنافي.. تحيتي,,,, |
هلابك ياحمد الخليفه وهلابكم كلكم من اولكم الى آخركم
الله لايحرمني طلتكم الجميله ..دمتم بوووود |
| جميع الأوقات بتوقيت GMT +3. الساعة الآن 05:49 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية